عاهرة الامام(كاملة ❤️)

40

🔥🔞 عـــاهــرة الإمـــــام 🔞🔥

✏ ســــارة & بـــخــتــة ✏

الــحــلــقــة الــواحــدة و الــعــشــرون :

دخلت للاكلاص تحوس عليها بعينيها غي شافتها قاعدة وحدها في الاخير تتفرج في برا .. عكس عادتهم يقعدو مع بعض في الاول مشات ليها باءتها و قعدت جنبها .. تلفتت يسرى و سڤمت قعدتها ...

فرح : صباح البونجوغ بقرتي وشراكي ؟ ااه كقاا راني زعفانة عليك جيتي لدارنا و مطلعتيش تشوفيني .
يسرى : طلعت ... احم طبطبت مفتحتيش حسبتك مزلتي راقدة ولا تتدوشي و كنت روطار جيت نجري .
فرح : هممم في العادة روطار مع بعضانا و فالوقت مع بعضانا .. يسرى وشبيك ؟ بانتيلي صافابا .
يسرى هبطت راسها تلعب بيديها : والو راني مليحة .

قبل ترد دخل الاستاذ ...

فرح : امشي نرجعو لطابلا الاولى .
يسرى : حابة نقعد هنا اذا تحبي روحي بعدي جنب اكرام ولا رحيل .
فرح : منيتك ! لالا بيك حاجة ليوم مكيش نرمال من وقتاش نتفرقو كل وحدة تقعد وحدها ؟
يسرى : استغفر الله العظيم و اتوب اليه .. معليش فرح منيش مليحة .
فرح : احكيلي .
الاستاذ : فرح و يسرى يا تسكتو يا براا .
فرح : سامحنا استاذ .

سكتو و كملو درسهم فرح تتبع مع الاستاذ و يسرى تتفرج متاقة و تخمم في مصير صحبتها اما الحاجة لي متأكدة منها انها مراحش تخليها تغلط .. تلفتت لقاتها مبتسمة و تسمع للاستاذ بقات تتفرج فيها و سؤال واحد في بالها "صح فرح غلطت اما لاه خبات عليها ؟ من وقتاش بيناتهم اسرار ؟" ...

يسرى : فرح معندكش حاجة تقوليهالي ؟
فرح : ااه ! معنديش لاه وش كاين ؟
يسرى : لالا قلت بلاك عندك حاجة مخبيتها عليا .
فرح توترت دورت عينيها بعيد : لالا يعني مكاش وش حنخبي عليك مثلا .. لالا لالا مكاش .
يسرى تنهدت : اوكي براحتك .

خلصت الحصة و لي بعدها و لي بعدها حتى كملو اليوم في نفس طابلا بنفس الحالة يسرى تخمم كيفاش تنقذ صحبتها و تفيقها على غلطتها و ترجعها للطريق الصحيحة و فرح تخمم في غذوا كي تتلاقا بحبيبها في دارو وش حيصرا ...
صونات تعلن على نهاية الحصة الاخيرة وقفو كامل يلمو صوالحهم زاربين بش يخرجو لي يتلاقا بحبيبتو و لي تمشي لصحبتها و لي خارج يشوف لكراش كل واحد كيفاش غير الزوج بطلاتنا يلمو بلعقل مش زربانين اصلا معندهم لاه ..

يسرى : فرح معليش تعطيني تيليفونك دقيقة نعيط لماما !
فرح : مكيش رايحا لداركم ؟
يسرى : لالا قالتلي شريلي حوايج و نسيت بش نسقسيها معنديش كريدي .
فرح : اوكي هاكي .
يسرى : ميرسييي حبي .

شدت التيليفون و كومبوزات نوميرو زعما حتعيط خلاتها حتى مشات مع لبنات دارت حاجة و رجعتلها ..