الــحــلــقــة الـــثـــمـــانــــون بــــــارت 2:
سيف:واش تحكي من نيتك....كيفاش تكوني انانية....
اميمة:سيف اذا راحت إذا مرجعتش نشوف فيها كل يوم راح نرجع نشوف روحي في المرايا وراح نعيفها....سيف افهمني هيا ملاكي...
شاف فيها وتنهد حكى بالعقل جبد دليل ليها بصح هيا معندة....
سيف:راسك يابس....
قال هكدا وشدها من كتفها وبعدها بالعقل غير بعدها شوي هز ملاك وجا خارج....
اميمة(بالبكى):سيف بليز سيف نبوسلك رجليك رجعهالي...
حبس وهو عطيها بالظهر زير على يدو وعض شاربو وخرج محبش يدور ويشوفها تبكي ويضعف....وهيا بقات تبكي وتشهق....حتى حست بلي النفس بدات ضيق بيها من قوة البكى.... رفدت يدها تشوف فيها....كانت يدها تترعد وعرقانة قعدت وجبدت رجليها لصدرها ودفنت راسها فيهم....تفكرت حاجة قالت بلي نسيتها تفكرت واش همس ليها سام في وذنها نهار لي قالها نطلقك....
"سام:اوكي نطلقك معنديش مشكل بصح بشرط...
اميمة:ولي هو....
سام: نحبك تقولي بلي راكي حامل....وانا عنفتك نتي اجهضتي الولد وبالسبة هذي نتي مقدرتيش تحملي عليها قررتي تطلقي....وانا كي حسيت روحي غلطة معاك وظلمتك قبلت نطلقك...
اميمة:كيفاش هذي....واش راح تستفيد...
سام:باش كامل يعرفو بلي ظلموني وبلي انا راحل وخليتك حامل فهمتي....
قال هكدا وطبعها في الارض وبقى يضرب فيها بركالي في كرشها"
حلت عينيها لي حست في دقيقة لي فتحتهم نار شعلت فيهم....وقفت حست بدوخة خفيفة وراحت لدوش تغسل في وجها....غير غسلت شافت وجها في المرايا....
اميمة:رجال كامل كيفكيف....رجال كامل خداعين وكامل يحبو رواحهم برك.... حتى سيف لي تخيلتو ماشي كيفهم ظهر كيفهم ودالي ملاكي....
قالت هكدا ودخلت راسها في الما وهيا تفكر في بزاف حوايج....
#عند_سيف:
لي هبط حطهالو في يدو....غير شافها تبسم وسلم عليها....
سالم بهمس:فيك ريحة تع يماك....
سيف:شوف خويا راني عارف قد متكون قاسي وقد متكون ماشي مليح وصح جرحت عايدة....بصح انا واثق بلي جزء تع الابوة في فيك راح يفطن كي تشوف وجها....انا عطيتها في يدك وراهي بنتك يعني مراحش نواصيك عليها....
سالم:اكيد متعبش روحك بنتي وعينيا نمدهملها....
قال هكدا وجا خارج حتى حبسو صوت سيف....
سيف:هاك هذي لكفيرطة الخفيفة باسكو كاين شوي برد برا....
تبسم معاها شدها وخرج مع بنتو....وسيف قعد فوق الفوتاي تع صالو....دار صبعتيه فوق عينيه زير عليهم....ماشي عارف واش يدير كان يطلع يلقاها تبكي ميقدرش يحمل ستغفر ناض توضا وراح للمسجد يدي لربي يسهل عليه....
🔮 جام للحلقات + رايكم + توقعاتكم 🔮
YOU ARE READING
عاهرة الامام(كاملة ❤️)
Romance🌙رمـــــــــــــضـــــــــان كــــــــــريــــم ومـــــــــــــبـــــــــــــارك🌙 ♨️كـــــــــــرونـــــــــــيـــــــــــك قـــــــــــصـــــــــــير♨️ ❌#لا_يحلل_النشر_بتاتا_بدون_اخذ_اذنا_شخصيا_ونقل_كل_شيء❌ ✒️قــــــيــــــد الكــــــتــــــا...
