عاهرة الامام(كاملة ❤️)

187

⁦♥️⁩عـــــاهــــــرة الامــــــام⁦⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩الحــــلــــقـــــة118♨️⁩

#عند_انتصار

جات خارجة من سبيطار حتى حبسها صوتو....

فؤاد:بسسس...

دارت ليه تشوف فيه طلعت حاجبها تع واش...

فؤاد:هاكي نيميرو تاعي...
انتصار:كيفاش...؟
فؤاد:متفهميش بالناقص بصح حساب واش شفت واش فهمت بانلي بلي ماشي متهلي فيك ويمكن يجي نهار وتزيد تمرض ملاك ولا كاش حاجة تحتاجي كاش واحد بليز منحبكش تتوسوسي راه عندي ختي... صح ممكن اني غلطت بزاف قي حياتي بصح هذي المرة نيتي صافية ومانيش نشوف فيك حاجة عيانة... والله نيتي صافية....

شافت في عينيه لقات بلي صح راهو يحكي وبلي ماشي ناوي الشر وزيد صح هذي دنيا متعرف كاش واش يصرا فيها كيما ملاك مرضت يقدر يصرالي انا كاش حاجة.... شديتو وشفت فيه...

انتصار:منحبكش تفهم بلي كي شديت نيميرو تاعك يعني كاش مراح ندير اذا محتجتكش راح يبقى طول عمري مخبي واذا صرات حاجة كبييييرة راني نعيطلك....

تبسم معاها وهيا خرجت بقات تحوس على سالم بصح ملقاتوش راحت لنص طريق تحوس بصح مكاشو تحجرو دموع في عينيها.... باسكو ملڨري كلش كانت متوقعة انو يستناها انو يوصلها باسكو راهي على ذمتو.... طاحت دمعة من عينها هيا واش ذنبها في الحكاية...؟ هيا واش علاقتها في كلش علاش هيا لي قتلت عايدة...؟هيا لي قاتلو بالسيف اتزوج بيا... ولا هيا لي قاتلو طلق مرتك علاش راهو يعامل فيها على اساس هيا اسوء شي في العالم....وبلي كلش بسبتها...هذو الافكار كامل كانو يديرو في راسها حتى قطعها صوتو...

فؤاد: انتصار.. 

بدات تمسح في دموع لي متحجرين وتنسف بيدها باش تروح أثار الدموع والحمورية لي متأكدة بلي غزات عينيها...

انتصار:اه...
فؤاد:راح سالم...!
انتصار:ممكن انو ملاك بدات تبكي داها يخليها عند يماه ويجي يديني....

⁦♨️⁩تـــــتـــــــمـــــــة الحــــلــــقـــــة118♨️⁩

فؤاد:واش متأكدة بلي يجي...

حركت راسها بايه تحوس عليه يروح باش تشوف كاش طاكسي باسكو متأكدة ومتأكدة مليون% بلي مراحش يرجع...اصلا كان يصيب كان قتلها عادي....

فؤاد:اجي نوصلك...
انتصار:لا...
فؤاد:يابنتي وشبيكي موسوسة انا عارفة بلي سالم مراحش يرجع باسكو ببساطة هو مراحش يدي بنتو عند جداها ومراحش يخليها وحدها....وزيد شوفي الوقت هذا دوكا يكترو رجال وسكارجيين تخافي كاش واحد كاش مايديرلك انا على الاقل مراحش نأذيك...
انتصار:واش يضمنلي بلي متأذينيش....

بدا يقرب ليها بلعقل وهيا ترجع للور حتى لصقت في الحيط وهو قرب ليها يفصل بين جسمو وجسمها يادويب 2cm...