(Unicode)
"ဒါဆို..ငါဘယ်လိုလုပ်ရမလဲ?"
"မင်း အစ်ကိုခွန်းနဲ့ဒီညအတူနေလိုက်!!!"
ထူးသက်တစ်ယောက် သူငယ်ချင်းဖြစ်သူအားအားကြိုးမာန်တက်ကူညီနေလေသည်။ ကျန်သူများမှာတော့ ထူးသက်အားလက်မြှောက်ထားပြီဖြစ်သောကြောင့် Whiskey ကိုသာအေးဆေးစွာသောက်နေကြသည်။
"ဖြစ်ပါ့မလား? သူလက်မခံရင်ကော?"
"ဖြစ်တာပေါ့!သိပ်ကိုဖြစ်တာ..ငါ့ကိုယုံလိုက်စမ်းပါ ဈာန်ရာ.."
ဈာန်မင်းတခေတ်လဲ သူ့အရေးအား, အားကြိုးမာန်တက်ကူညီပေးနေသောထူးသက်ကိုမငြင်းချင်သောကြောင့် ခွန်းနှောင်ကြိုးနှင့်အတူနေရန်ဆုံးဖြတ်လိုက်သည်။
"ဟေ့ကောင် ချော့လဲချော့အုံးနော်..သူများသားကိုယူထားပြီးတစ်ပတ်ပဲရှိသေးတယ် ငိုအောင်စလုပ်ပြီ.."
ကျော်ဇင်မှ ဈာန်မင်းတခေတ်အားသတိပေးလိုက်သည်။ ထူးသက်ဆိုသည့်ကောင်မှာ ဟိုဒင်းလုပ်ဖို့ကိုသာအကြံပေးနေသည်။ အဓိကကိုကျမေ့နေ၊ တော်တော်ကောင်းတဲ့ဦးနှောက်။
"ဟုတ်ပြီ..ငါ..ချော့လိုက်မယ်..ခွန်းနှောင်ကြိုးကို.."
ထိုသို့ပြောလိုက်သောအခါ အားလုံးမှ ခေါင်းညိတ်ကာ ဈာန်မင်းတခေတ်၏ခွက်ထဲသို့ Whiskey များထပ်ထည့်ပေးလိုက်သည်။ ဈာန်မင်းတခေတ်လဲWhiskeyကိုသာ ထိုင်သောက်နေသောကြောင့် ရေချိန်မှာအတော်လေးကိုက်နေပြီဖြစ်သည်။ ထို့ကြောင့်အချိန်မေးကာပြန်ရန်လုပ်လိုက်သည်။
"9နာရီခွဲကျော်ပြီ၊ နေပါဦးမင်းမှာလဲနာရီပါတာကိုဘာလို့ငါ့ကိုလာမေးနေတာလဲ?"
မြတ်အောင် သူ့အားအချိန်လာမေးသောသူငယ်ချင်းဖြစ်သူ ဈာန်မင်းတခေတ်ကိုမကျေနပ်စွာပြောလိုက်သည်။
"ငါ..အေ့..ငါ..မမြင်ရတော့ဘူး..အေ့..ဝါး...ဝါး..နေပြီ.."
"ဟေ့ကောင်တွေ ဈာန့်ကိုအိမ်ပြန်ပို့ကြမယ်..ဒီထက်နောက်ကျရင်မကောင်းဘူး။ အစ်ကိုခွန်းစိတ်ပူနေလိမ့်မယ်.."
ဇေယံ သူငယ်ချင်းများအားပြောလိုက်သည်။ ထူးသက်ကတော့ ရေချိန်ကိုက်ရာမှ ကျော်လွန်သွား၍ မူးပြီးအိပ်ပျော်နေလေသည်။ ထို့ကြောင့်အားလုံးပြန်ရန်သာဆုံးဖြတ်လိုက်ကြတော့သည်။
YOU ARE READING
𝒀𝒐𝒖'𝒓𝒆 𝒕𝒉𝒆 𝒐𝒘𝒏𝒆𝒓 𝒐𝒇 𝒎𝒚 𝒉𝒆𝒂𝒓𝒕.. {Completed}
Fantasyဈာန်မင်းတခေတ် × ခွန်းနှောင်ကြိုး ဈာန္မင္းတေခတ္ × ခြန္းေနွာင္ႀကိဳး ‼️Male pregnancy‼️ start Date - 1.8.2023 (Tuesday) End Date - 20.11.2023 (Monday) 🌷Second Fiction🌷 {COMPLETED} White Tulip🌷🤍