(Unicode)
ထွဋ်ထက်လေး၏မွေးနေ့ပြီးသော် ခွန်းနှောင်ကြိုးတို့တတွေမြန်မာနိုင်ငံသို့ပြန်ကြရန်ပြင်ဆင်နေကြသည်။ လူကြီးများအားလုံးသည် ကိုယ်အလုပ်နှင့်ကိုယ်ဖြစ်၍မအားကြပေ။ တစ်အိမ်လုံးသိမ်းစရာရှိတာသိမ်းပြီး အိမ်သန့်ရှင်းရေးလုပ်နေကြသည်။ ကလေးများကတော့ ဧည့်ခန်းထဲတွင်ဆော့နေကြလေသည်။
ထွဋ်ထက်လေးကလည်း လမ်းလျှောက်တက်နေပြီဖြစ်သောကြောင့် သူ့အစ်ကိုတွေအစ်မတွေနောက်ကို တတောက်တောက်လျှောက်လိုက်နေသည်။
"ဖေဖေ.."
ခွန်းအိပ်ခန်းထဲတွင် အင်္ကျီအဝတ်စားများထည့်နေစဉ်သားကြီးကခေါ်လာလေသည်။ ခွန်းလည်းသားကိုပြုံးကာပြန်ထူးလိုက်သည်။
"ပြောလေ သား..၊ ဘာဖြစ်လို့လဲ? တစ်ခုခုလိုလို့လား?"
"ဟုတ်ကဲ့ ဖေဖေ သားသိချင်တာတစ်ခုရှိလို့.."
"ဟေ..ပြောလေ..ဘာသိချင်တာလဲ?"
သားကအထူးအဆန်းပြောလာသည်မို့ခွန်းအံ့ဩသွားကာအလုပ်ဆက်မလုပ်တော့ဘဲ ဆိုဖာတွင်ဝင်ထိုင်လိုက်သည်။ ထိုအခါသားကခွန်းနားသို့လာလေသည်။
"မားမားပေးထားတဲ့လက်ကောက်လေးဘယ်မှာထားလဲသိချင်လို့.."
"ဪ..အဲ့တာလား..၊ နေဦးဖေဖေယူပေးမယ်"
ပြောကာ ခွန်းနှောင်ကြိုးထ၍ဖွင့်ထားသောဗီရိုထဲမှ အံဆွဲတစ်ခုကိုဖွင့်ကာ ထိုထဲမှဘူးအနီရောင်လေးကိုယူလိုက်သည်။
"ဒီမှာသား.. သားကဘာလုပ်မလို့လဲ?"
"ဘာမှမလုပ်ပါဘူး။ လှလို့ဒီတိုင်းထပ်ကြည့်ချင်လို့ပါ.."
"ဟုတ်ပါပြီဗျာ..၊ တစ်ယောက်ယောက်ကိုများပေးချင်နေပြီလား? ဟမ်..ဖေဖေ့ကိုမှန်မှန်ပြောနော်.."
သားကတော့ ခွန်းကိုမလိမ်တတ်ဘဲလိမ်နေပြန်ပါပြီ။ ခွန်းသိပါသည်။ 'လှလို့' ဆိုတာအကြောင်းပြချက်တစ်ခုသက်သက်မှန်း။ တကယ့်အကြောင်းအရင်းတစ်ခုတော့ရှိရမည်။
"မဟုတ်ပါဘူး ဖေဖေရဲ့..၊ ဒါမဲ့.."
"အင်း ပြောလေ..ဒါမဲ့ဘာဖြစ်လဲ?"
YOU ARE READING
𝒀𝒐𝒖'𝒓𝒆 𝒕𝒉𝒆 𝒐𝒘𝒏𝒆𝒓 𝒐𝒇 𝒎𝒚 𝒉𝒆𝒂𝒓𝒕.. {Completed}
Fantasyဈာန်မင်းတခေတ် × ခွန်းနှောင်ကြိုး ဈာန္မင္းတေခတ္ × ခြန္းေနွာင္ႀကိဳး ‼️Male pregnancy‼️ start Date - 1.8.2023 (Tuesday) End Date - 20.11.2023 (Monday) 🌷Second Fiction🌷 {COMPLETED} White Tulip🌷🤍
