𝒀𝒐𝒖'𝒓𝒆 𝒕𝒉𝒆 𝒐𝒘𝒏𝒆𝒓 𝒐𝒇 𝒎𝒚 𝒉𝒆𝒂𝒓𝒕.. {Completed}

Part-8 (Unicode + Zawgyi)

ခွန်း ခေတ်အားဘာမျှမပြောတော့ဘဲ တိတ်တိတ်လေးနေကာ ငြိမ်ငြိမ်လေးနေ၍ ခေတ်မောင်းတဲ့ဆီသို့သာလိုက်လာခဲ့သည်။ မနက်ခင်း စောစောထ ထားသောကြောင့် ခွန်း မျက်ခွံများလေးလာကာ အိပ်မက်ကမ္ဘာဆီသို့အလည်ရောက်သွားတော့သည်။

ဈာန်အိမ်သို့ရောက်သောအခါ ဘေးမှလူကို ကြည့်လိုက်မိတော့ ထိုလူသားလေးမှာ အိပ်ပျော်နေလေရဲ့။ ဈာန်ခေါင်းလေးအသာယမ်းကာ ရယ်လိုက်မိသည်။

*တကယ်ကိုချစ်ဖို့ကောင်းလွန်းတယ်...*

ဈာန် ခွန်း၏ဘယ်ဘက်ပါးလေးအား အသာထိလိုက်သည်။ ပါးလေးမှာအယောင်ကျသော်လည်းအနည်းငယ်နီရဲကာနေသည်။

ဈာန်မင်းတခေတ် ကားထဲမှထွက်ကာညာဘက်တစ်ဖက်ခြမ်းသို့လာပြီး ခွန်းနှောင်ကြိုးအား အသာမ,လိုက်သည်။ နေရာရွေ့သွားသဖြင့် ခွန်းနှောင်ကြိုးဆီမှ *အင်းအဲ* ဟူသောအသံ‌လေးများထွက်လာသည်။ ဈာန်မင်းတ‌ခေတ်လည်း ကလေးကိုသိပ်သလို ကျွတ်ကျွတ်ဖြင့်လုပ်ပေးလိုက်တော့မှ ရင်ခွင်ထဲအတင်းတိုးကာ ပြန်အိပ်ပျော်သွားလေသည်။

ဈာန်မင်းတခေတ် ခွန်းနှောင်ကြိုးအားပွေ့ချီလာကာ အိပ်ပေါ်ထပ်မှ သူ၏အခန်းထဲသို့ ခေါ်လာခဲ့လိုက်သည်။ အိပ်ခန်းထဲရောက်မှ သာသာလေး ကုတင်ပေါ်ချပေးကာ စောင်လေးခြုံပေးပြီး ရေချိုးရန်ပြင်လိုက်တော့သည်။

မိနစ်အနည်းငယ်ကြာသောအခါ ခွန်းနှောင်ကြိုးအိပ်နေရာမှနိုးလာခဲ့သည်။

ခွန်းမျက်လုံးဖွင့်လိုက်တော့ အိပ်ရာတစ်ခုပေါ်တွင်ဖြစ်သည်။ ဘေးပတ်ဝန်းကျင်ကိုကြည့်လိုက်တော့ ရင်းနှီးသလိုဖြစ်နေသည်။ သို့သော်မသေချာပါ။

*ခွန်း ခေတ်ရဲ့ကားပေါ်မှာ အိပ်ပျော်သွားသည်မဟုတ်လား။ အခုဘယ်လိုဖြစ်လို့...*

ခွန်းဆက်တွေးကြည့်နေလိုက်သည်။ ခဏလောက်ကြာတော့ ရေချိုးခန်းတံခါးမှာပွင့်လာသည်။ ခွန်းအသံကြားရာကိုကြည့်လိုက်တော့ ခေတ်ကိုတွေ့လိုက်သည်။ ဒါဆိုသေချာပါပြီ ခွန်း ခေတ်ရဲ့အိမ်သို့ရောက်နေသည်ဆိုတာ။

ရေချိုးခန်းထဲမှထွက်လာသည့်ခေတ်ကအောက်ပိုင်းကိုသာ တဘက်တစ်ထည်ဖြင့်ပတ်ထားသည်။ ခွန်း ခေတ်ရဲ့အပေါ်ပိုင်းကိုငေးကြည့်နေမိသည်။ ခေတ်ရဲ့ ပုခုံးမှာ ကျယ်ပြီး အသားရေမှာလဲ ဖြူဖွေးကာနေသည်။ လက်မောင်းကြွက်သားကြီးများမှာလဲ အားကစားလုပ်မှန်းသိသာသည်။ ကြီးမားကာတုတ်ခိုင်နေသည်။ ဝမ်းဗိုက်ရှိ ကြွက်သားများမှာလည်း....1..2..3..4..5..6..7..8.. OMG!! 8ခုတောင်တဲ့..။ ခွန်းရေတွက်ပြီးသကာလှ ကိုယ့်ကိုယ်ကိုယ်ပြန်ငုံ့ကြည့်မိသည်။(ဝမ်းဗိုက်ကို) ခွန်း၏ဝမ်းဗိုက်မှာဘာမျှမရှိ ပြားချပ်ကာနေသည်။