ခေတ်သစ် ငရဲသစ်//MM Translation//

-81- (ဘတ်စ်ကား မှားတက်မိခြင်း)

(Unicode)

လော့ဖုန်း၏ လုံ့လစိုက်ထုတ်မှုကြောင့်‌ရော ကိန္နရာများကြောင့်ပါ ရွှီ‌ဟွေ့အနေနဲ့ ပွဲဦးထုတ်ပေးလိုစိတ် ပြင်းပြနေသူတစ်ယောက်အနေဖြင့် ခြေတစ်လှမ်းနောက်ဆုတ်ကာ ကိန္နရာများကို မြင်းခေါင်းများ စွပ်လျက် ပွဲဦးထွက်ခွင့်ပေးလိုက်ရတော့သည်။  ထို့ပြင် ယွိကျန်းတု၏ အကြံပေးချက်ကိုပါ နားထောင်ရင်း အဖွဲ့နာမည်ကိုလည်း "Sagittarius" ဟု မှည့်ရန် ဆုံးဖြတ်ချက် ချလိုက်လေသည်။

"ကြယ်တာရာ လမ်းကြောင်း'' ကုမွဏီနှင့် ကိန္နရာအဖွဲ့တို့ ပူးပေါင်းမည့်အရေးမှာ လော့ဖုန်း၏ ညွှန်ကြားချက်အနည်းငယ်လည်း ပါဝင်နေသေး၏။ ကိန္နရာများ၏ အလုပ်သမားအခွင့်အလမ်း စာချုပ်ကို လော့ဖုန်းနှင့်သာ ချုပ်ဆိုရမည် ဖြစ်ပြီး "ကြယ်တာရာ လမ်းကြောင်း"နှင့် အခွေထုတ်ရာတွင်မူ အညီအမျှ ခွဲဝေသည့် ပုံစံနှင့် စာချုပ်ချုပ်ကြမည် ဖြစ်သည်။

ဆိုလိုရင်းမှာ သီချင်းများ၏ မူပိုင်ခွင့် အခကြေးငွေများကို "ကြယ်တာရာ လမ်းကြောင်း"မှ တေးရေးဆရာများနှင့် ကိန္နရာများက ခွဲဝေယူကြရမည်ပေ။ ကြယ်တာရာဖက်မှ ရေးပေးသည့် သီချင်းအတွက် အဖိုးအခကို ကြယ်တာရာ ကုမွဏီကပဲ ပိုင်ဆိုင်၍ ကိန္နရာများ၏ ကိုယ်တိုင်‌ရေး သီချင်းများ အတွက်မူ ကိန္နရာများကသာ တန်ကြေး ရရှိပေမည်။

ထိုကဲ့သို့ ပူးပေါင်းမှုအတွက် သဘောတူညီချက် ရရှိပြီးနောက် ကျန်သည့် ကိစ္စရပ်များကိုမူ သက်ဆိုင်ရာ ပညာရှင်များ လက်ထဲသာ အပ်လိုက်ရုံ။ ရွှီဟွေ့က ညီလာခံခန်းမမှ ထွက်လာပြီးနောက် အတွေးများနေဟန်ပေါ်လေသည်။ ၎င်းက ချင်းယွဲ့ကျန်း လက်ကို ဆွဲထားပြီး လွှတ်ပေးရန်လည်း စိတ်ကူးမရှိသူ တစ်ယောက်ကဲ့သို့။

''နိဗ္ဗာန်ရောက်ကြောင်း တေးသံသာဆိုတာ ဒါမျိုးလေ! ငါတော့ အခုချက်ချင်း နတ်ပြည်တောင် တက်လို့ရလောက်ပြီ ထင်တယ်!"

"ငါတို့က ငွေကိုပဲ သည်းသည်းမည်းမည်းရှာပြီး ငွေရဖို့အတွက် ဘာနဲ့မဆို အလဲအထပ် လုပ်နိုင်နေကြတဲ့ ခေတ်ကြီးဖြစ်လာကြတာ...ဆိုးရွားချက်
တကယ့်တကယ် ဂီတသံစဉ်ဆိုတာ သူတို့လိုမျိုးပဲ ဖြစ်နေရမှာလေ"