عاهرة الامام(كاملة ❤️)

178

⁦♨️⁩ الحــــلــــقـــــة 99 بـــارت 02 ♨

خزرت في يماها و رجعت لباباها ..
اميمة : مطلقنيش انا قولتلو نجي هنا يامات ..
صورية : التبهديل لي درتي حطيتيلو راسو فلارض و فضحتيه قدام الخلق و مطلقكش .. نرمالمو اكي مددعاه تحلليه يسامحك و تحمدي ربي عنظك راجل كيفو .. وشراااكي تديري هنااا علاااه جيتي عندنا ارجعي لراجلك الله ي.......
رابح : صورية اسكتي ..
تلفت لبنتو و اشرلها على الصالون : امشي نقعدو .
حركتلو راسها و خزرت في صورية ابري مشات وراه لصالون .. قعد و قابلتو و صورية واقفة قدام الباب ..
اميمة : بابا انا ....
رابح : قبل تتزوجي حكيت معاك و قولتلك اذا شي نهار صرا مشكل بينك و بين راجلك و متلقايش وش تديري و وين تروحي اتفكري بلي دار باباك مفتوحة ليك تجي ليها وقتما تحبي و تبقاي الوقت لي تحبي .. صح فضحتيني و خليتي سيرتي على كل لسان مي تبقاي بنتي و مش انا لي نرمي ببنتي .. منقولكش سامحتك لأنو عملتك كبيرة  و الوقت هذا طان لازم تبقايه مع راجلك هو لي لازم تكوني معاه انا هنا تأكدت بلي عطيتك لسيد الرجال بعد عملتك مسمحش فيك و مطلقكش .. تقدري تروحي لغرفتك و تخممي براحتك .. الله يهديك ابنتي .
دموعها طاحو مشي مصدقة بلي بعد كامل وش دارت مرماهاش و محطهاش قدام الباب عكس يماها لي هاجمتها و على شويا كانت حتحاوزها .. فتحت فمها حتحكي اشرلها تسكت ..
رابح : اطلعي لغرفتك .
بقات ثواني تخزرلو و وقفت .. فاتت على يماها و طلعت لغرفتها ديراكت .. قفلت الباب و سندت عليه يدها على فمها تكتم شهقاتها .. نظرة الانكسار في عيون باباها شافتها للمرة الثانية .. خيبة املو منها قدرت تشوفها بوضوح .. نفس الاحساس و نفس لحكاية تتعاود معاها للمرة الثانية .. الندم يحرق في قلبها .. وش كان في راسها كي خممت تدير وش دارت ؟ مكانتش مخططة تتمادى للدرجة هذيك وش صرا و خلاها تزيد عليها هك و تلحق لي لحقت ليه ؟ .. كانت توجور تقول بلي معندهاش الزهر فالدنيا و بلي معندهاش انسان قريب ليها يحبها بصدق و يوقف معاها و ليوم عرفت بلي كانت غالطة .. مجرد كونها بنت رابح حظ كبير ... ليوم عرفت بلي عندها زوج اشخاص في حياتها مهما تدير و مهما تغلط ميسمحوش فيها الاول باباها و الثاني .. راجلها ..

🔮 جام للحلقات + رايكم + توقعاتكم 🔮

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 100 ♨

انتصار : تحبها .... !
هبط راسو ليديه يلعب بيهم و يتفكر فيها ..
فؤاد : بزااف ..
انتصار : سامحني فكرتك فيها .
فؤاد : هه مننساهاش .. متروحش من بالي .. احساسي جيهتها فاق الحب .. تبدلت للاحسن علاجالها سمحت في بزاف حوايج غير بش تقبلني و تقبل تكون معاي ..
انتصار قاطعتو : بصح لي يستاهلك و يستاهل حبك صح يتقبلك بكامل صفاتك لمليحة منها و لي مش مليحة .
فؤاد تبسم : كانت تحاول تخليني انسان صالح .. لبنادم لي قدامك فاللحظة هذي مختلف بزااااف على لي كان قبل عام و اقل .. انا لي كنت منقدرش نبقا ثلاث ايام سيليباتير كملت شهور بلا اي وحدة في حياتي .. انا لي كنت داير بنات الناس لعبة نخرب فيهم و نرميهم بلا منشوف وراي .. انا لي كنت ناسي ديني منصلي في الوقت منحفظ كلام ربي منمشي عليه مالقري زايد وسط عايلة متدينة .. هي لي بدلتني و هي لي خلاتني انسان بقلب يخاف يقيس نملة صغيرة و ترجع عليه ... كنت مستعد نصحح كل غلطة درتها في حياتي غير بش ترضا عليا اما فللخر راحت و خلاني وراها .. تخطبت للراجل لي كانت تتمناه .. الراجل الصالح لي معندوش باصي و مغلطش في حياتو .. لي يدي بيدها لطريق الجنة مش كيفي كنت حنديها للطريق الخاطية .. معلابالهاش بلي منقدرش نخمملها في حاجة تضرها .. منقدرش نشوفها خاسرة فدنيتها و آخرتها .. معلابالهاش بلي نخاف عليها من روحي و من قلبي ......عفست عليا و مشات .....
مسحتها الدمعة لي طاحت من عينها و دورت راسها لملاك ..
انتصار : صعيب الحب من طرف واحد .
طلع راسو ليها : جربتيه ؟ .. دالتك تحكيلي .
عضت على خدها من الداخل و حركت كتافها : ممكن .
فؤاد : تحبيه !
انتصار : ههه منعرف .. مكملناش شهر زواج منظنش كاين حب بالسرعة هذي .. اصلا مشفتش منو حاجة تخليني نحبو و ننجذب ليه .
فؤاد : تقدري تحبي في شهر واحد كيما تقظري تحبي من اول نظرة ..
انتصار تلفتت ليه : لا منأمنش بالحب من اول نظرة و من اول لقاء موحال تكون كاينا حاجة هك .
فؤاد : لاه ... ؟
انتصار : اول نظرة فالغالب تكون غالطة مثلا نشوفو الشخص لي قدامنا مليح من اول نظرة و بعد مواقف معاه نكتشفو العكس ولا نشوفوه مش مليح و بعد وقت نعرفو بلي هذاك الشخص لمليح في حياتنا و هاذ الشي يخلينا يا اما نقربو من الانسان الخطأ ولا نبعدو على الانسان الصحيح .. تقدر تقول حب وهمي .. نظن الحب الحقيقي يجي بعد التعارف .. بعدما تعرف نقاطو الايجابية و السلبية .. بعد مواقف بيناتكم .. بعد حكايات و بعد قعدات ... همم انا نشوف بلي القلب جوهرة داخل بزاف غرف وحدة داخل وحدة .. مع كل نظرة و كل حكاية تتفتح باب و نقربولو اكثر .. ههه بديت نخرط .
فؤاد لي كان غايس و يسمع في كلامها : لالا كلام فالصواب ..
انتصار ضحكت و دخلت خصلة من شعرها ورا وذنها : اول مرة نحكي و نعبر بزاف هي ليوم ميرسي عليك مي تبانلي بديت نخرط و ندخل في حوايج ملازمش ندخللهم ..