عاهرة الامام(كاملة ❤️)

184

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 112 ♨

قاعدة فوق السرير ضامة رجليها لصدرها و راسها فوقهم .. تفتحت الباب و دخلت يماها ..
فتيحة : بختة ساعتين و انا نعيطلك تهبطي تتعشاي .
بختة بلا متخزر فيها : منيش جيعانة .
فتيحة : غامة روحك متاكلي متشربي حالتك حالة و علابالك باباك ميبدلش رايو كي يقول حاجة اطلعي للسماء ولا تدخلي تحت الارض ميرجعش فيها ..
حركت راسها بالعرض البطيء عينيها حمورا دم و قحرتلها : اصلا جامي سمعتولي حياتي كامل مشيتوها على كيفكم جامي حبيتو تعرفو بختة وش راهي تحس اذا عاجبها وش رانا نديرو ولا لالا اذا راضية ولا لالا اذا قابلة ولا مش قابلة ... ابسط حقوقي نخير الراجل لي نكمل معاه حياتي الراجل لي يناسبني و لي نقدر نكمل معاه حرمتوني منها .
فتيحة تنهدت : يابنتي باباك لي هدر و تعرفيه ميقول حاجة غير كي يشوف فيها مصلحتك .....
قاطعتها كي وقفت تعيط : ويرااه مصلحتي في هذي !! اكي تحكي مع مرا عندها 32سنة مش مع طفلة تع 18سنة انااا مسؤوولة على رووحي و على قراراتي و نعرف مصلحتي ويراه .. اذا راكم حابين تتخلصو مني ولا حسيتو ثقيلة عليكم ردوني منين جبتوني و متديروش فيا هك ....
فتيحة : بختة وشراكي تقولي وين نردوك ...
بختة : ردوووني للمرا لي ولدتني نبقااا معاااهااا و مع ولااادهااا خير منتزوج راجل نكرهووو و نكره اسمووو و سيرتووو ردوووني ليها ولا نهز روحي و نروح عندها ......
مكملتش كلامها سكتها كف طاح على خدها خلا وجهها يدور للجيهة الثانية ...
فتيحة : انااا لي ربييتك و اناا لي كبرتك و اناا لي تعبت معااك و سهرت معااك و بكييت معاااك  فللخر تجيني في عمرك هذاا تقووليلي نولي للمرا لي ولدتني !! كي باباك خمم في مصلحتك و حب يزوجك للراجل لي يحبك و يديرك في عينيه تقلبتي عليناا !!! ارجعي عندهاااا روووحي وشراكي تستناي هزي روحك كيما قولتي و روحيلها بش تحاوزك من الباب و تبهدلك قدام خلق ربي روحيلها شوفيها كيفاش عايشا مع ولادها و راجلها فرحانة و نساااتك تحبي تروحي روووووووووحي .
خرجت فتيحة حتطرطق من العصب خلاتها حطت يدها على خدها و دموعها بداو يطيحو .. جرات وراها قفلت الباب بالمفتاح و قعدت علارض جنبو تبكي بالشهقة و تحكي مع روحها ..
بختة : علااه انااا ياربي علاااه .. علاااه انا اختباري صعيب هك علااه اناا ولدتني مرا متستاهلش تكون ام و رماتني علااه اناا جيت من راجل كل همو شهوتو و مرا مشي مسؤولة بايعة جسمها علاااه اناااا علااااه .. فللخر هوما الزوج كملو حياتهم فرحانين كأنو مصرا والو و خلاوني وراهم رمااوني و نساااوني حتى وجههم منيش شافية عليه .. علااه مقتلتنيش كي كنت في كرشها و صبرت 9اشهر و رماتني هي تعذبت 9اشهر و انا تعذبت 32سنة .. تزوجت و جابت ولاد و مسقسات عليا كيفاش قدرت تكون بلا قلب و قاسية للدرجة هذي كيفاااش قدرت ترميني بلا متخزر ورااهااا .. و دوك يحبو يزوجوني للراجل لي خلاني وراه و راح كيفما خلاوني هوما معلابالهمش بلي لي قدر يروح و يصبر خطرة يقدر يعاودها 1000خطرة .. وش هاذ العذااب اربي حنبقا حياتي كااامل مكرووهة لي يدخل حياتي بسبة و يخرج منها و يخليني وراه حنبقا ديما في دور المهجورة وشفيا بش يهربوو مني علااااااه ؟؟؟؟؟
حطت يديها على وجهها و صوت شهقاتها علاو حست النفس ضاقلها و روحها حتخرج من بين ضلوعها .. حطت يدها على صدرها و رقبتها تمسد عليهم و تحاول تجبد النفس واالو الاكسجين مبقاش يقدر يلحق لرئتاها حست روحها صايي حتموت وجهها طلع بكامل لي كولور .. قفلت عينيها حاسة بلي هذي نهايتها حتى حست بالماء يدخل فمها و يدين على صدرها يضغطو عليه .. بلعت الماء و خدات نفس طويل رجعت بيه لي راحلها .. فتحت عينيها قابلها باباها قدامها مترددتش غير شافتو رمات في حضنو تبكي و هو دور يدو عليها يطبطب على ظهرها ..