ခေတ်သစ် ငရဲသစ်//MM Translation//

-85- (ရုပ်ရှင်အတူတူ ကြည့်ကြခြင်း)

(Unicode)

ပထမဦးဆုံးအကြိမ် ကနဦး ကျင်းပပြုလုပ်သော လော့ဖုန်း၏ စီအီးအိုအား အ၀တ်လဲခြယ်ပေးရခြင်း ဂိမ်းလေးမှာ ရှန်းချွယ့်၏ ပေါ်ပေါ်ထင်ထင်ကြီး ရိုက်စားလုပ်၍ ပေးချင်သည့်သူကို အနိုင်ပေးခြင်းဖြင့် ပြီးဆုံးသွားခဲ့လေသည်။

ကျောက်ရော့လားမှာ မူလက ပထမ ‌ဆိုသည့်နေရာသည် သူမအတွက်ပဲ ဖြစ်ရမည်ဟူ၍ စောင့်စားနေခဲ့သေးသည်။ သို့ရာတွင် သူမ အရည်အချင်းတွေက စားပွဲအောက်မှာ လက်ဝါးခြင်းရိုက်ထားကြသူနှစ်ယောက် လက်အောက်၌ ရှုံးနိမ့်သွားရလိမ့်မည်ဟု မစဉ်းစားထားခဲ့မိပါချေ။

ထို့အပြင် သူမ တင်သွင်းပြသထားသည့် အ၀တ်အစားများအားအလိုအလျောက် တွဲစပ်ပေးခြင်း ပရိုဂရမ်ကလည်း အရမ်းကို ခေတ်ရှေ့ပြေးလွန်းနေ၍ ချက်ချင်းပဲ ပယ်ချခံလိုက်ရ၏။

ကုမ္ပဏီတစ်ခုလုံးက ၀န်ထမ်းတွေမှာ သူဌေးဖြစ်သူကို အတွန့်လည်း မတက်ရဲကြချေ။
ထိုအစား ယွိကျန်းတု ဆီသို့သာ private message များမှ လာ၍ ကွန်ပလိန်းတက်ကြလေတော့သည်။

[ပြောစမ်းပါဦး! မင်း သူဌေးကို ဘယ်လိုဆေးဝါးမျိုးတွေနဲ့ ပြုစားလိုက်တာလဲ!]

[မင်း လုပ်တာဆိုလို့ သူဌေးကို ရိုးရိုး ကုတ်အင်္ကျီ ရိုးရိုး ဖိနပ်ပဲ ဆင်ပေးထားတာကို
မင်းက ချန်ပီယံ ဖြစ်သွားတယ်ပေါ့လေ?]

[တစ်လစာ လုပ်ခကို နှစ်ဆ တိုးပေးမယ့် အခွင့်အရေး ငါ့ကို ပြန်ပေး!!!]

ထိုသို့ မက်ဆေ့ဂ်ျများ ရရှိနေသော်လည်း ယွိကျန်းတု မမှုပါလေ။

တစ်ကြောင်းတည်းသော စာကိုသာ copy paste လုပ်၍ ရီပလိုင်း ထိုင်ပြန်နေလိုက်တော့သည်။

[မကျေနပ်ရင် သူဌေးဆီ သွားပြော]

ထို့နောက်တွင်တော့ အကုန်လုံးလည်း အပေါက်များ တန်းစီ ပိတ်သွားကြ‌သည်။

မျက်နှာသာပေးခံထားရတဲ့ သူဆီကို သွားပြီးတော့ စိတ်ပျက်လက်ပျက် ဖြစ်အောင် မလုပ်သင့်ဘူး!

ရှန်းချွယ့်ဖက်က ၎င်းတို့၏ သွေးအေးတိုက်ပွဲ ပြီးဆုံးသွားကြောင်း ကြေညာပေးအပြီးနောက်မှာ ထိုသူ့ဖက်က ယွိကျန်းတုအား ရုံးခန်းသို့ ၀င်ချင်တိုင်း ၀င် ထွက်ချင်တိုင်း ပြန်ထွက်လို့ ရပြီဖြစ်ကြောင်း ဖော်ပြလာခဲ့သည်။