BINTEEE ( 'Yata ce)

P68

💕 *BINTEE*💕
        *( 'Yata ce)*

*Wattpad@*
_Serlmerh-md_

🅿️ *...68*

               ........Sosai Anty Madeena take masifa Raihana na tayata, duk da yake ita din ba mai magana bace amma yanayin da lamarin ya kasance sai da yasa fusata ta 'ka'kalo masifa 'karfi da yaji take.taya Anty Madeena dan sosai ransu ya 6aci a ganin su abinda mahaifiyar Amran tayi ba komai bane face cin zarafin su.
Marwa dai na gefe bata ce komai ba.

    Da 'kyar Ammi ta samu da ban baki Anty Madeena ta sarara suka yi shiru amma maganar ta kasa barin ransu, wannan kam hatta da Ammin ma 6angaren ta abin haka ne.
Da za'a tona ranta ma tafi su shiga tashin hankali sai dai kawai tana dannewa ne.

Ko da dare kusan kwana tayi tana tunani bata yi bacci ba, musamman idan ta tuna Rayyan ta tuna yanayin rayuwar sa amma yau rana tsaka ake gudun sa sbd lalura ta same shi sosai abin ke yi mata ciwo.
Rayyan dai Rayyan dai.
Ganin baccin ba zuwa mata zai yi ba ya sa ta dauro alwala ta ringa sallah tana nema masa afuwa wurin mahalicci.
Ha'ki'ka 'dan Adam ba'a bakin komai yake ba, duk yadda kake jin kanka kake ji cewa kai wani ne bisa tsari da yaddar ubangiji kake komai, cikin yan kalilan din sakanni zai iya canza maka rayuwa ta inda yaga dama.

Bayan kwanaki biyu.
          Ammi ba 'karamin tausayin tilon 'dan nata take ji ba, sosai ta damu da wannan rashin lafiyar tasa, kwana take ta tashi cikin rashin sukuni da fargabar kar ta wayi gari ace mata shima babu shi.

   Bata san halin da zata iya shiga ba matukar ta rasa shi duka tasan kadan.ne daga hukuncin Ubangiji amma tasan dole rashin sa sai ya jijjiga ta, yanzu da yake kwance take ganin nasa ma ya takare, abinci wannan sai an tuna mata cin sa kafin take samu tayi aqueezing lkc taci shima ba wani ba mai yawa ba sbd tsantsan damuwa.
Har a lkcn ko dan yatsansa bai motsa ba, yana nan ne tamkar gawa amma an tabbatar mata da cewa da rai tattare da shi....amma ace yana cikin irin wannan mawuyacin halin amma matar sa ta guje shi, duk da tasan yes ba laifin Amrah bane amma sam abin ya matukar bata mamaki, bata ta6a zaton hauka da rashin hankalin mahaifiyar Amrah ya kai har hakan ba.

Sai dai duk ba wannan ne damuwar ta ayanzu ba, burinta Rayyan ne, burin ta taga ya tsaya da kafafun sa tamkar baya, bata da wani aiki a yanzu illa yi masa addu'a ba dare ba rana.

Duk da kusan raba dare da tayi tana tunani hakan bai sa ta kasa tashi sallar asuba akan lkc kamar yadda ta saba ba...domin 'kage take ta taje taga Rayyan ko an samu wani cigaba a lafiyar sa.
Baya ga haka akwai wani abu aranta data idda yanke  shawarar aikatawa kuma da shi ta kwana cikin ranta.

Tun kafin gari ya gama yin haske ta kira Fawwaz ta sanar da shi halin da ake ciki, ta kuma nemi shawarar sa kan hukuncin da ta yanke na cewar ko za'a mayar da Rayyan din karkashin kulawar asbiti hankalin ta zai fi kwantawa fiye da zaman sa a gidan alhali babu takamamman me kula mata da shi illah Fawwaz din...Fawwaz yace hakan ma ai karkashin kulawar tasu yake tunda 'dakin da yake a gidan baya da bambanci da na asbitin, duk wasu na'ura da ya kamata su tallafawa lafiyar sa an samar da su suna kuma amfani.

Fawwaz yace tayi hakuri, ta kuma kara akan wanda take yi, dan yasan dole ne ta damu shi kansa karfin hali kawai yake amma sanin da yayi babu yadda zasu yi yasa shi dangana ya mi'kawa Allah komai.

   Batun Amrah ma duk ta cire shi a ranta yace a samu wani amintacce inma biyan sa ne a ri'ka yi Ammi sai yana kulawa da Rayyan din.

Ammi da hanzari ta katse shi..dan sam bata jin ta yadda da kowa a wannan halin balle har ta iya bashi ragamar kulawa da Rayyan bazata iya ba.

She wish da namiji ce ita da ta tabbatar babu abinda zai mata shamaki da kulawa da gudan jinin ta musamman a yanzu da yafi bu'katar taimakon wani nashi makusanchi.