عاهرة الامام(كاملة ❤️)

179

⁦♨️⁩ الحــــلــــقـــــة 100 بـــارت 02 ♨

• سالم يحكي •

خرجت من المقبرة بعد وقت منعرف شحال بالضبط اذا دقايق ولا ساعات .. توحشتها و توحشت نحكيلها و تحكيلي .. صح حكيتلها الخطرة هذي و بزااف ثان اما هي محكاتليش .. نعرف بلي الميت يسمع وش يقول لي يزورو و انا فرحان كي نقدر نحكيلها اي حاجة في اي وقت اما توحشت صوتها و توحشت حكاياتها .. ركبت طوموبيل و حطيت راسي على لفولون .. ااه كون يرجع بيا الزمان لنهار عرفت بلي عايدة حامل .. كون مخبيتش فرحتي و مسمعتش ليما نخليها وراي و نهز مرتي لبلاصة بعييدة نكونو فيها غير حنا الثلاثة انا و عايدة و بنتنا .. كون دوك ني راجع لدارنا فرحان و متشوق لشوفتهم .. كون منيش متزوج بمرا منعرفهاش و اسمها منيش حافظو .. و منيش راجع لدار نتغم فيها كأنها خالية من الاكسجين نبقا مغموم ساعات و انا نشوف في مرا غير لي حبيتها و عشقتها و كبرت معاها قدامي .. نشوف في مرا غير عايدة تربي في بنتي و تتهلا فيها .. وحدوخرا تبوسها و ترفدها و ترقدها .. منقدرش نخزر فيها ثانيتين على بعض .. منقدرش نخزر لعينيها لي يفكروني في تالا نغيس فيهم و ننسا بلي لي قدامي هي السبب في موت عايدة ..
ضربت لفولون بيدي خطرة و زوج و ثلاثة فرغت كامل وجيعتي فيه ..  مسحت وجهي بيدي و ديماريت طوموبيل راجع لاكثر بلاصة نكرهها و منحبهاش اما لازم نروح و نشوف بنتي منقدرش نخليها تم و نهمل براسي و اذا شي نهار خممت نمشي نهزها معاي و نروح .. هي اغلى حاجة في حياتي و هي الذكرى الوحيدة لي بقاتلي من عايدة .. متمني تخرج تشبهلها في كل صفاتها و حركاتها و ملامحها و تبقا توجور تفكرني فيها و في غلطتي ..💔
دخلت طوموبيل للقاراج و طلعت نشوف فالدار كامل ظلاام .. شعلت الضو و مشيت للكوزينة ابري لغرفتي مكاين حد .. لحقت لغرفتها و كلي امل انها تم مع بنتي .. تعمدت ندير الحس اذا كانت راقدة تنوض و اذا كانت في خصوصية تخرج اما والو .. طبطبت و عيطت عليها والو فللخر فتحت الباب و دخلت .. لقيت الغرفة باردة و فارغة باين بلي عندها ساعات مقفولة .. وين حتروح فالوقت هذي و كيفاش قدرت تخرج من الغابة فالظلام و هي لي تخاف من قطة صغيرة و فوقها دات بنتي معاها .. فكرة وحدة جات لبالي و بانتلي مقنعة .. تكون خطفت بنتي و كش واحد عاونها كون تظهر صح نجبدها من فوق السماء ولا من تحت الارض و نعاود ندفنها حية ..
شعلت تيليفوني لقيت 29آبيل و 15ميساج من عندها .. دخلت للي ميساج لقيتها كاتبتلي بلي ملاك مرضت لازم ندوها للكلينيك و لي بعدو قالت بلي حتخرج وحدها كون منجيش .. مكملتش نقرا لباقي الدم طلع لراسي و 1000 فكرة جاتني 1000احتمال ممكن يكون صرا معاهم في الطريق .. متأكد من حاجة وحدة بلي انتصار مهيش تع مسؤولية و موحال تكون لحقت للكلينيك بلا مشاكل هذي اذا لحقت .. هزيت مفاتحي و عيطتلها خارج ..
انا : وييرااااكي ### وين ديتي بنتي ؟؟؟

🔮 جام للحلقات + رايكم + توقعاتكم 🔮

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 101 ♨