ယုပေါ်ယွင် လည်ဇလုတ်လေး မြင့်တက်သွားပြီး တဟွတ်ဟွတ်နဲ့ ချောင်းတွေထဆိုးလေတော့တယ် ။
" ဒါကြောင့် .....ရှေ့လျှောက် ကိုယ့်အပေါ် အရမ်းတွေယဉ်ကျေးနေစရာမလိုဘူး "
ကုဖုန်း ဆက်ပြောတယ် ။
" မင်းဘက်က ရည်ရွယ်လို့ပဲဖြစ်ဖြစ် မရည်ရွယ်လို့ပဲဖြစ်ဖြစ် ကိုယ်နဲ့ အကွာအဝေးတစ်ခုထားပြီး စည်းတွေခြားထားတိုင်း ကိုယ့်မှာ နောင်တတွေနဲ့ ရင်နာကြေကွဲရတယ် "
ယုပေါ်ယွင်က ကုဖုန်းအပေါ် မှီချလိုက်တယ် ။
သူ့လည်ပင်းဘေးတစ်ခြမ်းက ကုဖုန်းခန္ဓာကိုယ်ရဲ့ နွေးထွေးမှုလေးကို ခံစားနေရတယ် ။
နှစ်ယောက်သားဟာ စကားတွေမဆိုဖြစ်တော့ဘဲ တိတ်ဆိတ်စွာနဲ့ ဝောာင်အောက်ပြန်ဆင်းခဲ့ကြတယ် ။ သူတို့ တောင်တစ်ဝက်လောက်ဆင်းမိချိန်မှာ လေ့ကျင့်ခန်းလုပ်ရန် ၊ ရှုခင်းကြည့်ရန် တောင်ပေါ်တက်လာသူတွေနဲ့ ဆုံမိကြတယ် ။ ထိုလူတွေက ကောင်လေးတစ်ယောက်က ကောင်လေးတစ်ယောက်ကို ကျောပိုးထားတဲ့မြင်ကွင်းကို မြင်သွားကြတယ် ။ ဒါပေမယ့် ဘယ်သူကမှ သူတို့ကို မနှောင့်ယှက်ခဲ့ဘူး ။
တောင်ခြေနားရောက်ခါနီးမှာ ကုဖုန်းရဲ့ လက်ကိုင်ဖုန်းက မြည်လာခဲ့တယ် ။ သူ အရင်ဆုံး ယုပေါ်ယွင်ကို အောက်ချလိုက်ကာ လက်တစ်ဖက်နဲ့ တင်းနေအောင် သိမ်းပွေ့ထားပြီး ကျန်လက်တစ်ဖက်နဲ့ ဖုန်းထုတ်ကြည့်လိုက်တယ် ။
ခေါ်ဆိုသူက လုရန်းလား ?!
သူတို့နှစ်ယောက်က စီးပွားရေးကိစ္စနဲ့သာ ဆက်သွယ်ခဲ့ဖူးကြပေမယ့် ကိုယ်ရေးကိုယ်တာအရတော့ မဆက်သွယ်ခဲ့ဖူးဘူး ။
ပြီးတော့ မနက်အစောပိုင်း ရုတ်တရက်ဆန်စွာ ဖုန်းခေါ်လာတယ်ဆိုတော့ တစ်စုံတစ်ရာအရေးကြီးတာကြောင့်များလား ?!
ကုဖုန်း answer ကိုနှိပ်လိုက်တာနဲ့ တစ်ဖက်ခြမ်းမှ လုရန်းရဲ့ မရဲတရဲအသံကို ကြားလိုက်ရတယ် ။
" ကုဖုန်းလား ?"
" ဟုတ်ပါတယ် "
ကုဖုန်း ခေါင်းညိတ်ကာ
" စီအီးအို လုလား "
" မဟုတ်ပါဘူး "
လုရန်း သက်ပြင်းချပြီး
" အခုက စီအီးအို လု မဟုတ်တော့ပါဘူး "
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...
Chapter 194
Start from the beginning
