غير كملت دورت وجها شافت باباها قدامها وقفت سلمت على راسو.... يسرى:وشراك ابي.... رابح:كل منوض ونشوفك هكدا نفرح... يسرى:ربي يخليك ليا ابي.... تبسم معاها وراح قعد فوق المطرح ودار بيدو باش تجي تقعد قدامو.... رابح:سمعتك تدعي وتقولي((سُبْحَانَكَ اللَّهُمَّ وَبِحَمْدِكَ،لاَ إِلَهَ إِلاَّ أَنْتَ، أَسْتَغْفِرُكَ وَأَتُوبُ إِلَيْكَ)) تعرفي علاش يقولو هدا الدعاء.... يسرى:لالا معلباليش ابي بصح كي كنت صغيرة كنت نشوفك كل متصلي تقولو راحت فيا... سلم على راسها.... رابح: نعطيك كدليل على هذا الدعاء الحديث الشريف الآتي : عَنْ عَائِشَةَ، قَالَتْ : مَا جَلَسَ رَسُولُ اللهِ صلى الله عليه وسلم مَجْلِسًا قَطُّ، وَلاَ تَلاَ قُرْآناً، وَلاَ صَلَّى صَلاَةً إِلاَّ خَتَمَ ذَلِكَ بِكَلِمَاتٍ، قَالَتْ: فَقُلْتُ: يَا رَسُولَ اللهِ، أَرَاكَ مَا تَجْلِسُ مَجْلِساً، وَلاَ تَتْلُو قُرْآنًا، وَلاَ تُصَلِّي صَلاَةً إِلاَّ خَتَمْتَ بِهَؤُلاَءِ الْكَلِمَاتِ ؟ قَالَ: (( نَعَمْ، مَنْ قَالَ خَيْراً خُتِمَ لَهُ طَابَعٌ عَلَى ذَلِكَ الْخَيْرِ، وَمَنْ قَالَ شَرّاً كُنَّ لَهُ كَفَّارَةً: سُبْحَانَكَ [اللَّهُمَّ] وَبِحَمْدِكَ، لاَ إِلَهَ إِلاَّ أَنْتَ، أَسْتَغْفِرُكَ وَأَتُوبُ إِلَيْكَ )) يسرى شافت في باباها بفخر....الاب الوحيد لي بناتو قد مغلطو جامي ضربهم جامي عنفهم....عارف بلي ماشي كلش يمشي بالعنف....عارف بلي لازم يكون حنين معاهم باسكو البنات رقيقات بزاف لدرجة تقدر ضربة تخليها تكره الحاجة.... صح هو مدين ومتشدد في دينو بصح جامي جبرهم باسكو الحاجة كي تكون بالاجبار راح تخلي العبد يكرها ويمقتها ويولي يشوف فيها حمل ثقيل عليه....عليها يحب انو يقنعهم يحببهم في شي سوا اشياء معنوية ولا جسدية يعني اي شيء في الدين من صلاة وصوم وقراءة القرآن ولباس لازم يكون عن قناعة تامة.... يسرى:ابي... رابح:اه... يسرى: نحب نكمل نقرا شريعة في لفاك.... سلم على راسها وشاف فيها بفخر....نفس الشوفة لأي طفلة تتمناهاا....شاف فيها ودموع على طراف عينيه حاس بفرحة كبيرة باسكو عارف بلي جاب احسن بنات في العالم....صح عندو غير زوج بنات ومعندوش ذراري بصح مقتنع بقضاء ربي....بلعكس فرحان ببناتو.....تفكر النهار لي خرجت فيه طبيبة ووجها فيه حزن كبير....قاتلو بلي جاب طفلة وخدوخرة ومجاهش طفل....تفكر هديك الفرحة وكيفاش قال بصوت عالي "حجاب اخر لي من النار" بلاك الناس كامل يشوفو بلي طفل حاجة شابة....بصح هو عارف بلي جاب بنات ويجي نهار يلقاهم في كتافو كتر من رجال....من قال ان النساء نص العالم صدقوني غالط البنات هوما العالم كامل يكونو بنات واخوات وزواجات وامهات....يتوجعو ويسكتو يحملو ويضحكو....يشقاو يتوجعو والفضل توجور يكون لراجل....بصح هو عارف بلي النساء سر سعادة هدا العالم.... يسرى:بابا مسمعتش رايك.... رابح:.....
🔮 جام للحلقات + رايكم + توقعاتكم 🔮
Oops! This image does not follow our content guidelines. To continue publishing, please remove it or upload a different image.
