عاهرة الامام(كاملة ❤️)

47

♥ الــحــلــقــة الــرابــعـة و الــعـشـرون تتمة 02 ♥

فرح : يسرى حبي عيطتلي ماما تسحقني دوك لازم نروح .
يسرى خزرت فيها : احم كملي الساعتين لي بقاو و روحي .
فرح ناضت تلم ادواتها : لالا لازم دوك .. فليل بعتيلي الدروس نسيي نفهم من ليوتيوب و نكتبهم ايا باااي .
يسرى وقفت : فرح ...
فرح تلفتتلها : وي يسرى .

مشات ليها يسرى عنقتها و زيرت عليها حابسة دموعها على شعرة يطيحو و فرح مش فاهمة ...

يسرى : اتهلاي في روحك و متخافيش .
فرح بإستغراب : نتي تاني اتهلاي في روحك .
يسرى : متقدريش متروحيش !
فرح : لازم نروح .. يسرى وشبيك ؟
يسرى : معليش نروح معاك !
فرح : وين تروحي لالا لالا بقاي حضري الدروس بش تبعتيلي باي .

مخلاتهاش ترد و خرجت .. مسحت يسرى على وجهها و خرجت ملاكلاص قبل تجي الاستاذة .. جبدت تيليفونها دخلت للابليكاسيو تع لجي بي اس شافت الموقع و خرجت تجري .. فالساحة حكمتها طفلة تحكي معاها بسيف ليكيداتها و خرجت مليسي للطريق تحوس على طاكسي .. لي تفوت متحبسش نفخت و كملت تمشي و تشوف في تيليفونها فرح مزالها فالطريق ... تدعي في قلبها تصرا اي حاجة ترجعها ولا تحبس فالطريق و متلحقش عندو ..
بقات تمشي و تحوس على طاكسي مكاش ..

في نفس الوقت فرح لحقت للعنوان و هبطت قدام باتيمو تبان قديمة .. خدات نفس و دخلت دقات قلبها يتسمعو من برا متوترة و خايفا حاجة داخلها تقوللها ارجعي متروحيش عندو اما حبها ليه اكبر .. فكرة وحدة في راسها هو يحبها و ميقدرش يآذيها جابها بش ميشوفوهمش بسك توحشها بررك ...

* عند يسرى مزالها تمشي فالطريق و دموعها طاحو كي شافت بلي صحبتها لحقت .. العنوان في يدها الوقت يضيع و طاكسي مكاش .. خرجها من افكارها السودوية صوت طوموبيل حبست قدامها .. تلفتت و عقدت حواجبها كي سافت فؤاد هابط منها و ماشي جيهتها مبتسم ...

فؤاد : اهلا يسرى .
استغرابها زاد كيفاش عرفها و هي مغطيا يبانو غير يديها : فؤاد !! وشراك تدير هنا ؟
فؤاد : عندي طريق من هنا كي سفتك قلت والله نهبط نسقسي عليها .
يسرى : شفتني و عرفتني !!
فؤاد حمحم و بدل الموضوع : تحبي نوصلك ؟
يسرى : لالا ميرسي .
مشات خطوة و رجعتلو : فؤاد هيا .
فؤاد : هيا ! وين ! نوصلك !!!!
يسرى مشات فتحت باب الطومبيل : خف ضيعت بزاف وقت هياااا .

جرا ركب و ديمارا في الطريق لدارهم ..

يسرى : ارجججع شوف لادريس هذي نروحو ليها .
فؤاد : مهيش بعيظة بزاف بصح وش كاين هنا ؟؟
يسرى : ميهمكش امشي برك .

🔮 جام + رايكم + توقعاتكم 🔮