ရှုယန်က ဖုန်ကျယ်ယွီကို ပြန်လှည့်မကြည့်ဘူး။ သူမ ထိုင်ခုံဆီ ပြန်သွားလိုက်ပြီး ဝိုင်ခွက်ကို ကိုင်ကာ တည်ကြည်စွာ ပြောလိုက်တယ်။ " အခု ရှင်တို့အားလုံး စဉ်းစားမိကြမယ်ထင်ပါတယ်။ ဒါပေမယ့် ရှင်တို့အားလုံးက လူကောင်းတွေဖြစ်ပြီး ကျွန်မကို ဘာခက်ခဲတဲ့ မေးခွန်းမှ မမေးခဲ့ဘူး။ တကယ်တော့ ကျွန်မရဲ့ ဇာတ်လမ်းက အတော်လေး ရိုးရှင်းပါတယ်။အမျိုးသားက ငွေလေး နည်းနည်းလောက် ရှာလာနိုင်တော့ မာန်လေးဝင့်လာတယ်။ သူ ပိုလှ၊ပိုယဉ်ကျေးသိမ်မွေ့တဲ့ အမျိုးသမီးကို ချစ်မိသွားတယ်။ တစ်ယောက်ယောက်က နိမ့်ချ ကြည့်လာတဲ့အခါ ဆက်နေစရာမရှိဘူးလို့ တွေးမိတာမို့လို့ ကျွန်မ ကွာရှင်းလိုက်တယ်။ ကျွန်မမှာ ကလေးနှစ်ယောက် ရှိတယ်။ ဘဏ်စုငွေရှိတယ်။ အမှန်အတိုင်းပြောရရင် ကျွန်မ မိသားစုက ယောက်ျားလေးတွေကို အရာရာလို့ ယုံကြည်ကြတာဆိုတော့ ကျွန်မမှာ ပိုက်ဆံရှိနေမှန်းသိရင် ကျွန်မဆီက တစ်ပြားတစ်ကျပ် မကျန် ယူပြီး ကျွန်မ မောင်ကို ပေးမှာ သေချာတယ်။ ကျွန်မလည်း ကလေးနှစ်ယောက် ခေါ်ပြီး နန်မြို့တော်မှာ အခြေချရုံကလွဲပြီး ရွေးချယ်စရာမရှိခဲ့ဘူး။ ကလေးနှစ်ယောက်ရှိတဲ့ တစ်ကိုယ်တော် မိခင်တစ်ယောက်အနေနဲ့ ကျွန်မအတွက် စိမ်းသက်တဲ့ ဒီမြို့ ရောက်လာခဲ့ချိန်မှာ ရှင်တို့ရဲ့ အကူအညီတွေသာ မရှိခဲ့ရင် ဒီနေ့ ကျွန်မဆိုတာ ရှိလာမှာ မဟုတ်ဘူး။ ကျွန်မ ပြောချင်တာ ဒါပါပဲ။ ကမ်းပေး!"
" ပြောနေစရာကို မလိုပါဘူးကွာ။ ငါတို့က တစ်ယောက်နဲ့ တစ်ယောက် အမြဲကူညီသင့်တာပဲ။ လောင်ဟူက သူ့ဝိုင်ခွက်ကို မ,ကိုင်ရင်း ပြောလိုက်တယ်။
တခြားသူတွေအားလုံး ဆင်တူတဲ့ အလာပသလ္လာပ တချို့ကို မျှဝေလာကြပြီး သူတို့ဝိုင်ခွက်တွေကို ချလိုက်ကာ၊ ဝိုင် မသောက်နိုင်သူတွေက ဝိုင်အစား ဆိုဒါ သောက်လိုက်တယ်။
ရှုယန် နောက်တစ်ခွက်လောင်းထည့်လိုက်ပြီး ဝူရွှီယွဲ့၊ လင်းဟွေ့နဲ့ ခွက်ချင်းတိုက်လိုက်တယ်။" အနီးနားက အိမ်နီးချင်းတွေက အဝေးက ဆွေမျိုးတွေထက် ပိုအဖိုးတန်တယ်လို့ ပြောကြတယ်။ တကယ်တော့ ငါက ငါ့ညီကိုမောင်နှမတွေထက် နင်တို့နှစ်ယောက်နဲ့ ပိုရင်းနှီးတာပဲ။ ဒီလတွေအတွင်းက နင်တို့ရဲ့ အကူအညီ အားလုံးအတွက် နင်တို့ကို ကျေးဇူးတင်ပါတယ်။ နင်တို့နှစ်ယောက်သာမရှိရင် တစ်ချိန်တည်းမှာပဲ ငါ့ကလေးတွေကိုရော၊ ငါ့စီးပွားရေးကိုပါ ဂရုစိုက်နိုင်မှာ မဟုတ်ဘူး။ အဲ့အကူအညီ အတွက် နင်တို့ကို ဘယ်လို ပြန်ပေးဆပ်ရမလဲတောင်မသိဘူး" စကားပြောပြီးတော့ သူမရဲ့ ဝိုင်ခွက်ကို ထပ်ချလိုက်တယ်။ထို့နောက် မိုတယ်ရဲ့ သူဋ္ဌေးမ ဘက်လှည့်လိုက်တယ်။"အဲ့ဒီတုန်းက တကယ်ကို ခက်ခဲခဲ့တာ။ ကျွန်မရဲ့အိမ်ငှားပိုင်ရှင်ကလည်း ချက်ချင်းပြောင်းပေးဖို့ ပြောပြီး၊ တစ်ချိန်တည်းမှာပဲ ဆိုင်မှာကလည်း ပရိုမိုးရှင်း အစီအစဉ်ရှိနေခဲ့တယ်။ပြီးတော့ ကလေးနှစ်ယောက်ကိုလည်း ဂရုစိုက်က သေးတယ်။ရှင်တို့ နေရာမှာ ကျွန်မကို နေခွင့်ပြုတဲ့အတွက် ရှင်တို့နှစ်ယောက်ကို တကယ်ကျေးဇူးတင်ပါတယ်။"
YOU ARE READING
သူဌေးလက်သစ်၏ ဇနီးဟောင်း 🍀ဘာသာပြန်||completed||
RomanceTitle ➪ Transmitgated into a parvenu's Ex-wife in the '90s(TPE) Author(s)➪ Xue Ye English Translator(s)➪Fringe Capybara Status in COO ➪148(completed) ★It's not mine. ★Credit to original author and english translator. ✩✩✩✩✩
218▪️219▪️220
Start from the beginning
