عاهرة الامام(كاملة ❤️)

46

🔥🔞 عـــاهــرة الإمـــــام 🔞🔥

✏ ســــارة & بـــخــتــة ✏

الــحــلــقــة الــرابــعــة و الــعــشــرون :

دخل للشركة و طلع ديراكت للبيرو تاعها كانت سكرتيرتها خارجا من عندها في يدها اوراق ...

ميدو : كارولين راهي هناا ؟
السكرتيرة : انعم موسيو راهي تستنا فيك .
ميدو : اوكي صحيتي .

تعداها و دخل للبيرو .. كانت قاعدة تخدم فلبيسي كي شافتو وقفت ..

كارولين : مرحبا بيك في مكتبي المتواضع حبيبي .

باسها بوسة خفيفة و سند على لبيرو و هي قدامو يديه ورا خصرها و يديها ورا رقبتو ...

ميدو : توحشتك عمري .
كارولين : هههه صباح كونا مع بعض ديجا توحشتني !
ميدو : مام كي تكوني معاي نتوحشك .. المفيد جيت نحكي معاك في موضوع .
كارولين تبسمت بدلال : لي هو .. !
ميدو خدا نفس طويل و خزر في عينيها : كارولين انا حبيتك من قلبي و نتي اول وحدة ندخل معاها في غولاسيو سيغيوز و كيما علابالك بابا خيرني بينك و بينو و في زوج منقدرش نسمح فيكم ...
عينيها غرغرو و بعدت عليها : يعني رح تخليني ! اصلا عرفتها من نهار حكيت مع باباك لابروميار فوا و قلبي مش مطمني .
جبدها ليه و تبسم : انا قلت نخليك !! قلتلك منقدرش نسمح فيك يا بهلولة .. كارولين تقبلي تتزوجيني ؟

جمدت فبلاصتها يديها لي كانو يبعدو فيه حبسو و فمها بقا مفتوح .. ضحك من حالتها و قفللها فمها ..

ميدو : اذا متقبليش قولي لالا 😁
بعدت عليه و ضحكت من الصدمة ضحكة صغيرة و طلعت راسها : و باباك ؟ منقدروش نتزوجو هك ياك سقسينا و منقدروش .
ميدو : نقدرو فريتها صيبون و بابا نحطوه قدام الامر الواقع نتزوجو و نهبطو لدزاير معندهم ميقولو منبعد .
كارولين : دزااير !! ... منقدرش ميدو .
ميدو شدها من كتافها : لااه ؟ كارولين تحبيني !
كارولين : نحبك بصح ....!
ميدو : مكاش بصح اذا تحبيني اقبلي و نوعدك كلشي رح يكون كيما حلمنا .
هبطت يديه من كتافها و حمحمت : معليش خليني نخمم و نردلك .
ميدو باسها : نستناك حبي ايا مالا نروح دك و فليل نجي نديك نسهرو .
كارولين بلعت ريقها : منقدرش الليلة عندنا ضياف و ماما نبهت عليا نبقا فدار .
ميدو : معليش نعيطلك منبعد .

حركتلو راسها تبسملها و خرج غير قفل الباب هدوءها راح .. فوتت يدها على لبيرو طيحت كامل لي فوقو و شدت شعرها بيديها رايحا جايا تخمم في حل للمشكل لي طاحت فيه .. جرات لصاكها جبدت تيليفونها و كومبوزات نوميرو مستناتش بزاف و ريبوندا ..

مارت : بونصواغ حبي .
كارولين : مارت لازم نتلاقاو ميدو عرض عليا الزواج .
مارت : .....