လုမိသားစုရဲ့ ညစာစားပွဲက တိတ်ဆိတ်နေတယ် ။
မိသားစုအကြီးအကဲဖြစ်တဲ့ လု အဖိုးကြီးက ထမင်းစားပွဲမှာ စကားမပြောရဘူးဆိုတဲ့စည်းကမ်းထုတ်ထားတာကြောင့် လုအဖိုးကြီးကစပြီး လုပေါက်စတွေအထိ ဘယ်သူမှ စကားမပြောကြဘူး ။
ဒီစည်းကမ်းကို လုမျိုးနွယ်တွေက သိပ်တော့ဘဝင်မကျပေမယ့် လုရန်းက ပျော်နေတာပေါ့ ။
မပြောနဲ့ မပြောနဲ့ တစ်ယောက်မှ မပြောလေ ကောင်းလေပဲ !
သူနဲ့ လုရန်ရဲ့ RS ကို ဘယ်လိုအကြောင်းမျိုးကြောင့်နဲ့မှ ထိခိုက်ပျက်စီးမခံနိုင်ဘူး ။ လုရန်းက ထမင်းစားပွဲမှာ ထိုင်နေတဲ့ လု အကြီးအကဲကိုကြည့်လိုက်တယ် ။
လု အကြီးအကဲက ဘယ်သူ့ကိုမှမကြည့်ဘဲ အစားကိုသာရှုပြီး တိတ်ဆိတ်စွာ စားသောက်နေတယ် ။ စည်းကမ်းအတိုင်း ကြက်စွပ်ပြုတ်ကို အသံမထွက်အောင် သောက်နေပြီး လု မိသားစုဝင်တွေကလည်း အရင်ထက်ပိုပြီး တိတ်ဆိတ်ငြိမ်သက်နေတယ် ။
အခြေအနေက သိပ်တော့မရိုးစင်းလှတာ လုရန်း သိတာပေါ့ ။
လုအဖိုးကြီးက သောက်လက်စ ကြက်စွပ်ပြုတ်ကိုလက်စသတ်ပြီး ပျင်းရိရိပုံနဲ့ ပန်းကန်လုံးကို ဘေးဘက်တွန်းကာ ပန်းကန်လုံးအနားစွန်းက အက်ရာသေးသေးလေးကို ညွှန်ပြတယ် ။
" ဒီ ပန်းကန်လုံးကို လွှင့်ပစ်သင့်တယ် "
အိမ်ဝောာ်ထိန်းကြီး ဘာကိုဆိုလိုမှန်း နားမလည်ဘဲ ကြောင်နေတယ် ။ အဖိုးလုရဲ့ဘေးမှာ ထိုင်နေတဲ့လူက ကပျာကယာ ဝင်ရှင်းပြလ်ုက်တယ် ။
" အစားအသောက်ထည့်တဲ့ ပန်းကန်လုံးက ကွဲနေ အက်နေရင် အစားထည့်မစားကောင်းဘူး..လာဘ်တိတ်တယ်..အိမ်ဝောာ်ထိန်းကြီး ခင်ဗျား တယ်လည်းဂရုမမူတာပဲ ...အသက်ကြီးမှ အလုပ်ပြုတ်ချင်နေပြီထင်တယ် "
အိမ်တော်ထိန်းကြီး ချွေးစေးတွေကို သုတ်ပြီး ပန်းကန်လုံးကိုယူကာ မပီမသပြုံးလျက် ရိုကျိုးစွာ အထပ်ထပ်တောင်းပန်လေတယ် ။
အဖိုးလုက သူအနှစ်သက်ဆုံး လက်ဖက်ရည်ကြမ်းကို အရသာခံသောက်ပြီး မျက်ခုံးပင့်ကာ လုရန်းကိုကြည့်တယ် ။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...
