عاهرة الامام(كاملة ❤️)

176

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 97 ♨

كامل وقفو يسترو رواحهم كي سمعو بلي الراجل داخل يلبسها الخاتم غيرها هي قاعدة جنب يسرى دايرة رجل على رجل و بحركتها بان كامل فخدها بقا مغطي غير اللازم .. همستها صورية بش تلبس مسمعتلهاش و بقات قاعدة تضحك للنسا دايرة النية فلهبال 😂 .. ياسمينة قربت لصورية و همستها ..
ياسمينة : صورية احكي مع اميمة تلبس حاجة الراجل داخل .
صورية هبطت راسها حاشمة من بنتها : والله اياسمينة ختي حكيت معاها مسمعتليش هاي قدامك احكي معاها بلاك تحشم منك .. حشمتني قدامك و قدام الناس منعرف وش ندير معاها .
ياسمينة تنهدت و قربت لأميمة : اميمة بنتي لبسي حاجة متقابليش الراجل هك ...
مقيمتهاش اميمة و وقفت تزغرت وقت دخل لي يستناو فيه .. دخل و راسو فلارض ثو دغوا لخطيبتو و بداو مراسم الخطبة .. دنات اميمة للاطابل ترفد الخاتم طلعتلها لاروب اكثر وجه ياسمينة و صورية طلعو حمورا قريب يطرشقو منها و هي ولا علابالها مقابلة تيليفونات لبنات لي يصورو و تضحك .. لبسها الخاتم و لبستو و اميمة بيناتهم 😂 .. قطعو لقاطو وكلها و شربتو و خرج اخيرا .. رجعت قعدت فبلاصتها شويا و جات عجوزة قعدت جنبها ..
لعجوزة : وسمك ابنتي و بنت شكون ؟
اميمة تبسمت : اميمة اخت لعروسة .
لعجوزة : الله يبارك خيار الناس .. شحال في عمرك ؟
جاوبت اميمة و بقات لعجوزة تسقسي و هي تجاوب و فرحتها ممتوصفش لي قالتو الصباح لسيف تحقق .. تحكي و تتخايل في وجهو كي يعرف بلي تخطبت .. لحق وقت يروحو الناس وقفت مع لعجوزة و يماها و ياسمينة يودعوهم و لثاني مرة متقيمش ياسمينة كي قالتلها تلبس لعباية .. خرجت معاهم للحوش منين كانو الرجال واقفين يستناو في نساهم و امهاتهم و وقفت مع لعجوزة ...
لعجوزة : عجبتيني بزاف ابنتي كي الزين كي الرزانة كي الشطارة الله يبارك عليك و كيما قولتلك وليدي قاري و خدام عندو الدار و طوموبيل يستنا في بنت لحلال و قالي نشوفلو انا .. و انا منيش حنلقا طفلة كيفك ..
اميمة تبسمت زعما حشمانة : الله يحفظك اخالتي يعيشك .....
ياسمينة لي كانت واقفة تسمع في كلامهم تدخلت تحكي بضحكة بش متكبرش لحالة : اميمة بنتي وقيل حابة تتزوجي و نتي على ذمة وليدي .
اميمة قحرتلها : علامن اكي تحكي اخالتي !
ياسمينة : على راجلك .
لعجوزة اشرت لوليدها يجي : هاهو وليدي ابنتي شوفيه .. اروااح ارواح اوليدي تشوف الطفلة لي خيرتهالك .
عينين ياسمينة تفتحو عللخر و هي تشوف في كنتها واقفة مع راجل .. دورت راسها تحوس على سيف خايفا يشوفها يقلب عليهم الدنيا .. لقاتو واقف مبعيدش بزاف عليهم عينيه حمورا دم يخزرلهم بنظرات هي لي امو و خافت منو مزير على قبضة يدو و عروقو بارزين .. جرات ياسمينة ليهم وقفت بيناتهم ..
ياسمينة : اميمة هياا تدخلييي .
اميمة بعدتها تطل على لعجوزة : ني حنتخطب متقعيليش المكتوب .
لعجوزة : الله الله راكي غير تحلاي في عيني قريب نهزك و نديك معاي دوك .
ياسمينة : اميييمة صايي متقسحيش راسك رااكي متزوجة .
أميمة : و بلاك نحب نعاود الزوا وشدخلكم ؟
ياسمينة : عند راااجل اميمة ....
قاطعتها اميمة بلعياط : وليييدك مهوووش رااااجل قريب يطلقني و نتزوج هذاااا .
الكل تلفتو ليهم بالرجال بالنسا على كلمة "مش راجل" و هي مأشرة على وليد لعجوزة و تعيط بأعلى صوتها .. وجه ياسمينة حمار و خضار و طلع بكامل لي كولور جمدت في بلاصتها و هي تشوف وليدها جاي ليهم .. قطع المسافة لي بيناتهم بخطوات واسعين قبل تستوعب ولا تحكي جاها كف طيحها فلارض .. هبط ليها جبدها من شعرها يكركر فيها وراه لطوموبيل رماها داخلها و ركب و قلع بلفيثاس .. ميمبا زوج دقايق و كان قدام دارهم .. خرجها من شعرها دخل و طلع لغرفتهم فتح لباب و دزها لداخل ..

♨ الــحــلــقــة 97 بـــارت 02 ♨

تشوف في عينيه ماشي مصدقة بلي هدا نفس الإنسان لحنين....نفس الإنسان لي يقول بلي لازم نتعامل بالحسن ماشي بالضرب....تشوف في عروق رقبتو ويديه وعينيه حمورا....
اميمة:سيف....
غير قالت هكدا هبط للأرض وشدها من فكها وزير عليها....
سيف:اشششششت اسمي منحبش نسمعو على فمك...
اميمة: اسمحلي....
سيف:انا واش قتلك....
اميمة:قتلي قتلي....
مقدرتش تكمل هدرتها وبلعت ريقها....ودموع في عينيها....
سيف:ونتي درتي واش درتي ....
اميمة:درت عكس واش قتلي وحبيت نهينك....ووصلت حتى بهدلتك قدام الناس....
طلق وجها وجوز يدو على وجهو يحاول يهدي روحو....بقى رايح وجاي في شومبرا ودار يدو في شعرو يدخل فيه ويجبد حاب يقطع شعرو.... وهي دموع في عينيها بصح محبتش تبكي باسكو تعتبر البكاء ضعف وإهانة ليها.... رجع قرب ليها....
سيف:اول مرة نقولها واخر مرة واش تحوسي....
اميمة:طلاق....
قرب ليها ودخل يدو في شعرها يشوف في عينيها لي رجع اسير ليهم....زير على شعرها وهو يجوز في وجهو على وجها كامل....ومركز في عينيها الزروقة كتر من كلش....
سيف:ههههه تحوسي تطلقي....
اميمة:مقدرتش خلاص راني نحس روحي مغمومة....كنت معايا مليح ليام لولين بصح دوكا رجعت غامني متخرجيش متلبسيش مديريش مكياج حتى وصلت عيطت عليا شحال من مرة....ومن لفوق ضربتني بكف بزاف والله...
بقى يشوف فيها وكيفاش تحكي....كيفاش راح يقدر يفهم بلي رجع يحبها كيفاش يقدر يفهمها بلي ولا ميحملش انو غيرو يشوف فيها....واحد يشوف عينيها ولا جسمها....زير على شعرها وقرب وجها لوجهو كتر لدرجة يتنفسو نفس واحد وشواربها بعاد انش على شواربو....
سيف:هوما زوج فكرة طلاق نحبك تنحيها من راسك....وانك ديري واش تحبي هدي نحبك تنسايها....باسكو نتي مرتي وحاجة وحدة تفرقنا هيا الموت....

🔮 جام للحلقات + رايكم + توقعاتكم 🔮