စာစဉ် 22 Chapter 316 စစ်သည်တော်တစ်ယောက်၏ စွမ်းအား
"အားနည်းလွန်းတယ်၊ နောက်တစ်ခေါက်"
ထွားကြိုင်းသောလူက ဆက်၍ လက်ကိုမြှောက်ထားပြီး တပ်ကြပ်ကောင်းတို့ လေးယောက်အား လက်ယပ်ခေါ်လေသည်။
"အတူတူ တက်ကြမယ်"
တပ်ကြပ်ကောင်း၏ မျက်နှာက ရုတ်တရက် မည်းမှောင်လာသည်။ သူတို့ လေးယောက်လုံး တစ်ပြိုင်တည်း တက်သွားကြသည်။
သူတို့သည် များစွာသော မစ်ရှင်များနှင့် အချင်းချင်း ပူးပေါင်းလုပ်ဆောင်ခဲ့ကြသောကြောင့် ပြောနေစရာမလိုဘဲ တစ်ယောက်စီ၏ ရည်ရွယ်ချက်ကို နားလည်ကြသည်။
တပ်ကြပ်ကောင်း၏ ခွန်အားက အသန်မာဆုံး ဖြစ်သည်။ ထို့ကြောင့် သူသည် ထွားကြိုင်းသောလူ၏ အာရုံကို ဆွဲငင်နိုင်ရန် ရှေ့မှနေ၍ အားကုန် ထိုးနှက်လိုက်သည်။ အခြားသူ သုံးယောက်က အနောက်မှ ပြေးတက်လာပြီး ကျန်နှစ်ယောက်က ထွားကြိုင်းသောလူ၏ ခြေထောက်များကို ဦးတည်တိုက်ခိုက်လေသည်။
သူတို့၏ တိုက်ခိုက်မှုနှင့် ရင်ဆိုင်ရသော်လည်း ထွားကြိုင်းသောလူ၏ မျက်လုံးတွင် အထင်သေးသော အရိပ်အယောင် ဖြတ်ပြေးသွားပြီး နေရာမှ မရွေ့ဘဲ ခြေထောက် အမြစ်တွယ်နေသကဲ့သို့ ရပ်နေ၏။
တပ်ကြပ်ကောင်းတို့ လေးယောက်၏ မျက်လုံးတွင် ဝမ်းသာသွားသည့် အရိပ်အယောင်များ ပေါ်လာသည်။
*ဒီလူက သန်မာကောင်း သန်မာနိုင်ပင်မယ့် မောက်မာလွန်းတယ်၊ ဒါ ငါတို့ရဲ့ အခွင့်အရေးပဲ*
သူတို့၏ အကြည့်များက လေးနက်လာပြီး သူတို့၏ အကောင်းဆုံး တိုက်ကွက်များကို ချက်ချင်း ထုတ်ဖော် ကြသည်။
တပ်ကြပ်ကောင်းက ထွားကြိုင်းသောလူ၏ ရင်ဘတ်ကို ထိုးနှက်လိုက်ပြီး အနောက်မှလူက လေထဲသို့ လွှားခနဲ ခုန်လိုက်သည်။ ထို့နောက် တစ်ပတ်လှည့်၍ ထွားကြိုင်းသောလူ၏ နောက်ကျောကို ကန်ကျောက်သည်။ ကျန်နှစ်ယောက်က ဘေးတစ်ဖက်စီမှနေ၍ ထွားကြိုင်းသောလူ၏ ခါးကို ကန်လေသည်။
"ဝုန်း"
လေးယောက်လုံး၏ အရပ်လေးမျက်နှာမှနေ၍ ထွားကြိုင်းသောလူအား အရှေ့၊ အနောက်နှင့် ဘယ်ညာမှ ပြိုင်တူ တိုက်ခိုက်ကြသည်။
YOU ARE READING
ကျုပ်က ပါရမီရှင် (Chapter 201-400)
FantasyDisclaimer: I don't own this story! I'm just translating this book. All full credit to Original Author!! English Title : I am a prodigy Original author: Rugao Under The Bridge Original Chapter: 795 (Completed) ⚠️This is not BL⚠️
