وباردو معتبرتش ولا تخيلت ان كل دي رسايل من ربنا ليا اني اخد بالي من سوء ظني وتوقعي بالشر دايماً ،،
نيجي ع مرحله تانيه في حياتي وهي #ارتباطي بشخص ما ،
كالعاده باردو حبيت شخص وارتبطت بيه من ورا أهلي ودا الغالب في كل الجامعات وحتى المدارس عادي ،
الشخص دا كان في صلة قرابه بينا وكنت بحبه من وأنا صغيره ،
ومصدقت انه قالي انه كمان معجب بيا ، كنت طايره من الفرحه ،
وعلشان يثبتلي انه جاد معايا خلا #والدته اللي هي قريبتي اصلاً تكلمني ع اساس ان كدا هو فعلاً جاد وولا بيلعب ولا بيتسلى بيا ،
واتطمنت وقولت الدنيا بدأت تضحك في وشي اخيرًا !!وفعلاً الشخص دا اتقدملي و #اتخطبنا ،
بالتأكيد واحده ارتبطت بشخص وعصت ربنا وخانة ثقة أهلها ، اكيد واضح للكل دلوقتي علاقتنا ببعض كانت ازاي ،
للأسف الشخص دا عمل معايا كل حاجه بمعنى كل حاجه الا حاجه واحده بس هي اني فضلت #بكر ومش معنى كدا انه معملش معايا علاقه ،
لا طبعا ًحصل بينا علاقه بس كانت علاقه مش كامله ، ع اساس بقى ان لحد هنا مش حرام 😕
وللأسف باردو دا اللي بيحصل مع المعظم دلوقتي ،
انا كنت بروح احكي لاصحابي كل حاجه بتحصل ومكانش في اي رد فعل مختلف او مستنكر ،
بالعكس دا بدأت كل واحده تحكي اللي بيحصل مع خطيبها سواء كان سابق او حالي او اتجوزوا ،
ف توقعت انه مش شئ عادي ومش عيب ان يحصل كدا بين البنت وخطيبها ،
كمان هو وقتها كان يقولي دايماً انا #جوزك (الكلمه المشهوره عند الشباب حاليا حتى لو مش مخطوبين مجرد انهم ع علاقه )
بس بالفعل انا والشخص دا #تزوجنا ،نيجي بقى ع مرحلة ما بعد #الزواج وركزوا معايا كويس ،،
انا كنت متزوجه في نفس العماره اللي فيها حماتي اللي هي في نفس الوقت قريبتي ، اللي هي في نفس الوقت كانت دايماً تكلمني من وقت ارتباطي بإبنها غير الرسمي لوقت خطوبتنا ، ودايماً في كل كلامها تقول #بلهفه اني بنت من بناتها وانها بتحبني زي بناتها واكتر ،
حماتي بقى نزلتني شقتها أول يوم جواز ،، أينعم يوم #الصباحيه 🙂ولما استغربت طيب هنزل ليه دا انا امي نفسها مش هتيجي بيتي غير بعد ايام او اسبوع كمان ،
المهم نزلت ع اساس اني اسلم عليها وكدا وانها مثلاً ست كبيره مع انها لا كبيره ولا حتى مريضه !!ولما نزلت اكتشفت المصيبه اللي وقعت فيها ،
حماتي علت صوتها عليا وزعقتلي لأني نزلت الضهر وقالتلي م بدري يا هانم ، اوعي تكوني فاكره نفسك عروسه بقى وتناميلي لوش الضهر ، وايه اللي انتي لبساه دا روحي البسي حاجه عدله تعرفي تقفي بيها في المطبخ ، وانجزي شويه لسه وراكي حاجات كتير علشان تتأدبي وتتعلمي تنزلي بدري بعد كدا !!
طبعاً هي بتتكلم وانا كل دا عامله كدا 😳😳
بصيت لجوزي لقيته راح قعد قدام التليفزيون اصلاً وولا هو هنا ،
قولتلها براحه وانا لسه مش فاهمه حاجه خالص اللي هو يعني الكلام دا ليا انا ولا لمين !؟
قالتلي ايوه طبعاً ليكي اومال انتي فكرك هو اتجوز #واحده_زيك ليه !؟
قولتلها يعني ايه واحده زيي دي !؟
قالتلي يعني احمدي ربنا اننا وافقنا ناخدك اصلاً ، واحد غير ابني ولا كان عبرك اصلاً
ف سألتها طالما كدا اتجوزني ليه وانتي وافقتي ليه !؟
زعقتلي وقالتلي انتي هتقفي تحكي معايا وهتبدأيها معايا كدا وراحت قايله لجوزي م تربي مراتك بدل م هي سايقه فيها كدا ،
طبعاً توقعت ان جوزي ينصفني الا ان الصدمه ان هو كمان زعقلي وقال لامه ان دي اخر مره اتجاوز حدودي معاها 😕
وخدوا بقى من هذا القبيل يومياً ولمدة 5 او 6 شهور من زواجي ،
ولما ربنا مقدرش لينا #الإنجاب ،
والدته بالطبع حكمت عليا ان انا السبب واكيد عندي #عُقم وقالت لابنها آدي مجايبك ،
وفضلت تذم فيا وفضلت وراه لحد م اتجوز واحده تانيه ،
والكارثه اللي جات بعد كدا انه كرر انه يتجوز في شقتي ، ع اساس انه غير مقتدر يفتح بيت تاني ، وموضوع جوازه دا شئ لازم علشان يكون عنده اطفال ،
وان كتر خيره انه مش هيطلقني ،
طبعاً اعترضت ورجعت لأهلي اللي بدورهم رجعوني تاني لزوجي من مبدأ ان البنت اللي تخرج من بيت أبوها مترجعش غضبانه اصلا ف م بالك برجوعها #مطلقه !؟
والدتي الله يسامحها قالتلي استحملي وملكيش غير بيت جوزك والناس هتاكل وشنا و .. و .. و ..
ولأني لا حول ليا ولا قوه بعد تخلي اهلي عني ، كملت والابشع اني اترميت في بيت حماتي وبقيت بالظبط كدا #خدامه رسمي عندها هي وجوزها وبناتها وفوقيهم جوزي ومراته خاصةً انها بقت حامل من اول شهر !؟
CITEȘTI
قصص واقعية (لهدير ابراهيم)
Spirituale^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...
قرب لا تجرب
Începe de la început