عاهرة الامام(كاملة ❤️)

175

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 96 ♨

صورية قفلت الباب بعدما راح سيف و جرات ورا بنتها ..
صورية : اميمة اميييمة .
دقت باب غرفتها مفتحتش بقات تدق و تدق حتى فتحت بعد وقت و كانت لابسا روب تع دار قصيرة لركبة و دايرة شعرها كوثشوفال ..
اميمة : انعم ماما ..
صورية : وشبيك ابنتي دخلتي تجري محكيتي مرديتي عليا كون مشفتش راجلك يضحك و زاهي كون قلت تعاركتو .
اميمة بلعت ريقها : كنت محتاجة تواليت حشاك طلعت نجري ذا مكان .. المهم مزال مجاتش يسرى .
صورية تبسمت : قبيل عيطتلها قالتلي راهي فالطريق 5دقايق و تكون هنا .. شريتي لي يخصك ؟
أميمة مشات هابطة مع يماها : لالا منيش حنشري عندي روبات خير ربي .
صورية : صح عندك الحق .. روحي مالا بدلي فراش الصالون و غرفة  الرجال و ستفي لقاطو و الطابلا .
حركتلها راسها و راحت تدير وش قالتلها و عقلها بعيد تخمم في الموقف تع قبيل و تحكي مع روحها ..
اميمة : ملازمش نستسلم بلخف .. لازم نكون قوية نتي قوية اميمة لا سيف لا غيرو يقدرو يهزوك .. منسمحلوش يخرب في مشاعري و منسمحش لقلبي يمشي ليه .. منطيحش في الغلطة مرتين صايي تعلمت منديرش كونفيونص و منحبش .. منحبوش .. اميمة متحبيهش و موحال تحبيه كلهم زي بعض يكونو حنان و فيهم كامل صفات الرجل المثالي غير يضمنو قلب الطفلة يتقلبو عليها مي مش انا لي نتذل مرتين و مش انا لي نجري مور قلبي .. اذا مكرهتوش و مقدرتش نبعد عليه انا يبقا لازم هو يبعد عليا ...
قطع كلامها مع روحها اصواتهم قدام الباب .. خرجت تجري لقات اختها داخلة مع فرح ضحكت و طلقت زغرودة على قول السوارا😂 ..
أميمة : يويويويووووووي يويويويووووووي يامرحبا بعروستنا يامرحبا 🎶 يويويويووووووي 💃
مسكتتش حتى قرصتها صورية ..
صورية لزت على سنيها و قحرتلها : أمييمة تفااهمنا منزغرتووش و منغنيوش حسبتك كي تزوجتي رجع عقلك لراسك و حبستي التصرفات هذو .
أميمة خزرت فيها : هيه دك عرفتي بلي امامكم ميقدرش يبدلني .. هذي خطبة ختي اذا مفرحتش لختي لشكون حنفرح .. يويويويووووووي يويويويووووووي .
مشات عنقت يسرى و باستها : مبروك عليك اقلبي ربي يكملكم و يهنيك ياارب .
الكل : آمين .
أميمة : شوفوو بش نتفااهمو من دوك منبعد متلعبوهاش نخلعتو .. راني مغمومة و الليلة نبرد قلبي بزغاريت و الشطيح .
صورية : وشبيك اطفلة بنت خالتك توفات معندهاش شحال و نتي تفرحي و تشطحي وشحبيتي يقولو علينا الناس ؟
اميمة حركت كتافها : والله ميهمني وش يقولو و وش يشوفو هذيك صحبتي قبل تكون بنت خالتي مش هوما يوروني كيفاش نحزن على صحبتي و هذي ختي الصغيرة الوحيدة كون منشطحش و منغنيش ليوم وقتاش حنبرد قلبي !
ياسمينة ضحكت : عندك الحق ابنتي افرحي من حقك .
صورية ضربة كف في كف : بوووه توقفي معاها اياسمينة الطفلة بلا عقل .
ياسمينة تبسمت : مرت ولدي هذي بيانسور نوقف معاها .
جرات ليها اميمة باستها على خدها : امواااااح عجوزتي العسل لي تعرف تهدرربي يخليك ليا .. ايا ايا نطلعوو نوجدو رواحنا و عروستنا .
يسرى هبطت راسها : خلاص اميمة متزيديش عليها هذي غير خطبة .
اميمة جبدتها من يدها طالعين لغرفتها : خطبة ولا عرس ولا حتى ختان ميهمنيش لي يهمني نشطح و نزغرت ..

⁦♨️⁩ الحــــلــــقـــــة 96 بـــارت 02 ♨

واقفة قدام لمرايا تحط فلي بوكل و هي تسمع في الزغاريت و صوت النسا و الطوموبيلات عاملين جو تحت .. قعدت على السرير لبست الطالون و رفدت قرعة بارفان ترش و تعاود محبستش حتى خلات فيها قطرة وحدة و ريحتها ملات الغرفة .. شافت لروحها فلمرايا و تبسمت برضا على شكلها ..
اميمة : زلة الله يبعد عليا العين احححح نعششق في روووحي 😍🔥
قربت للمرايا و طبعت بوسة ترسم لغوجاليغ عليها و بعدت ..
اميمة : هخخخ خربت لغوجاليفغ ..
عاودت رسمتو احمر فاقع يبان هو قبل وجهها 😂 رفدت لابوشات و خرجت من غرفتها تمشي بثقة و راسها فالسما ... هبطت الدروج و ناوية على حاجة وحدة الليلة .. صوت طالوها يتسمع مبعيد و ريحتها سابقتها ..
الحس داير حالة في الصالون تع النسا وقت دخلت عليهم تمشي و تتمايل الكل سكتو الذبان كون تزنزن تتسمع فذيك الدقيقة .. تبسمت و مشات قعدت في كرسي وحدها و نظرات النسا كلاتها .. لي مصدومة من جرأتها و لي عاجبتها و تخزر لبعيد لمستقبل وليدها ولا قريبها و لي حاقدة و لي غايرة ... لحظات الصمت مداموش وقت دخلت يسرى راسها فلارض حشمانة مع فرح و صورية .. وقفت اميمة تزغرت و وقفو النسا وراها يزغرتو و يعاودو .. قعدت يسرى في بلاصتها المخصصة و مشات اميمة ليها غير شافتها صورية عينيها تفتحو عللخر مصدومة من حالة بنتها مدامتش صدمتها وقت جبدتها من يدها كركرتها وراها خارج الصالون .. دزتها داخل لكوزينة و قفلت الباب ..
صورية بلعياط : وش هاااذ الحااالة لي رااكي فيييهااا فهمييينييي لاااه دايرااا في روووحك هك ؟ اكي في عقققلك ولااا هبلتي !!!
أميمة هبطت راسها للبستها شافت فيها و طلعت راسها ليماها : وشبيا شابة و نهوبل .
صورية : حااابة تهبلييني نتي ! حاالفة متخليني حتى تجيبيلي جلطى تقتلني ااااه .. هذي حااالة طفلة مجلببة هذي حااالة طفلة مسلللمة !!!!
أميمة : ماما متزيديش عليها رانا نسا في نسا وشفيها اذا لبست و ماكييت على ذوقي .
صورية حطت يدها على راسها : استغفر الله اللهم صبر ايوب اللهم صبرني .. أميمة راكي مرا متزوجة ميجيش تلبسي هك لمعري كثر من لمغطي .. كون يشوفك راجلك ولا باباك يذبحك .. اطلعي لبسي حاجة مستورة .
أميمة : هذي انا حبو ولا كرهو منيش حنبدل غير متحاوليش فيا لبست هك و نبقا هك حتى للخر .. و دوك امشي نرجعو ميجيش نخلو يسرى في الوقت هذا .
خلاتها حتطرطق منها و خرجت راجعة للصالون و الابتسامة على وجهها .. اذا يماها تقلقت هك كي شافتها مالا كي يشوفها سيف وش يدير !؟

🔥 جام للحلقات + رايكم + توقعاتكم 🔥