عاهرة الامام(كاملة ❤️)

93

♥ الــحــلــقــة الـســادســة و الأربــعــون تتمة 02 ♥

يسرى في تيليفون مع فرح : فروحة راني فليسي و نستنا فيك والله لكلاصة بلا بيك رهج مش غير لكلاصا الليسي كاامل سامط في غيابك الاساتذة كامل سقساوني عليك .
فرح : وش قالو ؟ وش قولتيلهم ؟ حكيتيلهم ؟ و....
يسرى : هدي روحك غي بلعقل اتنفسي شهيق زفير .. باينا منحكيلهمش بلا متوصي بلا متحكي فرح غي  سقساوني لاه عندك اكثر من شهر متجيش قولتلهم مريضة و قصيت مزدت منقصت معاهم .
فرح : هك خير .. منيش مستعدة نقابل الناس خايفا نخرج و نقابلو صدفة .. حاسة روحي مسخة رخيصة منسواش و كون نقابلو منضمنش ردة فعلي ممكن نرتكب فيه جريمة عادي .
يسرى تنهدت : منقولكش راني حاسة بيك بسك ميحس بالجمة غي لي كواتو .. هو متقابليهش متخافيش لابوليس من نهارها و هوما يحوسو عليه ملقاوهش يعني مووحاال تقابليه .. علابالي صعيبة تواجهي الناس بصح مظطرة ليوم ولا غذوا رح تخرجي و تقابليهم و تحطي عينك في عيونهم لازم توقفي من جديد و تطلعي راسك لفوق و تكملي حياتك الدنيا متحبسش عند مشكل ولا عند انسان وش تستفادي كي دافنة روحك في داركم متخرجي متتنفسي ! غير الضيقة و الغمة والله فللخر تجي على صحتك راكؤ تضري في روحك بيدك .. ڤع نغلطو مكاش لي ميغلطش غير ربي سبحانو الصح كي تعترفي بغلطتك و تتوبي و تحاولي تصلحيها العيب مش كي تغلطي العيب كي تهربي من غلطتك ولا تحاولي تصححيها بغلطة وحدوخرا .. نخليك تخممي في كلامي بسك دخلت للاكلاص منبعد نحكيو السلام عليكم .
فرح : و عليكم السلام و رحمة الله .
قفلت فرح منها و وقفت قدام لمرايا تخزر لروحها .. من ذاك النهار الملعون متجرأتش توقف و تقابل روحها .. متجرأتش تواجه نفسها و تحاسبها معلابالهاش بلي اول حاجة يديرها الانسان بعد الرجوع عن الخطأ هو يحاسب نفسو و مش في حالة الخطأ الانسان لازم يحاسب روحو على لكبيرة و الصغيرة لازم يتعلم يعاقب روحو   و هك رح يولي يسيطر على روحو و يمنعها عن الخطأ .. كلام بنت عمها اثر فيها قدما حفزها تحرق ذيك الصفحة من حياتها مش غير تطويها .. النسيان مستحيل بصح التناسى ممكن و اول خطوة هي تواجه مخاوفها ..
تبسمت لروحها و فتحت خزانتها جبدت جبة خفيفة تع دار و حوايج الدوش و دخلت تدوش تريح اعصابها و تستعد لبدايتها لجديدة .. كيما يقولو كل نهاية عبارة عن بداية قصة جديدة و قصتها هي حتبداها ليوم قبل غذوا ..

🔮 جام للحلقات + رايكم + توقعاتكم 🔮