فتحت عينيها على ضوء الشمس الداخل من شباك غرفتها .. حطت يدها على راسها تحسو ثقيييل و يوجع بعد بكاء البارح .. ناضت للدوش غسلت و توضات و خرجت لبست طقم الصلاة فرشت سجادتها و وقفت تصلي تع لبارح لي فوتتهم بسبب مشاكلها فالوقت لي كان لازم تصلي و تدعي ربي يخفف عليها حملها و يغفرلها اخطائها مع باباها و الفجر لي متصليهش في وقتو غير في رمضان كي تنوض تتسحر حالة محزنة للأسف💔 كملت صلاتها و هزت يديها حتدعي اما حست بلي معندهاش حق تستنجد بربي سبحانو بعد اخطائها ... وقفت و لمت سجادتها نحات لباسها و نقات شمبرتها كي كملت هبطت للكوزينة منين سمعت الحس لقات صورية تطيب فلغذاء و رابح قاعد علاطابل يشرب في قهوتو و يقرا فلجرنال كي شافتو هبطت راسها ..
اميمة : السلام عليكم . صورية + رابح : و عليكم السلام . صورية رفدت تيرموس القهوة : تشربي ! اميمة نحاتلها من يدها : خلي عليك ماما انا نحطها . حطت فنجان و قعدت قدام باباها تمنات فللخدحظة هذي تذوب كي الملح في الماء و تختفي من قدامو مشي حق عليها تقابلو و تحط عينها في عينو ..
رابح : أميمة .. طلعت راسها تهرب في عينيها يمين و شمال : انعم بابا . رابح : استخيرتي ؟
رجعت هبطت راسها و حشمت اكثر و اكثر كانت رافضة لدرجة مسمحتش لروحها تخمم ولا تستخير ربي في موضوع كبير كيما هذا و نفس الغلطة ارتكبتها في زواجها الاول ...
أميمة : لالا . رابح : و مكيش مخممة تصلي استخارة ؟ أميمة : ان شاء الله بابا . رابح : منيش نجبر فيك اما من حقك تستخيري و لي ترتاحيلها رانا معاك . أميمة : حاضر بابا .
رابح وقف : صورية راني خارج كشما تسحقي . صورية : سلامتك استودعتك الله . رابح : لا اله الا الله .. السلام عليكم . صورية : و عليكم السلام .
بقات تتفرج في والديها اول مرة تركز في حاجة هك مالقري من صغرها تسمعهم يقولوها و رجعت بيها الذاكرة ليامات زواجها ... #Flashback
&&& : شوفي ياق** راني خارج ياويلك و ياسواد ليلك اذا وليت و لقيتك عاملا مشكل مع يما ولا خواتاتي اقسم بالله لسانك نقطعو . أميمة : ياااك هوومااا يدنااو لياا و يطلعوو عندي سورتو لامياا ختك اللفعة لكبيرة هي لي تظاال توسوس ليمااك عليااا راني سمعتهاااا . &&& : بلعي ر** فمك منسمعش صووتك ختي خير منك و من الف كيفك . أميمة : هكا يا &&& ! معلييش كون يطلعو عندي نوريهم أميمة بنت رابح وش تدير . &&& : يطلعو و يقعدو و يديرو لي يحبو داري هذي مهيش دااارك . أميمة : طفوووو .
محستش غير بكف دورلها وجهها و طاحت علارض تبكي ... &&& : صووتك ميعلااش عليااا لي عندي قولتو و تتحركي خطوة برا الدار رجليك يتقطعو و تيليفونك انسايه فايسبوك و انستغراام غير نسااايهم تظاالي تشايخي مع الرجال كي الق*** و كي ندخل تلعبيها الشريفة العفيفة .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
