Big Bossရဲ့ ကိုယ်ဝန်လွယ်ထားရပြီ (Book 2)

Chapter 181

ကုဖုန်းရဲ့ နှိမ့်နှိမ့်ချချနဲ့ တောင်းပန်တိုးလျှိုးနေတဲ့လေသံကို နားထောင်ပြီး ယုပေါ်ယွင် တစ်ခုခု ပြန်ပြောချင်ခဲ့တယ် ။ ဒါပေမယ့် သူကိုယ်တိုင်လည်း စကားသံတွေပျောက်ရှပြီး အသံသဲ့သဲ့လေးတောင် မထွက်နိုင်ခဲ့ဘူး ။

ဒါက သူ ဘယ်တုန်းကမှ မတွေ့ဖူးခဲ့တဲ့ ကုဖုန်းပုံစံ !

အရမ်းကို အနူးအညွတ် တောင်းပန်နေတာ ၊
နွေးထွေးမှုလေး မြူမှုန်လောက်ရဖို့ရာအတွက် အသေအလဲ တောင်းပန်နေတာ ၊
နာကျင်နေတဲ့ မျက်လုံးတွေ ၊ နှိမ့်ချထားတဲ့ လေသံတွေ နဲ့ ။

ဒါက ကုဖုန်းနဲ့မတူဘူး !
ဒါက ကုဖုန်း မဟုတ်ဘူး !

ယုပေါ်ယွင် ဖျစ်ညှစ်ပြီး စကားဆိုလိုက်ပေမယ့် သူ့အသံတွေက မတည်မငြိမ် ။

" ကုဖုန်း ခင်ဗျားက ဩဇာအာဏာအပြည့်နဲ့ စီအီးအိုတစ်ယောက် ၊ ကျွန်တော်က အရမ်း အရမ်းကို သာမာန်ဆန်တဲ့ ရိုးရိုးလူတစ်ယောက် ..ကျွန်ဝောာ်က ငါးနှစ်လုံးလုံး ခင်ဗျားနောက်လိုက်ခဲ့ပြီး ကျောခိုင်းထားတဲ့ ခင်ဗျားနောက်ကျောကိုသာ မျှော်ကြည့်နေခဲ့ရသူပါ ..ဒါပေမယ့် ကျွန်တော် ဘယ်လောက်ပဲ မျှော်လင့်ခဲ့ မျှော်လင့်ခဲ့ ခင်ဗျားရဲ့ အချစ်ကိုမရဘဲ နှလုံးသားထဲမှာ ပြည့်နှက်နေတဲ့ ဒဏ်ရာတွေပဲ ရခဲ့တယ်..အရမ်းခက်ခဲတဲ့ အတိတ်တွေကို ကြုံစေခဲ့ပြီးမှ ကျွန်တော့်ကို ဘယ်လိုတောင် ယုံကြည်စေချင်နေတာလဲ "

(နောက်ဆုံးစာကြောင်းလေးကြိုက်လွန်းလို့ )

" မင်း ကိုယ့်ကို အယုံအကြည်မဲ့သွားပြီဆိုတာ ကိုယ် သိပါတယ် ..ဒါကြောင့် ကိုယ့်အချစ်တွေကို မင်း ခံစားလို့ရအောင် အပြောထက်
လက်တွေ့ကျကျပြသနိုင်ဖို့ ကိုယ် ကြိုးစားခဲ့တာ..တကယ်ပါ ..ကိုယ် မင်းကို အမှန်တကယ် ချစ်မြတ်နိုးတာပါကွာ "

ကုဖုန်း လက်ချောင်းတွေက ယုပေါ်ယွင်မျက်နှာပေါ်မှာ ဖွဖွညင်ညင် လှုပ်ရှားနေတယ် ။ ဒီကမ္ဘာပေါ်မှာ အဖိုးထိုက်တန်ဆုံး ရတနာတစ်ခုလို ။

" ခင်ဗျား အချစ်က ကြာကြာမခံပါဘူး..ခင်ဗျား မကျေမနပ်ဖြစ်ပြီး ခံစားချက်တွေ ရောထွေးနေတာပါ..မကြာခင် ခင်ဗျား ပိုချစ်ရမယ့် ကောင်လေးတစ်ယောက် ‌တွေ့လာမှာပါ...အဲ့ဒီအခါကျရင် ခင်ဗျား .........."