♥ الــحــلــقــة الـثــالــثــة و الأربــعــون تتمة 02 ♥
🎡 اصبحنا و اصبح الملك لله 🎡
ناض على صوت دق في الزجاج لي جنبو .. قفل عينيه ثواني يحب يتفكر ليلة لبارح و رجع فتهم كي تفكر وشصرا .. هبط الزجاج كان واحد ملي اجون تع لوتيل ..
👳 : موسيو كاين مشكل ؟
سيف : لالا صحيت .حركلو لاجون راسو و راح .. حك شعرو و تلفتلها لقاها معنقة روحها و راقدة وسط لاغوب لكبيرة باينا مش مرتاحة و مام تعابير وجهها متضايقة بلاك تشوف في منام مش مليح ..
سيف بصوت خافت ميحبش يخلعها : أميمة .. أميمة نوضي .. أميمة ..
لا حياة لمن تنادي تحسب راه يحكي مع جثة .. حركها شويا من كتفها و يعيط بإسمها تململت شويا و رجعت رقدت .. قفل عينيه و رجع فتحهم عيط عليها ..
سيف : أمييييييييييممممممة .
تخطفت قاعدة : بسمرحمنرحيم طالع البدر علينا ماااتووو قريش ويراااه ..
بقا فاتح فمو يخزرلها مصدوم بسيف قدر يحكي زوج كلمات راكبين : أميمة راكي مليحة ؟
حطت يدها على قلبها و تنفست مليح : خرجتلي قلبي هك ينوضو الراقد !! عيط على ميت هك ينوض مخلوع .
مسح على وجهو و فتح الباب : اهبطي نطلعو نغسلو و نروحو لدارنا .
اميمة طلعت حاجبها : هذا مكان ؟ خلاص العرس ؟ دك نروحو لداركم نبقاو تم تبدا حياتي الزوجية مش هك !!
خزرلها قبل يهبط : حبيتي نديرو عرس تع عشر ايام ! هبطي اميمة هبطي .
اميمة : هااربااني عرس سامط على قايلة نهار العيد .
فتحت الباب و طلت تعيطلو : اسممممع اااااي وييرايح و مخليني هنااا .
استغفر و تلفتلها : أميمة خلي شويا احترام بيناتنا .
أميمة : اهدرها لروحك هذي خليتني هنا و طالع وحدك.مجاوبهاش مشا ليها هبطلها لاروب و عاونها تهبط و دخلو للاوتيل .. لي رايح و لي جاي يخزرلهم حايرين فيهم العرسان يجو فليل كي يخلاص العرس و هوما داخلين صباح ربي و ماشيين بعاظ على بعض هي تتعيفر مع روبتها و تسب بين شفايفها على زهرها و على حياتها و هو ملامحو هادئة يمشي برزانة بعيد عليها رافد لي فاليز تاعها .. حتى لحقو للاشومبر فتحها و بعد على الباب خلاها تدخل و دخل وراها ..
سيف : ندخل ندوش و زيدي نتي .
أميمة حطت يدها على خصرها : و لاه مش انا الاولى ياعيوني ؟
سيف : بسك نتي تطولي نعرف دوش لبنات .عينيها تفتحو عللخر و فمها قريب يلحق للارض .. مشا للدوش قبل يدخل تبسملها ...
سيف : عندي زوج بنات في دارنا هك عرفت .
دخل و قفل الباب خلاها واقفة تستوعب في كلامو كي فهمت تبسمت اما مدامتش ابتسامتها مسحتها و رفدت فاليز بسيف قدرت تحطها على السرير و قعدت قدامها .. فتحتها و تفتحو عينيها معاها و هي تقلب فلي فيها ..
اميمة : ااه يا سلمى و عايدة كون يطيحكم ربي في يدي اقسم بالله نندمك على تخوبيثكم .
قفلتها و جابت الثانية فتحتها تقلب فيها لقات جلباب كامل جبدتو و وجدت حوايج الدوش و قعدت تستناه يكمل ...
🔮 جام للحلقات + رايكم + توقعاتكم 🔮
YOU ARE READING
عاهرة الامام(كاملة ❤️)
Romance🌙رمـــــــــــــضـــــــــان كــــــــــريــــم ومـــــــــــــبـــــــــــــارك🌙 ♨️كـــــــــــرونـــــــــــيـــــــــــك قـــــــــــصـــــــــــير♨️ ❌#لا_يحلل_النشر_بتاتا_بدون_اخذ_اذنا_شخصيا_ونقل_كل_شيء❌ ✒️قــــــيــــــد الكــــــتــــــا...