ယုပေါ်ယွင်က အိပ်ချင်မူးတူးနဲ့ မျက်လုံးတွေပွင့်လာခဲ့တယ် ။ သူ့ခေါင်းတစ်ခုလုံးလည်း ပေါက်ကွဲလုမတတ်ကို ကိုက်ခဲနေတာပဲ ။
သူ အိပ်ချင်စိတ်မပြယ့်တပြယ်နဲ့ အတင်းကုန်းရုန်းပြီး ငုတ်တိုင်လေးထထိုင်လိုက်တယ် ။ နွေးထွေးနဲ့နေရောင်ခြည်က ပြတင်းပေါက်ကိုဖြတ်ပြီး ကြမ်းပြင်ထက်မှာ နေပြောက်လေးတွေ ဟိုတစ်ပြောက် ဒီတစ်ပြောက် ထိုးလို့ ။
ယုပေါ်ယွင် ပါးစပ်ဟလိုက်ပြီး ခြောက်သွေ့နေတဲ့နှုတ်ခမ်းတွေကို စွတ်စိုသွားစေဖို့ လျှာလေးနဲ့သပ်လိုက်တယ် ။ ထို့နောက် သန့်ရှင်းရေးလုပ်ရန်အတွက် စောင်ကိုမ,ပြီး ထရန်ပြင်တယ် ။
စောင်ကိုမ,မချင်းမှာပဲ ယုပေါ်ယွင်လေး ကြက်သေသေသွားရလေတယ် ။
သူ့ကိုယ်မှာ ဘောင်းဘီတိုလေးတစ်ထည်ပဲရှိပြီး ကျန်တဲ့နေရာက လုံးဝဟာလာဟင်းလင်း ။
သူ နောက်ပြန်ဆုတ်ပြီး ပတ်ပတ်လည်ကို ဝေ့ကြည့်လိုက်တယ် ။
သောက်ပလုတ်တုတ် !
သူ့ဘေးမှာ သူ့လိုပဲ ကိုယ်လုံးတီးနဲ့ ယောက်ျားတစ်ယောက် ဆန့်ဆန့်ကြီး အိပ်ပျော်နေတယ် ။
ကုဖုန်း ?!
တစ်ယောက်တည်း ကမ္ဘာပျက်နေတဲ့ ယုပေါ်ယွင်ကြောင့် ကုဖုန်းနိုးလာပြီး မျက်လုံးတွေကို ပျင်းပျင်းရိရိဖွင့်လာတယ် ။
" မင်္ဂလာနံနက်ခင်းလေးပါ "
ယုပေါ်ယွင်က ကုဖုန်းကို သရဲတစ်ကောင်လိုကြည့်ပြီး
" ခင်ဗျားက ဘာလို့ ဒီမှာ လာသေနေတာလဲ "
ကုဖုန်း ထထိုင်လိုက်တယ် ။ သူ့ကိုယ်ဟန်က ကျောက်တိုင်ကြီးလိုပဲ ။ ရင်ဘတ်က မာမာကျစ်ကျစ် ကြွက်သားကြီးတွေပေါ်မှာ နေရောင်ခြည်တွေ ဖြာကျနေပြီး သန်မာအားကောင်းတဲ့အမျိုးသားဟော်မုန်းတွေက လျှံကျလုလု ။
" မနေ့ညက မင်း မူးသွားတာလေ..ငိုလည်းငိုတယ် ..အန်လည်းအန်တယ်..ကိုယ်သာ စောင့်ကြည့်မနေရင် မင်းတစ်ယောက်တည်း ဒုက္ခရောက်နေမှာပေါ့ "
" အမ် ! ခင်ဗျားကို မလို.........."
ယုပေါ်ယွင် စကားဆက်မပြောနိုင်တော့ဘူး ။
ကုဖုန်း လည်ပင်းက ကိုက်ရာကြီးက သူ့ကို ဆွဲဆောင်သွားတယ် ။ ဒဏ်ရာကတော်တော်နက်ပြီး သွားရာကအကွင်းလိုက် ။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...
