❗❗221 နဲ့ 222 ကို လိုက်မရှာနဲ့နော် .. ကျော်သွားတာမဟုတ်သလို ပျောက်နေတာလည်း မဟုတ်ဘူး .. မရှိကို မရှိတာပါ .. အဲ့ဒီအကြောင်းကို Please Read မှာ ပြောပြထားပါတယ် ❗❗
Chapter 230
ကျန်းဟောင် လေတစ်ချက်အဟပ်ခံရတာကြောင့် နိုးလာတယ် ။
မျက်လုံးဖွင့်ဖွင့်ချင်း သူ့ရှေ့မှာ ဖြူနုသေးသွယ်တဲ့လက်အစုံကို တင်းတင်းဆုပ်ပြီး ရင်အစုံ နိမ့်ချည်မြင့်ချည်ဖြစ်အောင် မောကြီးပန်းကြီး အသက်ရှူနေတဲ့ လိခေးကို တွေ့လိုက်ရတယ် ။ ညီညာဖြူဖွေးလှတဲ့သွားတန်းလေးစေ့ပြီး အံကြိတ်ကာ ဒေါသတကြီး ရန်လိုနေတဲ့ ဒီအသေးလေးပုံက ကျန်းဟောင်ကို လန့်အောင်လုပ်နိုင်စွမ်းမရှိဘူး ။ သူ့မျက်လုံးထဲမှာ ခုန်ဆွခုန်ဆွလုပ်နေတဲ့ ယုန်ဖြူပေါက်လေးတစ်ကောင်လိုပဲ ။
ကျန်းဟောင် ပါးတစ်ဖက်ကို ကိုင်လိုက်တယ် ။ လက်သီးစာမိသွားတဲ့ပါးဖြစ်မယ် ထင်ပါရဲ့ ။
" မင်းကို သတ်မယ် ခွေးကောင် ! "
လိခေးမျက်လုံးတွေ ရဲတွတ်နေတယ် ။ အသံတွေလည်း တုန်ပြီး
" ညက မင်း ဘာလုပ်တာလဲ , ဘာလုပ်တာလဲလို့ ပြောစမ်း ဟေ့ကောင် ! "
ကျန်းဟောင် မျက်ရည်ဝေ့ပြီး ကြိုးစားထကာ တစ်မိနစ်လောက် စဉ်းစားတယ် ။ ထို့နောက် မျက်လုံးပြူးကာ
" မင်းကို ငါ .............လုပ်ခဲ့မိတာလား ??? "
ကျန်းဟောင် တွန့်ဆုတ်နေဆဲ ။
လိခေး ဘေးကခေါင်းအုံးယူပြီး ကျန်းဟောင်ကို ရိုက်တော့တယ် ။
" ငိုးမသား ! ငါတို့က လည်ပင်းဖက်ပေါင်းလာတဲ့ သူငယ်ချင်းအရင်းကြီးတွေကွ .. မင်း ငါ့ကို ဒီလိုလုပ်စရာလား .. ဒီလိုလုပ်စရာလား ???? "
ကျန်းဟောင်က လိခေးရိုက်ချက်တွေကိုရှောင်ရင်း တစ်ဖက်ကလည်း စဉ်းစားရင်း ။ သူ့စိတ်ထဲ ညကအကြောင်းအရာတွေက ရှင်းရှင်းလင်းလင်းပဲ ပေါ်လာခဲ့တယ် ။
သူ မှတ်မိသွားပြီ ။
ညက သူအတော်မူးသွားတာ ။ လိခေးက သူ့ကိုတွဲပြီး အခန်းထဲ ခေါ်လာတယ် ။ အခန်းထဲရောက်ချိန် ဘာကြောင့်ရယ်မသိ သူ့ဆန္ဒတွေ ထကြွလာခဲ့တယ် ။ လိခေးရဲ့ မျက်နှာဖွေးဖွေးလေးကိုကြည့်လေ ရင်းနှီးကျွမ်းဝင်မှုပိုလေဖြစ်ပြီး ဆွဲဆောင်ခံရကာ အလွတ်မပေးချင်ခဲ့ဘူး ။ အဆုံးသတ်မှာ သူ့ဦးနှောက်ထဲ သုတ်ပိုးရောက်သွားသလို ချက်ချင်းပဲ အဲ့ဒီအသေးလေးကို ခုန်အုပ်ပြီး အရိုးအသားမကျန် စားပစ်ခဲ့မိတယ် ။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...
