ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1

961 - 965

ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu၊ 牧童听竹
ဘာသာပြန်သူ      - ထာဝရ
အပိုင်း ( 961 ) ငါ မင်းရဲ့ ကံကောင်းခြင်းကို လိုချင်တယ်။

"သွား၊ သွား"
ရှီမင်က ဟိန်းဟောက်ပြီး သန့်စင် အလောင်းနှစ်လောင်းကို လုမင်ထံသို့ ပြေးသွားစေလိုက်သည်။

"ဝုန်း ဝုန်း"
ပေါက်ကွဲသံနှစ်ခုနှင့်အတူ၊ သန့်စင် အလောင်းနှစ်လောင်းစလုံး တခဏချင်း ပေါက်ကွဲသွား၏။ လုမင်၏ လက်သီးချက်က ရုတ်တရက် အရှိန်ပြင်းလာကာ ကြောက်မက်ဖွယ်ကောင်းသော ဖိအားကို ပေါက်ကွဲထွက်ရင်း ရှီမင်ကို ချုပ်နှောင်ထားတော့သည်။

ရှီမင်၏ မျက်လုံးများ ပြူးကျယ်လာပြီး အော်ဟစ်လိုက်သည်။
"မဟုတ်ဘူး... မဟုတ်ဘူး၊ သူက ဘယ်လိုလုပ်လုပ်ပြီး ဒီလောက် သန်မာနိုင်မှာလဲ၊ ငါ တားဆီးနိုင်ရမယ်"

‌အလောင်းချီများက သူ့ခန္ဓာကိုယ်မှ ပေါက်ကွဲထွက်လာကာ သူ့လက်ဝါးဖြင့် လုမင်လက်သီးအား တားဆီးနိုင်ရန် အစွမ်းကုန် ထုတ်ဖော်လိုက်သည်။

ဤလက်ဝါးရိုက်ချက်က အလွန်ကြောက်စရာကောင်းသော်လည်း လုမင်ရှေ့မှာတော့ စာရွက်တစ်ရွက်ကဲ့သို့ပင်။ ကြောက်စရာကောင်းသော လက်သီးစွမ်းအားက ရှီမင်၏ ခန္ဓာကိုယ်ကို တိုက်ရိုက် ထိုးဖောက်ဝင်ရောက်သွားခဲ့သည်။

ယခုအချိန်တွင် သူက အရှုံးပေးချင်သော်လည်း များစွာ နောက်ကျသွားခဲ့ပြီ။

"ဝုန်း"
သူ့ခန္ဓာကိုယ်က အပိုင်းပိုင်း ပေါက်ကွဲသွားခဲ့သည်။

ကိုးဆယ့်ကိုး‌မီတာရှည်သော ရေနဂါးကြီးကိုလည်း လုမင်၏ အစ်စစ်အမှန်နဂါးက တိုက်ရိုက် ဝါးမျိုလိုက်တော့သည်။

လုမင်၏ အစစ်အမှန်နဂါးက ဆယ်မီတာနီးပါး မြင့်တက်လာပြီး ကိုးဆယ့်ခြောက်မီတာနီးနီး ရှည်လျားလာခဲ့သည်။

ယင်းက မီတာတစ်ရာနှင့် အနည်းငယ်သာ ဝေးတော့သည်။
   
သူ့လက်ဝါးမှ ကြောက်မက်ဖွယ်ကောင်းသော ဝါးမျိုခြင်းစွမ်းအားများ ထွက်ပေါ်လာကာ လော်တောက်နှင့် ရှီမင်၏ သွေးအနှစ်သာရ၊ သွေးနှင့် စွမ်းအင်အားလုံးကို ဝါးမြိုသွားခဲ့သည်။