စာစဉ် 22 Chapter 318 လက်သီးတစ်ချက်နဲ့ တောတောင်မြစ်ချောင်းကို ဖျက်ဆီးနိုင်တယ်
"ခင်ဗျားက အခုထိ အရှုံးမပေးသေးတဲ့ပုံပဲ"
ရဲ့လင်းချန်က ထွားကြိုင်းသောလူအား လက်ယပ်ခေါ်၍ ပြုံးလိုက်သည်။
"လာလေ"
"ဟိုက်ရား"
ထွားကြိုင်းသောလူက ကျယ်လောင်စွာ ဟစ်အော်လိုက်ပြီး သူ့အသံက မိုးခြိမ်းသံလိုပင်။ သူ့မျက်နှာက တည်နေပြီး ကိုယ်ကို ကိုင်းလိုက်သည်။ သူ့လက်များအား လက်သည်းသဖွယ် ပြုလုပ်လိုက်ပြီး ကြွက်သားများ ထောင်တက်လာသည်။ သူ ထပ်မံ၍ နမော်နမဲ့ လုပ်တော့မည် မဟုတ်ပါ။
သူ့ခြေထောက်များကို မြေကြီးပေါ် ချနင်းလိုက်သည်နှင့် ခန္ဓာကိုယ်က ရှေ့သို ကိုင်းသွားပြီး ရဲ့လင်းချန်ထံ တစ်ဟုန်ထိုး ပြေးဝင်လေသည်။
သူသည် လက်သည်းများကို အရှေ့တွင်ထား၍ လျင်မြန်စွာ ဝှေ့ယမ်းကာ ရဲ့လင်းချန်၏ ရင်ဘတ်ထံ ဦးတည်လိုက်သည်။
"တိုက်ကွက်ကောင်းပဲ"
ရဲ့လင်းချန်၏ မျက်လုံးများ အရောင်တောက်လာပြီး လက်သည်းများကို မြှောက်လိုက်သည်။ လက်သည်း လက်သည်းချင်း ယှဉ်ချမိသည်နှင့် ရဲ့လင်းချန်က ထွားကြိုင်းသောလူအား အဆက်မပြတ် တိုက်ခိုက်လေသည်။ ထွားကြိုင်းသောလူ၏ တိုက်ခိုက်မှုက မည်မျှ မြန်ဆန်ပါစေ ရဲ့လင်းချန်က အသာလေး ခုခံဖယ်ရှားနိုင်သည်။
တစ်ခဏအတွင်းမှာပင် သူတို့၏ လက်များက အချင်းချင်း တိုက်ကွယ်နှစ်ဆယ်မျှ တိုက်ခိုက်ပြီးသွားခဲ့သည်။ လီဟူနှင့် အခြားသူများသည် မှုန်ဝါးဝါး ပုံရိပ်များကိုသာ မြင်နေရပြီး လေထဲမှ ကြုံးဝါးသံများကိုသာ ကြားနေရသည်။ သူတို့သည် ဘေးမှ ကြည့်နေသူများသာ ဖြစ်သော်လည်း အန္တရာယ်ကို အတိအလင်း ခံစားမိနေသည်။
ထိုသို့သော လက်သည်းသိုင်းကွက်များသည် အန္တရာယ် အများဆုံးပင်။ သူတို့သည် အလွန် မြန်ဆန်ပြီး ဖျက်စီးနိုင်လွန်းလျသည်။ သတိသာမထားမိပါက ခန္ဓာကိုယ်ပေါ်၌ အပေါက်ကြီးတစ်ပေါက် ဖြစ်သွားနိုင်သည်။
आप पढ़ रहे हैं
ကျုပ်က ပါရမီရှင် (Chapter 201-400)
काल्पनिकDisclaimer: I don't own this story! I'm just translating this book. All full credit to Original Author!! English Title : I am a prodigy Original author: Rugao Under The Bridge Original Chapter: 795 (Completed) ⚠️This is not BL⚠️