عاهرة الامام(كاملة ❤️)

17

🔥🔞 عـــاهــرة الإمـــــام 🔞🔥

✏ ســــارة & بـــخــتــة ✏

الــحــلــقــة الــتــاســــعـــة :

صورية : أميمة .. أمــيــمــة وييراااكي اطفلة ؟

خرجت من غرفتها على عياط ماماها و هبطت الدروج تجري قريب تطيح على راسها ...

أميمة : هاااني امااماا هااني .
رابح : بلعقل اصورية على الطفلة قريب طاحت .
صورية : وش من عقل بقا الوقت راه يروح و مدرنا والو .
رابح : هيه و منديرو والو ياك تفاهمنا صايي يجو بالسكات يحطو لخواتم بيناتنا يحضرو غير لقراب لاه هذا كامل .
صورية : شوف الدار حالتها حالة لازم نديرو نيتواياج و تخرجي تشري لي يخصك و ......
أميمة : فهموني وش راه صاري شكون جاي وش من خواتم وش خاصني ؟؟؟؟؟
صورية : بوووه الخطبة تاعك بنتي .
أميمة : الخطبة تاعي ! وقتاش هذي و لاه مقولتوليش هذا وين ؟
رابح طبطب على كتفها : متقلقيش روحك بنتي و متديريش عليها وجدي روحك راه مزال وقت لغذوا .
أميمة : غذوااا !!!!!
صورية : ايه غذوا روحي غسلي حالتك و رواحي نبداو ننقو الحالة و راني عيطت لبنات خالاتك يجو يعاونونا .

رجعت صورية للكوزينة خلاتها جامدة في بلاصتها كلشي فات بلخف لبارح قبلت و غذوا خطبتها خاصهم يقولولها بعد سمانة العقد و تكمل عليها ... خرجها من افكارها صوت صورية تعيط من لكوزينة ...

صورية : حقاااا قالتلي ياسمينة العقد بعد الخطبة ديراكت منطولوش فيه .

أميمة : وشنوو !!

تلفتت لرابح و الدموع في عينيها : بابا صح وش راني نسمع ؟ لبارح قبلت ديجا رح نعقدو لاه يزربو هك مزال موجدت روحي .
صورية : توجدي روحك في يومين اصلا حاجة خفيفة اشري غير لبسا للعقد و صايي .
رابح : صورية كملي شغلك .. ايا اميمة معاي نحكو فصالون .

مشات وراه تجر في رجليها جران و كلامهم يدور في راسها .. خطبة غذوا عقد قريب و هي مزالها مقتنعت بفكرة الزواج مزالو ذكريات الكلب الاول في راسها كيفاش حتعيش مع وحدوخر تحت سقف واحد و يتقفل عليهم باب و مش اي واحد هذا وليد عمها ممكن الحاجة لي مطمنتها و لو شووويا هي كونو وليد عمها و باباها وراها موحال يقيسها ولا يآذيها عكس زواجها الاول اذاك كان علابالو بلي بينها و بين باباها و على هكا دار رايو فيها بلا خوف ...
قعد رابح و اشرلها تقعد جنبو .. مشات بالسكات و قعدت عينيها فلارض حابسة دموعها بسيف مش حابتهم يهبطو و يبينو خوفها و ضعفها فللحظة هذي اما قدام شكون .. هذا لي رباها و كبرها على يدو يعرفها في كل حالاتها بلا متحكي كي تكون مقلقة كي تكون فرحانة و كي تكون خايفا و مرعوبة ... حط يدو على يديها و زير عليهم ...

رابح : ....