[Unicode]
<<ကောင်းကင်ဘုံနဲ့ ကမ္ဘာမြေကွာဟမှု>> ရဲ့ပွက်လောရိုက်မှုက အရာအားလုံးကို အထက်အောက် ပြောင်းသလန်သွားစေတော့တယ်။ နောက်ဆုံးမှာတော့ လူအများကြီးရဲ့ စိတ်ထဲမှာ ဟာသတစ်ခုဖြစ်လာတော့တယ်။ ပြန်လည် ထုတ်လွှင့်ပြသမည် ဆိုသောအခါ လူအများစုက လှောင်ပြောင်ရယ်မောဖို့အတွက် ပြင်ဆင်ထားကြတော့တယ်။
ဆွေးနွေးခန်းဖိုရမ်တစ်ချို့မှာ ရှောင်းဇီချီကို လျို့ဝှက်စွာ အရှက်ခွဲနေတဲ့ စာများက နွေဦးမိုးရွာပြီးနောက် မြက်ပင်စိမ်းစိမ်းများ နေရာအနှံ့ ပေါက်ရောက်လာသလိုပဲ။ ရှောင်းဇီချီက ဒီလိုပြင်မရနိုင်တော့တဲ့ အရှုပ်တော်ပုံတစ်ခု လုပ်ခဲ့တာကို အခြေခံ သရော်ရင်း အူနှိပ်မတတ် တသောသော ရယ်မောနေကြလေရဲ့။
ကြောင်တွေကို စားတဲ့ ငါးတစ်ကောင် :: ⟨⟨ဒီလောက်ဆိုးရွားတဲ့ ဟန်ပန်ရှိသူမျိုးကို တစ်ခါမှ မမြင်ဖူးတာပါကွယ်။ ဒါပေမဲ့ တကယ် တော်တော်ရယ်ရတာ။ ရှောင်းဇီချီတစ်ယောက် သူ့ဘဝက ဒီအပေါ် အမှီပြုသလို စိတ်လှုပ်တရှားနဲ့ ဟိုခုန်သည်ခုန် လုပ်နေလေရဲ့ , ဒါပေမဲ့ အဆုံးမှာတော့ သူ့ရဲ့သရုပ်ဆောင်စကေးက ခွေးဝဲစားအတိုင်းပဲ။ သူ လက်လျှော့လိုက်သင့်ပြီ⟩⟩
မှိုက သစ်သားမဟုတ် :: ⟨⟨ရှောင်းဇီချီက နာမည်ကြီးidolတစ်ယောက်လို့ ပြောကြတယ် မဟုတ်လား? အဲ့လိုပြောပြီးတော့ တကယ်လည်း ဒီအချိန်ရောက်ရော သူ့ရဲ့ supportအားက လင်းကျီကိုတောင် မကျော်နိုင်ပါလားနော်?⟩⟩
အပျော်အပြက်တစ်ခုအတွက် ထွက်လာတဲ့ ပြည့်တန်ဆာလေး :: ⟨⟨ဖြစ်နိုင်တာက ငမွှေထိုး လုပ်လိုက်တာပဲ။ ရှောင်းဇီချီက ဘာတွေများ တအားကောင်းနေလို့လဲ? သူက တစ်နေ့လုံး သူ့ကိုယ်သူ ဘယ်လိုကြွကြွရွရွ နေရမလည်းဆိုတာပဲ သိတာ။ မင်း သရုပ်ဆောင် စကေးကောင်းတွေကို ကြည့်ကြိုက်တာဆိုရင်တော့ သူ့မှာ ဗလာနတ္တိပဲ။ မင်းက ရုပ်ရည်ကိုပဲ ကြည့်ကြိုက်ချင်ရင်လည်း ကောင်းပြီလေ...သူ့အရပ်အမောင်းကိုပဲ တစ်ချက်ရှိုးလိုက်တော့ အူတက်နေမိပြီ⟩⟩
ရှောင်းဇီချီတစ်ယောက် ဒီကော့မန့်ကို ဖတ်ပြီးတဲ့အခါ ဒေါသတကြီး အသေအံကြိတ်ထားရလို့ သူ့သွားတွေ ကျိုးတော့မလိုပါပဲ။ ဒီလွန်ခဲ့တဲ့ ရက်အနည်းငယ်မှာ သူ့ကျန်းမာရေးက အရမ်းကြီး ကောင်းနေတာ မဟုတ်ပေ။ သူ့မျက်နှာက သေလောက်အောင် ဖြူဖျော့နေကာ အလွန်တရာ အားနည်းပုံ ပေါက်စေတယ်။
YOU ARE READING
Big Bossကြီးရဲ့ကိုယ်ထဲ ကူးပြောင်းပြီး ဗီလိန်လေးကိုအရယူမယ် {ဘာသာပြန်}
RomanceDon't repost the commissioned Fanart CV anywhere for commercial purposes! Artist (IG Acc) - AeriCM_sknrm7s ✨ Novel name နဲ့ information အပြည့်အစုံကို အထဲမှာ ရေးသားပေးထားပါတယ်။ This is just a fun translation. I do not own the novel. All credits go to...