တောင်ပေါ်မှာ လေတိုက်ခတ်နှုန်းက အရမ်းကြမ်းတယ် ။
ကုဖုန်း ကုတ်အင်္ကျီကိုချွတ်ပြီး ဆိုလိုက်တယ် ။
" တောင်ပေါ်လေက အတော်အေးတာ ..လာ ဒါလေး ဝတ်ထား "
အပြောနဲ့အတူ လက်ပါအသုံးပြုပြီး ယုပေါ်ယွင်တစ်ကိုယ်လုံးကို ကုတ်အင်္ကျီနဲ့ ထုပ်လိုက်တယ် ။ယုပေါ်ယွင်က မျက်လုံးမှိတ်ထားပြီး လေတိုက်ခတ်သံတဝုန်းဝုန်းကို အထိမခံနိုင်တဲ့ သူ့ရဲ့နားတွေနဲ့ နားထောင်ရင်း ဆိုလေတယ် ။
" မိုးလင်းသွားပြီပဲ "
"ဟုတ်ပါတယ်ဗျာ "
ကုဖုန်း ခေါင်းညိတ်လျက် ။
" ပြန်ချင်ပြီလား "
" ကျွန်တော့်မျက်လုံးက ပြတ်ပြတ်ထင်ထင်မမြင်ရပေမယ့် ရောင်နီကိုတော့ ခံစားလို့ရတယ် "
ယုပေါ်ယွင် စကားရပ်ပြီး
" ကျွန်ဝောာ် စိတ်ကျေနပ်သွားပါပြီ .. ခင်ဗျားကို ကျေးဇူးတင်ပါတယ် "
ယုပေါ်ယွင်လက်ကိုဆုပ်ကိုင်ထားတဲ့ ကုဖုန်းလက်က ခေတ္တမျှ တောင့်ခဲသွားတယ် ။ ထို့နောက် ခါးသက်သက်ပြုံးကာ
" ကိုယ့်ကို ဘာကြောင့် ယဉ်ကျေးနေရတာလဲ "
ယုပေါ်ယွင် ပြန်မဖြေခဲ့ဘူး ။
" မင်းအတွက် ဘာမဆို လုပ်ပေးဖို့ ဆန္ဒရှိပါတယ် "
ကုဖုန်းက အလွန်တရာစိတ်ထိခိုက်နေတဲ့မျက်လုံးတွေနဲ့ ပြောပြီး ယုပေါ်ယွင်ပါးလေးကို ဖွဖွလေးပုတ်လိုက်တယ် ။ သူ့အတွက်တန်ဖိုးဖြတ်မရတဲ့ ရတနာလေး ။ အဖိုးအနဂ္ဃထိုက်လွန်းလှတဲ့ သူ့ပေါင်ပေ့လေး ။ တစ်ကမ္ဘာလုံးမှာ သူ အလိုရှိဆုံး ကလေးလေး ။
" မင်းက ကိုယ်တို့သားလေးရဲ့ ဖခင်တစ်ယောက်ဖြစ်ရုံတင်မကဘူး ကိုယ့်ရဲ့ အသည်းအသက်လေး ၊ ကိုယ့်ချစ်သူလေးလည်းဖြစ်တယ် .. မင်း ကိုယ့်ကို လုံးလုံးလျားလျား ခွင့်မလွှတ်နိုင်သေးတာလည်း ကိုယ်သိပါတယ် ..
ဒါပေမယ့် ကိုယ် ကြိုးစားမယ် .. မလျော့သော ဇွဲနဲ့ ကြိုးစားမယ် ..မင်း ကိုယ့်ကို အရင်လို ပြန်လက်ခံတဲ့နေ့အထိ ..ဘယ်လောက်ပဲ ခက်ခဲပင်ပန်းပါစေ ကိုယ် လက်မလျော့ဘူး "
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...