عاهرة الامام(كاملة ❤️)

77

♥ الــحــلــقــة الــتــاســعــة و الــثــلاثــون تتمة 02 ♥

هابطة و راسها فلارض مخبيا دموعها .. دقات قلبها سابقينها .. صوت زغاريت يرن في وذنها متمنية كون تقفل عينيها عينيها و ترجع تفتحهم تعرف بلي هذا كامل كابوس مزعج .. وقفو و راسها مزال فلارض تسمع في صوت رابح يحكي و يوصي عليها .. دمعتها طاحت .. مسحتها و رسمت ابتسامة على وجهها و طلعت راسها طاحت عينها عليه .. اول مرة تشوفو لابس كوستيم و مسڤم شعرو و منقص لحيتو 😍 (وليدي زل يهوبل علابالي حاسدينها عليه😏) بقات غايسا فيه لحظات تخمم هذا نفسو وليد عمها الامام لي تعرفو ! هذا نفسو لي تعرفو ديما بالقميص و السواك في فمو ! هذا نفسو لي شعرو ديما مفرفش و لحيتو طويلة شويا ! راح مظهر الامام و جا مظهر راجل مختلف على لي تعرفو 😍 .. خرجها من بحر افكارها صوتو يحكي و الابتسامة على وجهو ..

سيف : امانتك في عينيا عمي متخممش اتهنا .
رابح : و انا على هذي مديتهالك بسك متأكد بلي رح تصون الامانة .. بنتي ..
طلعت راسها ليه تستنا وشرح يقول و هو كمل : دك تروحي لدار راجلك بصح جامي تنساي بلي دار بابا ديما مفتوحة ليك .

حركتلو راسها .. هبطلها يدها من يدو و بعد عليها خلا بلاصتو لسيف و شكون من غير راجلها عندو الحق يدي بلاصة باباها .. حمحمت و كروشات فيه و هو الابتسامة مراحتش من وجهو .. قربتلها صورية سلمت عليها و سلمت على باباها و خرجت مع راجلها على صوت زغاريت النسا .. فتحلها باب الطو المزينة و عاونها ترفد لاغوب و تركب .. قفل الباب و دار لجيهتو ركب و ركبو النسا و قلع لكورتاج ...

🔮 جام + رايكم + توقعاتكم 🔮