Unicode
~~~~~~~
" ကိုယ့်အနောက်မှာနေ …… ယွင်လေး "
အမူးလွန်နေသည့်လုဖန် ချက်ချင်း ထူမတ်လာကာ ယွင်ရှန့်အား သူ့ရဲ့ကျောပြင်နဲ့ ကာကွယ်လိုက်ပြီး အခန်းတံခါးအား တွန်းဖွင့်လိုက်သည် ။ အထဲမှာရှိနေသူကတော့ အမျိုးသမီးတစ်ဦးဖြစ်နေပြီး သူမက တံခါးအား ကျောပေးကာထိုင်နေ၏ ။
" ဘယ်သူလဲ "
လုဖန်နဲ့ယွင်ရှန့် သူမအနားသို့ ဖြေးဖြေးချင်းလျှောက်သွားကာ မေးလိုက်ခြင်းဖြစ်သည် ။ထိုအခါတွင် သူမက ခုံပေါ်ကနေထလိုက်ပြီး ယွင်ရှန့်နှင့်လုဖန်အားလှည့်ကြည့်လာ၏ ။ ပြီးနောက် သူမကိုမြင်ပြီး ကျောက်ရုပ်ပမာ ရပ်တန့်သွားသည့် လုဖန်နဲ့ယွင်ရှန့်အနားသို့ လျှောက်လာကာ လုဖန်အရှေ့တွင်ရပ်လိုက်ပြီး လုဖန်ရဲ့နားအား ဆွဲလိမ်လိုက်သည် ။
" အ့ … အားး ……နာ … နာတယ် …… မား "
" နင်ငါ့ကို အမေမှန်းတော့ သတိရသေးတယ်နော် ……ဖုန်းလဲမဆက် အဆက်အသွယ်ဖျက်ပြီး ထွက်သွားတာ မိဘတွေဘယ်လောက်စိတ်ပူနေရလဲ သိရဲ့လား …… ရှောင်လုဖန် "
သူမကတော့ ရှောင်သခင်မကြီး လုဖန်ရဲ့မိခင် လီဟယ်နာဖြစ်သည် ။သခင်မကြီးက အရက်နံ့ရနေသည့်အတွက် လုဖန်နားအား ထပ်မံ၍ ဆွဲလိမ်လိုက်သည် ။
" စာမေးပွဲပြီးပြီဆိုတာနဲ့ လုပ်ချင်တာလုပ်ရောလား …… ခုလဲကြည့် အရက်သမားကျနေတာပဲ "
ထိုအခါတွင် ယွင်ရှန့်က ဝင်ပြောလာ၏ ။
" တကယ်တော့ သူငယ်ချင်းတွေအတင်းတိုက်လို့ သောက်လာတာပါ .……လုဖန်ကသောက်ချင်တယ်လို့မပြောခဲ့ဘူး ……သူ့ကိုမဆူပါနဲ့တော့ သခင်မကြီး "
သခင်မကြီးက လုဖန်နားအား လွှတ်ပေးလိုက်ပြီး ယွင်ရှန့်ထံလှည့်လာ၏ ။
" ယွင်ရှန့် …… ဒေါ်လေးတို့ အပြင်မှာ ၂ ယောက်တည်းစကားပြောချင်တယ် "
လေထုက အေးစက်စက်နိုင်နေသည်မို့ လုဖန်ယွင်ရှန့်အား သွားခွင့်မပြုပဲ အရှေ့ကနေ ကာထားလိုက်သည် ။
" ပြောချင်ရင် သားရှေ့မှာပဲပြော "
" ဒါက မေမေတို့ကိစ္စ ……သားမူးနေပြီ ခုံပေါ်မှာသွားထိုင်နေ "
YOU ARE READING
DOLL ( 🚨 20+ 🔞🚨 )( Completed )
Romanceသက်မဲ့ DOLL မဟုတ်တဲ့မင်းက အထီးကျန်တဲ့ ကိုယ့်ဘဝအတွက် တောက်ပတဲ့ ကြယ်လေးပါ ... (Zawgyi + Unicode )
