ချုံအန်းမင်းကြီး၏မျက်နှာမှာ အဆုံးစွန်ထိတိုင် ပျက်ယွင်းလို့နေသည်။ ကနဦးတွင် သူသည် မင်းသားယွီသို့ ရည်ညွှန်းနေမည့် ကောင်းမွန်သော အကြံအစည်တစ်ခုကို စီစဉ်ထားခဲ့သည်။ ချုံအန်းမင်းကြီးအနေနှင့် များများစားစားပင် ပြောနေစရာမလိုဘဲ ဖြစ်ချင်သော လမ်းကြောင်းအတိုင်းလိုက်ကာ ဤကိစ္စကြီးကို စစ်ဆေးပေးမည့်လူများ မလွဲမသွေ ရှိလာပေလိမ့်မည်။ မင်းကြီးအားလုပ်ကြံသည့် ဤအမှုအခင်းမျိုးအတွက် မင်းသားယွီဆယ်ယောက်ကပင် ရှောင်လွဲနိုင်လိမ့်မည်မဟုတ်။ ဤသည်မှာ ယွီမုချန်အား ရှင်းထုတ်ပစ်ရန် အမြန်ဆုံးနည်းလမ်းပင်ဖြစ်သည်။
ထို့အပြင် ရွှမ်ချုံမှာ လွန်ခဲ့သည့်ရက်များက အကျယ်ချုပ်ကျနေခဲ့ပြီး ဤကိစ္စများကို မသိခဲ့ရပေ။ ဤသို့အားဖြင့် သူသည် သူ့မိခင်မိသားစုနှင့် အလွန်အမင်း ပါဝင်ပတ်သက်နေမည်မဟုတ်။ အဆိုးဆုံးအခြေအနေတွင် ချုံအန်းမင်းကြီးသည် ကိုယ်လုပ်တော်ယွီကို စတေးပစ်လိုက်နိုင်သည်။ သို့သော် ဤကိစ္စသည် တော်ဝင်မိသားစုကို လုံးဝထိခိုက်လိမ့်မည်မဟုတ်။
သူ၏လုပ်ကြံသူအတုများက လုပ်ကြံသူအစစ်များကို ဖြစ်ပေါ်စေလိမ့်မည်ဟု သူ ဘယ်တုန်းကမှ တွေးမထားခဲ့ဖူးပေ။ လုပ်ကြံသူ သုံးဆယ်ကျော်ရှိကြောင်းကို ချုံအန်းမင်းကြီး ကြားလိုက်ရသောအခါ သူ့ကိုယ်ပေါ်မှ ချွေးစေးများ ကျလာခဲ့ရသည်။
သတိမူ၍ တစ်ခုခု လွဲချော်ခဲ့ပါကဟူသော ဖြစ်တန်ချေကို စဉ်းစားကာ သူ့နန်းဆောင်အတွင်းနှင့်အပြင်တွင် အစောင့်များစွာ ချမထားခဲ့ပါက သူ တကယ် လုပ်ကြံခံလိုက်ရနိုင်သည်။
လွန်ခဲ့သည့် ခြောက်နာရီလောက်ခန့်က ဖြစ်ရပ်များကို သူပြန်တွေးနေရင်း ယာယီနန်းတော်ထဲသို့ လုပ်ကြံသူ ဆယ်ယောက်ကျော် ဝင်ရောက်နေနှင့်ပြီကို တွေးမိလိုက်သောအခါ သူသည် အပ်ဖျားထပ်လေးများပေါ်တွင် ထိုင်နေရဘိသကဲ့သို့ ခံစားလိုက်ရသည်။
"ဒါပေမဲ့..." မိန်းမစိုးက မျက်ခုံးကြုတ်ကာ အနေခက်လျက် ပြောသည်။ ထို့နောက် သူကအသံတိုးတိုးဖြင့် လျှောက်လေသည်။ "ကျွန်တော် ဘယ်လိုလုပ်ရမယ်ကို တကယ်မသိတော့ပါဘူး။ စတေးခံလူတွေကို ခေါ်ပေးတဲ့ လူတွေကို ဒီအစေခံ ခုနက စစ်ဆေးပြီး ပြင်းပြင်းထန်ထန် အပြစ်ပေးခဲ့ပါတယ်။ ဒါပေမဲ့ သူတို့က သူတို့ဘာမှမသိဘူးလို့ပဲ ပြောနေပြီး သူ့တို့အပြစ်ကင်းပါတယ်လို့ ထပ်တလဲလဲ ပြောနေကြပါတယ်။ သူတို့ကြည့်ရတာလည်း ဘာဖြစ်ခဲ့တယ်ဆိုတာကို တကယ် မသိကြပုံပါပဲ။ ဒါဆို... ဒါဆို ကျွန်တော်တို့ ဆက်ပြီး စစ်ဆေးလိုက်ရပါမလား"
![](https://img.wattpad.com/cover/244665583-288-k291043.jpg)
YOU ARE READING
ထိုနှစ်များမှာ မြတ်နိုးဖွေရှာ
Historical FictionOriginal Title : 当年万里觅封侯 English Title : Those Years in Quest of Honor Mine Original Author : Man Man He Qi Duo (漫漫何其多) Original publisher : jjwxc Chapter : 103 + 2 extras This is the Burmese translation of this novel. English translation credits...
Part 93
Start from the beginning