တစ်နေ့တာရဲ့ နေ့လည်ခင်းချိန်တိုင်းမှာ ပိုင်ရှီရှန်းက ယုပေါ်ယွင်ရဲ့ ကျန်းမာရေးအခြေအနေကို မပျက်မကွက်
လာစစ်ဆေးလေ့ရှိတယ် ။ ဒီနေ့လည်း ထုံးစံအတိုင်း ပိုင်ရှီရှန်းရောက်လာတာကြောင့် ယုပေါ်ယွင်က ကုတင်ပေါ်မှာလှဲပြီး အစစ်ဆေးခံနေတယ် ။
စစ်ဆေးပြီးနောက် ပိုင်ရှီရှန်း ကျေနပ်အားရစွာ ခေါင်းညိတ်လိုက်တယ် ။
ယုပေါ်ယွင်ရဲ့ ကျန်းမာရေးက လုံးဝ စိတ်ချရပြီ ။ ဆေးရုံမှာဆက်နေဖို့တောင် မလိုလောက်တော့ဘူး ။ တဆက်တည်း သူက ကုဖုန်းကိုပါ ကျေးဇူးတင်စွာ ကြည့်လိုက်တယ် ။
ခွဲစိတ်မှုပြီးတဲ့နောက်ပိုင်းမှာ သေလုမျောပါးဖြစ်သွားတဲ့ ယုပေါ်ယွင်ကို အသက်ပြန်ကယ်နိုင်ခဲ့တာ ကုဖုန်းကြောင့် ။
အဲ့ဒီချမ်းသာကြွယ်ဝတဲ့လူက ယုပေါ်ယွင်သာ အသက်ရှင်မယ်ဆိုရင် ဘာပဲရင်းရ ရင်းရ ။
အဆိုးဆုံးကို မျှော်တွေးတာမဟုတ်ပေမယ့် ယုပေါ်ယွင်ကိုယ်ဝန်ရှိနေကြောင်း စသိစဥ်တည်းက ဖြစ်လာနိုင်ချေတွေကို အဖက်ဖက်က ထည့်သွင်းစဥ်းစားပြီး လိုအပ်တဲ့ ပစ္စည်းကိရိယာ ၊ ဆေးဝါး နဲ့ အတော်ဆုံး အထက်မြက်ဆုံး ပါရဂူတွေကို ကြိုတင်ပြင်ဆင်ထားရှိစေတယ် ။ ငွေနဲ့လမ်းခင်းခဲ့ရတယ်လို့ဆိုရလောက်အောင်ကို ပိုက်ဆံကတော့ သောက်သောက်လဲ ကုန်တာပေါ့ ။ ဒါပေမယ့် အဲ့ဒီလူက မျက်တောင်တစ်ချက်တောင်မခတ်ဘဲ ငွေတွေကို လွှင့်ပစ်လိုက်သလို အကုန်အကျခံခဲ့တယ် ။ နှမြောတွန့်တိုခြင်း တစ်စက်လေးတောင်မရှိခဲ့ဘူး ။
အဲ့ဒီလို ကြိုတင်ပြင်ဆင်ထားတာကြောင့်လည်း သေမင်းလက်ထဲကနေ ယုပေါ်ယွင်ကို ပြန်လုနိုင်ခဲ့တာ ။
ကုဖုန်းက ယုပေါ်ယွင်ကုတင်ဘေးမှာထိုင်ပြီး တစ်ရက်ပြီးတစ်ရက် ထူထူထောင်ထောင်ဖြစ်လာတဲ့ ယုပေါ်ယွင်ကို ကြည့်နေတယ် ။
အဲ့ဒီအချိန်မှာ ပုခက်ထဲက ငိုသံလေး ထွက်လာတယ် ။
အကြိမ်ကြိမ်အခါခါ လေ့ကျင့်မှုတွေလုပ်ထားပြီးတဲ့ ကုဖုန်းက ခုတော့လည်း ကလေးကို ပရိုကျကျ ချီတတ်နေပြီ ။ သူက သူ့ရဲ့လက်တံရှည်တွေကို ဆန့်ထုတ်ပြီး ပုခက်ထဲက ကုကျားယွဲ့လေးကို ကောက်ချီလိုက်တယ် ။ ကုဖုန်းကိုကြည့်ရတာ တောင်ပံတွေဖြန့်ကားထားတဲ့ ပင်လယ်ငှက်ကြီးတစ်ကောင်လိုပဲ ။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...
