عاهرة الامام(كاملة ❤️)

20

♥ الــحــلــقــة الــعــاشــرة تتمة 02 ♥

ماشيا وراهم رافدة زوج صاشيات تكركر فيهم ..

أميمة : لبنااات تععععبت ارحموووني .
عايدة : تتعبي دوك و ترتاحي منبعد اتحملي قريب نكملو .
سلمى : اواه مشكيتش بعد الزواج ترتاح تكذبيش عليها عايدة 😏
(اللهم اني صائمة ربي يغفرلي 😂راني حكيت بنيتي مشي مسؤولة على وش تفهمو 🏃)
عايدة ضحكت : يعطيك ضربة نسيتها ڤع راحت من بالي 😂😂 اواه ملازمش نتعبوها قبل العرس بسك الايام الاولى .......
أميمة : خلااااص اسكتوووو منحبش نسمع صايي .

سلمى تلفتت ليها لقاتها حمرا طوماطيشة شدتها تمسلها في راسها لقات السخانة طالعاتلها بزاف ...

سلمى : يخااه توخذنا فالطفلة شبيك حمرتي هك حسبتك متحشميش اكي مجربة 😉
عايدة : اووه أميمة عندك عام زواج منيتك مزلتي تحشمي مالقري هذاك و هذا مشي كيفكيف مي المهم التجربة .
أميمة دورت بعيد تهرب في عينيها منهم : ايا ندخلو لذاك الحانوت خاصوني شويا حوايج نشريهم من تم .

سلمى خزرت في عايدة حايرة و مشاو وراها للحانوت ... دخلت تفوت في يدها على القش زعما تخير و هي قريب تذوب في بقعتها غي بش تبعد الانظار منها و تتلفلهم لحكاية ...

أميمة : لبنات شوفو هاذ لبيجاما هايلا .
سلمى : واينا فيهم ! .. ييي طويلة و عريضة هذا ملقيتي ؟ ديجا وش تديري بلبيجاما رح تتزوجي اطفلة و متلبسيش هك .
عايدة : سلمى عندها الحق معندك متديري بلي بيجاما فوتي بلي عندك و شري قش كذا منا ملهيه 😏
أميمة : عجبتني و نسحقها ديجا وشدخلكم حنشريها .
سلمى جبدتها من يدها : امشي نروحو عند الحفافة نحكمو رونديفو منضيعوش الوقت .
كانو خارجين سمعو صوت وراهم : أمـيـمـة .

تلفتو في ثلاثة شافو فرح جايا جيهتهم رافدة بزااف صاشيات ..

فرح سلمت عليهم : مزيا لقيتك هنا كنت كنت حنعيطلك نفوتو عليك و تروحي تخيري الخاتم .
أميمة : معليش فرح خيريها نتي بسك راح الحال لازم نحكم رونديفو عند الحفافة و نخير لاروب .
فرح : ااه مام انا رايحا عند الحفافة وشرايط نروحو مع بعض و من تم نروحو تخيري الخاتم و نوصلوك .
أميمة تلفتت لسلمى و عايدة : منعرف كيفاه لبنات؟
عايدة : شوفي بقات غير لاروب تخيريها و شرينا كلش مالا انا و سلمى نرجعو رانا غلبنا و مزال نيتواياج الدار اكي تعرفي و نتي روحي مع فرح .
فرح تبسمت : ايا مالا نروحو .
أميمة : سور لبنات متروحوش تخيرو معاي لاروب !
فرح جبدتها من يدها : راني معاك ذوقي راااقي متخافيش اياا خفي راه يستنا .

خلات لي صاشي عند لبنات و خرجت مع فرح لي حتطير من الفرحة تحسب هي لي حتتخطب ..
كان في طوموبيل يبربش فتيليفون و يستنا في ختو حتى تفتحو بيبان طوموبيل لي جنبو و لي ورا ...

سيف : قريب مجيتيش كنت رايح لحقتي فاللحظة الاخيرة .

ركبت تسمع في صوتو غريب مش صوت فؤاد تلفتت ليه لقاتو يخزرلها من لمرايا حاير كيفها ...

🔮 جام + رايكم + توقعاتكم 🔮

وشراااايكم في اللقاء بين سيفوش و اميمة 💃