(ယွဲ့ယွဲ့လေးကိုမှာတဲ့အပိုင်းက chapter 244 ပါ .. မျက်စိလျှမ်းပြီး နံပါတ်မတပ်မိလို့ .. သွေ့ပုချိ )
Chapter 245
" လူသူမဲ့တဲ့ကျွန်းလေးပေါ်မှာ တစ်ပတ်တောင် ! "
" ဝေါင်း ! အသက်ရှင်အောင် အတော်ရုန်းကန်ခဲ့ရမှာပဲ ! "
" မုန်တိုင်း နဲ့ လှိုင်းကြမ်းတွေကြားကနေ အသက်ရှင်လွတ်မြောက်ခဲ့တာတဲ့ .. ကံသီလို့ ! "
" လူသတ်သမားက ရူးနေတာ .. ကြောက်စရာကြီးတဲ့ .. အဲ့အရူးနဲ့ ဖိုက်တင်ယှဉ်ချပြီး ပင်လယ်ထဲကျသွားတာတဲ့ .. ငါတို့ သတင်းထောက်ပြောပြတာ .. အဲဒီလိုအခြေအနေမှာတောင် အသက်ရှင်နေတယ် .. ကံတရားများ ဆန်းကြယ်ချက် !"
တိတ်ဆိတ်တဲ့ ဆေးရုံစင်္ကြန်တလျောက်မှာ ချက်ချင်းဆိုသလို လူတွေစုလာပြီး အသံတွေလည်း ကျွက်ကျွက်ညံလို့ ။
သတင်းထောက်တွေက သတင်းကြားတာနဲ့ ရဟတ်ယာဉ်ရပ်နားကွင်းကိုရောက်လာပြီး သူတို့နောက် တကောက်ကောက်လိုက်ကာ ဓာတ်ပုံတဖြတ်ဖြတ်ရိုက်ယူနေကြတယ် ။
ဆေးရုံဝင်ပေါက်ရောက်တော့ သူတို့အားလုံးရပ်တန့်ပြီး ဆေးရုံဝန်ထမ်းတွေက အရေးပေါ်လှည်းနှစ်ခုကိုတွန်းကာ ခွဲစိတ်ခန်းထဲ အပြေးတပိုင်း ဝင်သွားကြတော့တယ် ။
အဖျားပြန်တက်နေတဲ့ ယုပေါ်ယွင်က ခွဲစိတ်ခန်းထဲအဝင် နောက်ဆုံးအခိုက်အတန့်လေးမှာ အပြင်ကလှမ်းအော်လိုက်တဲ့ ပိုင်ရှီရှန်းအသံကို ကြားလိုက်ရတယ် ။
" မစိုးရိမ်နဲ့တော့ .. မင်းတို့ကို ငါတို့ အိမ်ပြန်ခေါ်သွား ..........."
ထို့နောက် ခွဲစိတ်ခန်းတံခါးက ဂျိမ်းခနဲ ပိတ်သွားလေတယ် ။
နေရာမှာရပ်ကျန်ရစ်တဲ့ ပိုင်ရှီရှန်းက ကုဖုန်းနဲ့ ယုပေါ်ယွင်ကို အသက်ရှင်လျက် ပြန်တွေ့ရတာကြောင့် စိတ်တွေလှုပ်ရှားနေတယ် ။ ရင်ထဲမှာလည်း အပျော်တွေစုပြီး တလှိုက်လှိုက်နဲ့ ။ ငိုချင်သလို ရယ်ချင်သလိုဖြစ်နေတယ် ။
ပိုင်ရှီရှန်းဟာ နောက်လှည့်ပြီး သူ့နောက်က မန့်လုံရင်ခွင်ထဲ ပစ်ဝင်လိုက်တယ်။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...