Unicode
ချုံအန်းမင်းကြီးသည် ယွီမုချန်ကို သံသယရှိနေသည်။ တစ်ဘက်တွင် သူသည် ကောလာဟလများကို ဖိနှိပ်နေသည်။ တစ်ဘက်တွင်မူ လူလွှတ်၍ စုံစမ်းခိုင်းထားသည်။ အနည်းငယ် စုံစမ်းပြီးနောက်တွင် အရာအားလုံးတို့သည် မင်းသားယွီအိမ်တော်သို့ ညွှန်ပြနေခဲ့သည်။
ချုံးအန်းမင်းကြီးမှာ သံသယများလေလေ၊ မင်းသားယွီအား အဘယ်ကြောင့် ထိုသို့လုပ်ခဲ့သလဲဆိုသည်ကို မေးဖို့ဖြစ်နိုင်ချေ မရှိလေလေဖြစ်သည်။ ယွီမုချန်မှာ ရှင်းပြချင်သော်လည်း လမ်းကြောင်းရှာမရပေ။
သေချာပေသည်။ သူသည် ကိုယ့်အသက်ကိုယ် အလျှော့မပေးနိုင်ပေ။ ကနဦးတွင် ယွီရှီက နှစ်ဦးနှစ်ဘက်စလုံးကို နစ်နာစေချင်၍ဖြစ်မည်ဟု သံသယရှိခဲ့သည်။ နှစ်ရက်ခန့် စုံစမ်းပြီးနောက် မင်းသမီးကြီးအန်းကော၏အိမ်တော်မှ မသင်္ကာဖွယ်များ တွေ့ခဲ့ရသည်။ သူ မင်းသမီးကြီးအား မမေးနိုင်သေးခင်မှာပင် သူ့ငယ်သားများသည် အခြားအရာတစ်ခုကို ရှာတွေ့ခဲ့လေသည်။ ဦးဆုံးသတင်းတို့သည် ကိုယ်လုပ်တော်ယွီနန်းဆောင်မှ ထွက်လာခြင်းဖြစ်သည်။
ဤအကြောင်းကို ကြားသိသိရချင်းတွင် ယွီမုချန်သည် ကိုယ်လုပ်တော်ယွီအား သတ်ပစ်ချင်ခဲ့သည်။
"မင်းကြီးက ယွီရှီကို မယုံနေတာ။ သူ့စိတ်ထဲမှာ ဝေခွဲမရဖြစ်နေသေးလို့ ပဉ္စမမင်းသားကို ထားထားတာ"
ကိုယ်လုပ်တော်ယွီ၏နန်းဆောင်တွင် ယွီမုချန်သည် ဒေါသကိုထိန်းရန် ကြိုးစားနေရသည်။ အသံတို့က တုန်ယင်လျက် သူပြောလိုက်သည်။ "အောင်မြင်မှုနဲ့ ကျရှုံးမှုဆိုတာ မဆုံးဖြတ်ရသေးဘူး။ နိုင်ဖို့ အခွင့်အလမ်းရှိသေးတယ်။ ဘာလုပ်ဖို့ ကြိုးစားနေတာပါလဲ။ ဘာလို့များ စိတ်မရှည်ရတာပါလဲ"
နန်းတော်ထဲတွင် ကောလာဟလများသည် နေရာအနှံ့ ပြန့်နေခဲ့သည်။ ချုံအန်းမင်းကြီးသည် ဤကိစ္စကို အကြောင်းပြလျက် ယွီရှီအား ပထမအဆင့်မင်းသားအဖြစ် တိုးမြှင့်ပေးဖို့ ရက်ကောင်းရက်မြတ် ရွေးရန်ကို ရွှေ့ဆိုင်းထားသည်။ ကိုယ်လုပ်တော်ယွီသည် ဤအဖြစ်မှာ သူ၏ကိုယ်ပိုင်ဆောင်ရွက်မှုကြောင့်ဟု အတွေးရောက်လျက် ပို၍ပင် ယုံကြည်ချက်ပြင်းထန်နေသည်။ သို့သော် သူက ယွီမုချန်အား အပြစ်တင်နေဆဲပင်။ သူ့အစ်ကိုကြီး၏ အဆင့်အတန်းသည် ယိမ်းယိုင်နေခဲ့သည်ဟု သူခံစားနေရဆဲသာ။ အေးစက်စိမ်းကားစွာဖြင့် သူပြောလိုက်သည်။ "ကျွန်မက ဘာလို့စိတ်မရှည်နေရတာလဲ ဟုတ်လား။ အခု ချုံအာအတွက် စိတ်ပူမဲ့သူက ကျွန်မတစ်ယောက်တည်း ဖြစ်နေမှာကို ကျွန်မစိုးရိမ်မိတယ်။ ကျွန်မသာ မလှုပ်ရှားသေးရင် ချုံအာသေသွားခဲ့ရင်တောင် ဘယ်သူကမှ ဂရုမစိုက်ဘဲနေမှာကို ကျွန်မစိုးရိမ်တယ်"
ŞİMDİ OKUDUĞUN
ထိုနှစ်များမှာ မြတ်နိုးဖွေရှာ
Tarihi KurguOriginal Title : 当年万里觅封侯 English Title : Those Years in Quest of Honor Mine Original Author : Man Man He Qi Duo (漫漫何其多) Original publisher : jjwxc Chapter : 103 + 2 extras This is the Burmese translation of this novel. English translation credits...