عاهرة الامام(كاملة ❤️)

172

⁦♥️⁩عـــــاهــــــرة الامــــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩الحــــلــــقـــــة92♨️⁩

وقفت وهيا مزالها تبكي ودموع في عينيها....راحت طلعت لشومبرا مع تفتحها شوي بانلها راقد مع بنتو شاف فيه مليح وخرجت وراحت لدوش لي توضات فيه وطلعت لبسة تقم الصلاة وجبدت مصحف بدات تقرا وهيا مزالها تبكي... وقفت فرشت السجادة وبدات تصلي وكل متركع دموع يزيدو يطيحو حتى سلمت ورفدت يديها وبدات تدعي....

انتصار:ياربي مراحش ندعي عليه باسكو يبقى راجلي ياربي انا مانيش عارفة واش راهو صاريلو ولا واش صرالو عليها مراحش نقدر ندعي ياربي اهديه ياربي وريلو طريق الصح خطراش راهو يبانلي ضايع يبانلي بلي هو ماشي عارف روحو.... عارفة بلي عندو حاجة مخلياتو هكدا ياربي اهديه وسڨمو غير علجال بنتو راهو هو برك لي بقالها هو باباها وكل عالمها... وياربي اعطيني قدرة باش نقدر نكون انا يماها باش نحاول نعوضها...ياربي ان شاء الله يقدر يدير فيا ثقة باش يخليلي بنتو نديرها بنتي....

خرجت شهقات وسط دعاءها ويدها لي تترعد مع شوربها لي يترعدو....

انتصار:والله ماكان علبالي بلي يحب مرتو انا حسبت طلق باسكو مرتو ماشي مليحة وهو حب يتزوج مكنتش عارفة بلي يحبها وعندهم طفلة....كان جيت عارفة والله والله منشوف فيه ولا نحكي معاه ولا اصلا نقبل....بعد مسمعت بلي ماتت كي سمعت بلي تزوجت حسيت بلي أنا قتلتها بصح والله ماني انا والله ماكنتش عارفة....

بقات تدعي وتحكي وتفرغ في قلبها....باسكو الهدرا لي في قلبها ماتقدر تحكيها لا ليماها لا لاي شخص اخر هيا تحكي فيها غير ربي باسكو عندها فكرة انو الشكوى لغير الله مذلة متحبش انها تبان ضعيفة عليها تبكي وتشكي غير للخالق...

وهيا تصلي وتبكي هو يشوف فيها من بعيد ويسمع فيها واش تدعي حس بغضة تع وجع....غصة مفهمش وشنوها بصح لي عارف بلي صح تفكرو في هيام صح يحسها طبق الاصل...كان مدفنهاش بيدو يقول بلي هيا....شاف مليح وقال كلمة وحدة....كلمة وحدة لي ممكن تقدر تعبر على واش فيه داخلو كامل...

سالم:اسمحيلي....

♨️ تـــــتـــــــمـــــــة الحــــلــــقـــــة92♨️⁩

ممكن للعالم كامل تبان كلمة اسمحيلي ساهلة... كلمة عادية وبلعكس الناس كامل يقولوها في كل وقت علجال هذي سبة كلمة السماح فقدت اهميتها....بصح اسمحيلي تعني انو صح ندم....صح عرف الغلطة تاعو وين...صح عرف بلي كان ظالمها....

سالم:استغفر الله....

قال هكدا وخرج راح عند بنتو لي كانت راقدة بقى يشوف فيها....

سالم:يعني نتي ضالي راقدة...؟

بقى يشوف فيها وهو يتبسم وهيا صغيرة هكدا مراحش تعرف ليمن تتشبه....