ကုဖုန်းက သား နဲ့ ဇနီးကိုခေါ်ပြီး အိမ်တော်ကို ပြန်လာခဲ့တယ် ။
တစ်နေ့တာလုံး စိတ်ရောကိုယ်ပါ ပင်ပန်းခဲ့ရတဲ့ ယုပေါ်ယွင်ကတော့ လှုပ်တောင်မလှုပ်ချင်တော့ဘူး ။ ရေနွေးနွေးလေးချိုးပြီး အိပ်ရာထဲ ဒိုက်ဗင်ထိုးချင်တာပဲ သိတော့တယ် ။ သူ့မျက်လုံးတွေက ပိုပိုကောင်းလာပြီး ပစ္စည်းတွေကို ရှင်းရှင်းလင်းလင်း မြင်နိုင်နေပြီ ။ ခလုတ်တိုက်လဲမှာလည်း မပူရတော့ဘူး ။ သူ့ဘာသာ ရေချိုးလို့ရပြီ ။ ဒါကြောင့် သူ့ကို ရေချိုးပေးချင်လို့ အတင်းတွေ တွယ်ကပ်နေသူကြီးကို ရေချိုးခန်းအပြင် တွန်းထုတ်ပြီး တံခါးကို ဘန်းခနဲ ပိတ်ပစ်လိုက်ရတယ် ။
ရေချိုးပြီး သူ အပြင်ထွက်လာတော့ တိတ်ဆိတ်တဲ့အိပ်ခန်းထဲမှာ ကုဖုန်းတစ်ယောက် ကုကျားယွဲ့လေးနဲ့ ဆော့နေတာ မြင်လိုက်ရတယ် ။
တစ်နည်းပြောရရင်တော့ ဘာမှမခုခံနိုင်တဲ့ ကုကျားယွဲ့လေးက တစ်ဖက်သတ်ကြီး ဒင်းပြုသမျှ နုနေရခြင်း ။
အဲ့ဒီလူက ယွဲ့ယွဲ့လက်ကလေးတွေကိုကိုင်ပြီး ငှက်ကလေးများလို အောက်ချလိုက် အပေါ်မြှောက်လိုက် လုပ်နေပြီး ယွဲ့ယွဲ့ခေါင်းလေးက ဟိုဒီရမ်းနေတယ် ။ ခဏကြာတော့ သူ့အပြုအမူက သူ့သားလေးကို မဆွဲဆောင်နိုင်မှန်းလည်းသိရော ကုဖုန်းက လက်လေးတွေပြန်ချပေးပြီး ဝဝကစ်ကစ်ခြေသလုံးလေးနှစ်ဖက်ကိုမ,ကာ စေ့စေ့စပ်စပ် လေ့လာစူးစမ်းလေတော့တယ် ။
ကုပေါက်ကြီး နဲ့ ကုပေါက်လေးမှာ ဘယ်တစ်'ကု'က ပိုပြီးတုံးအပါလိမ့် ?!
မနေနိုင်စွာ ယုပေါ်ယွင် တွေးလိုက်မိတယ် ။
ထို့နောက် ယုပေါ်ယွင် နှစ်ချက်ခန့် ချောင်းဟန့်လိုက်တယ် ။
" အဟမ်း အဟမ်း !"
အိပ်ခန်းထဲမှ တိတ်ဆိတ်မှုက သူ့ချောင်းဟန့်သံကြောင့် ပြိုကွဲသွားရလေတယ် ။
ကုဖုန်းက ကလေးကိုအောက်ချပြီး အပြုံးမျက်နှာနဲ့ ယုပေါ်ယွင်ဘေးကို ချက်ချင်းပဲ ရောက်ချလာတယ် ။
" မင်း ရေချိုးလို့ပြီးပြီလား "
" အင်း "
ယုပေါ်ယွင် ကလေးပုခက်နား လျှောက်သွားကာ အရည်လဲ့နေသော မျက်ဝန်းများနဲ့ ကြည့်လိုက်တယ် ။ သူ့မျက်ဝန်းတွေထဲမှာ ရန်လိုရိပ်လေး အနည်းငယ် ယှက်သန်းနေဆဲ ။ 'ခင်ဗျားက ခင်ဗျားကလေးကို အရသာခံနေတယ်ပေါ့ ' လို့ မပြောရုံတမယ်ပဲ ။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...
