🔥🔞 عـــاهــرة الإمـــــام 🔞🔥
✏ ســــارة & بـــخــتــة ✏
الــحــلــقــة الثــالـثـة عـشــر :
🌸 اصبحنا و اصبح الملك لله 🌸
ناضت على صوت حس حوايج يتحركو و هدرا بزاف .. نفخت و حكت عينيها ..
أميمة : رقدة كيما الخلق مكاش هففف و يقولولي لاه تنوضي مشنفة كيفاش يحبوني منشنفش و انا نايضا على الحس .
رمات لكوفيرطا و خرجت حفيانة بلبيجاما جيهة تع سروال طالعا و لوخرا هابطا و شعرها طالع .. طلعت من الحديد تع الدروج تعيط ..
أميمة : اووو وش هاذ الحس كااامل ياااو خلوونااا نرقدو .
جبدتها سلمى من تريكوها و دخلتها لوحدة ملي شومبر كانت عايدة قاعدة تم ...
سلمى : سكتي بهدلتييناا خاارجا هك كون شافوك يهربوو .
عايدة : سامحيني بصح تخلعي الميت غير سڤمي روحك و تعلمي ترقدي كيف الناس متباتيش تحاربي سي نو تبهدلي بعمرك مسكين سيف يفتح عينيه على المنظر هذا .
أميمة : يحصلو الشرف يفتح عينيه على وجهي مسكينة انا لي نصبح عليه .. المفيد وش هاذ الحس الحرب قايمة تحت .
(هااخخخ الوجه الجميل الرائع تع سيفوش كامى معجبهاش معليش يتزوجني انا و نمتعو🚶) ...
عايدة : جابو الديكور و راهم يستفو فيه في صالون كون هبطتي تلقاي غير الرجال يذبحك عمي رابح .
أميمة : ديكور !!!
سلمى : ايه خيرناه لبارح و جابوه ليوم .بقات واقفة تخزرلهم يعني حتى ابسط التفاصيل لي يخصوها داروهم عليها قطع تفكيرها صوت عايدة ..
عايدة : فاش راكي تخممي اطفلة اجري دوشي وجدي روحك ساعة و تجي الحفافة .
أميمة : اوكي .
سلمى : اسمعي اميمة هبطي شربي قهوة بش تصحصحي مترقديلناش مع الناس بسك لبارح سهرتي و نضتي بكري .
أميمة : اوكي .
عايدة : حبسي وين هابطا تسايؤي فلبهلولة هذي دك نعيط لخالتي صورية تطلعلك فنجان .
أميمة : اوكي .
سلمى : هااي ارواحي وشنو هذي اوكي لي حكت في لسانك .
أميمة : اوكي ... ااه قصدي منعرف المهم ني رايحا .خرجت و خلاتهم حايرين ..
سلمى : شبيها الطفلة انورمال !
عايدة :والله علمي علمك .. ارواحي عاونيني فلقاطو هذا لاه واقفة كي الشمعة قدام لباب .
YOU ARE READING
عاهرة الامام(كاملة ❤️)
Romance🌙رمـــــــــــــضـــــــــان كــــــــــريــــم ومـــــــــــــبـــــــــــــارك🌙 ♨️كـــــــــــرونـــــــــــيـــــــــــك قـــــــــــصـــــــــــير♨️ ❌#لا_يحلل_النشر_بتاتا_بدون_اخذ_اذنا_شخصيا_ونقل_كل_شيء❌ ✒️قــــــيــــــد الكــــــتــــــا...