عاهرة الامام(كاملة ❤️)

112

♥ الــحــلــقــة الــســادسـة و الـخـمـسـون تتمة 02 ♥

دخلت لشمبرتها بعدما راحو عايلتها .. رمات خيمارها على السرير و مشات لخزانتها جبدت بيجامة خفيفة شورت و بيستي و دخلت لدوش تلبس .. خرجت تلم فشعرها الطويل لقات سيف واقف قدام لاكوافوز كي سمع صوت تلفت رافد كادر فيه فوطو تاعها في خطبتها مع باباها ..

سيف : اميمة علابالك بلي مش مليح تعلقي فوطوات فيهم ارواح ..

أميمة خزرت فيه و قعدت قدام لمرايا تحط فلي بوماد ..

أميمة : معجبتكش فلافوطو !!
سيف حط الكادر مقلوب و قابلها : لاه كي نحب ننصحك على حاجة تخممي بلي معجبتنيش ولا غرت ولا كرهتك ! أميمة نصائحي ليك و هدرتي معاك لمصلحتك بش تبدلي حوايج في روحك و نظرتك لبعض الاشياء ..
حطت لابوماد على وجهها تدير في مساج و تحكي : قلتلك منتبدلش مفهمتش لاه مصر تبدلني و ظقادرش تستوعب و تفهم بلي منتبدلش موحال تبدلني .. هذي انا أميمة بصفاتي السيئة قبل لمليحة تقبل بيا هك اللهم بارك متقبلش رجعني لدار بابا .

بقا يخزرلها لحظات مركز مع جملتها الاخيرة .. للدرجة هذي قلبها بارد ! "اللامبالاة" عندها زاايدة .. معىقش على كلامها و كمل وش كان رح يقول ..

سيف : قال الرسول -صلى الله عليه و سلم : " إن اصحاب هذه الصور يعذبون يوم القيامة ، فيقال لهم : احيوا ما خلقتكم " .. و اتفق علماء الدين على حكم تحريم تعليق صور ذوات الاروح في البيت من هذا الحديث و من احاديث غير هذا .
أميمة بصوت خافت : صلى الله عليه  سلم .

كملت من بومادتها و وقفت .. هذا وين انتبه للبستها كيلها من فوق لتحت و مشا لخزانتو بصمت جبد سيرفاث و تريكو خفيف و دخل يلبس .. كي تأكدت بلي قفل باب الدوش رفدت لكادر و بقات تخزرلو لحظات و كلامو يدور في راسها .. حركت كتافها بعدم مبالاة و حطت لكادر مشات خطوتين و عاودت رجعتلو .. خذات نفس و فتحتو جبدت لافوطو خباتها تحت قشها و حطتو في القجر .. دخلت تحت لغطاء يدها تحت راسها و عقلها غايب مع ذكرياتها حتى خرج سيف نشف شعرو بسيرفياث برك و قرب للسرير لقاها راقدة في الوسط .. فهمها مشا رفد وسادتو و حط كوفيرطات علارض فرشها و رقد عليهم ..

🔮 جام للحلقات + رايكم + توقعاتكم 🔮