عاهرة الامام(كاملة ❤️)

80

🚫🖤 عـــاهــرة الإمـــــام 🖤🚫

✏ ســــارة & بـــخــتــة ✏

الــحــلــقــة الــــواحـــــد والاربـــــعــــون:

بقات قاعدة وتشوف من التاقة وهيا تخمم....هيا اصلا وماشي عارفة واش راهي تخدم ولا اصلا واش راهي دير....حاسة روحها لعبة في يد اي واحد يجي يهزها يحطها وين يحب ووين تناسبو....مكاش كامل لي تحسو يحوس عليها ولا على واش هيا حابة....صح هيا راهي مخلطة صح هيا ماشي عارفة واش دير باسكو حاسة بتشويش كبير وخوف اكبر....خوف من مستقبل مجهول خوف من حاجة هيا ماشي عارفتها من انو الماضي يرجع يلاحقها....افكار يخطرو في راسها غير سلبيين....وزيد حريق تع راسها وعينيها من كترت سهاري تحس روحها وحدة عايشة زايدة....معندها لا حلم لا امال عايشة برك باش تعيش عايشة تاكل تشرب تتنفس وخلاص توجور تحس بخنقة في صدرها بصح توجور كانت تخبيها بضحك وتبهليل....توجور كانت وجعها تخبيه روحها باسكو هيا عارفة روحها بلي وحدة قوية....عارفة بلي الشوكة لي غير الله مذلة.... بصح شعور انك نت تايه في ظلام كاره عيان تعبان....وزيد لي يجي يلومك ماشي ساهل....انك ترمي كلش موراك وديري واش تحبي تضحكي تلعبي تتجاوزي قوانين كلش قوانين المجتمع والعائلة قوانين اي حاجة....تولي تعيشي روحك ماشي لناس تعيشي لنفسك لي ظلمتيها لي عذبتيها بكيتيها....غمضت عينها وزيرت على لاغوب بلونش وهيا رجعت لنفس النهار ونفس الحاجة بصح كلش متبدل ماشي كيف هكدا....

#Flash_Back:

كانو في طريقهم باش يروحو للاوتيل
سام:حبي اخيرا رانا وحدنا....
أميمة:مانيش مصدقة بلي خلاص تزوجنا بعد علاقة طويلة انا رجعت مرتك ونت رجعت راجلي وكل واحد قال بلي كان يلعب بيها دوكا يعرف بلي نت صح تحبيني بلي صح نت مكنتش ديرني لعبة عندك....
جوز يدو على خدها بحنانة وتبسم....
سام:وانا كنت راجل عند هدرتي وديتك....قتلك بلي راح نديك لداري(هدر بهوس)بصح مقتلكش واش راح نرجع...
أميمة:واش قلت الأخيرة....
سام:والو قلت بلي بزااااف فرحان باسكو رجعتي مرتي...
شافت فيه بحب وبقات غايسة فيه....
أميمة:جامي فرحت كيما هكدا منقدرش نعبر على واش نحس والله حاسة عندي جنحتين وراني نطير في سابع سما....
سام:بصح مرات يجي ريح قوي يكسر هدوك الجنحتين وراح طيحي طيحة  لسابع ارض....
شافت فيه وجها صغار...وعرق بدا يقطر بلعقل...بلعت ريقها بالسيف مفهمتش علاش راه يحكي هكدا هدرتو بزااااف حستها بخوف كبير....
أميمة:واش تقصدك....؟
سام:.......

🔮 جام للحلقات + رايكم + توقعاتكم 🔮