عاهرة الامام(كاملة ❤️)

23

🔥🔞 عـــاهــرة الإمـــــام 🔞🔥

✏ ســــارة & بـــخــتــة ✏

الــحــلــقــة الثــانـيـة عـشــر :

حبس طوموبيل قدام دارهم ...

فرح : بصحتك القلب سلميلي على خالتي .
أميمة : الله يسلمك توصل ... ميرسي سلام .
فرح + سيف : وعليكم السلام .

هبطت و دارت على طوموبيل تفتح لامال بش تجبد لاروب بقات تحاول فيها معرفتش ..

أميمة : شوو لبهلول يشوف فيا نتعيفر معاها ميمبا هبط فتحهالي .

مكملتش كلامها و لقاتو قدامها يقربلها و هي ترجع كليكا على بوطو تفتحت بقات فاتحة عينيها و فمها فيه ...

سيف : هاكي تقدري ترفديها ؟؟

حركتلو راسها و مزالها غايسا رفدتها كانت اكبر منها لاروب لي هازتها مش العكس و هو قفل لامال و بقا يتبع فيها بعينيه جاتو الضحكة من حالتها حتى دخلت و قفلت الباب ضحك ركب و قلع ...

♥أميمة : ني جييييييت .
عايدة خرجت من صالو لابسا طابليا و معصبة شعرها : مرحباااا بيك قريب مجيتيش .
صورية : وين قعظتي ذا كامل ؟
أميمة : طولت شويا كي خيرت الخاتم و لاروب بسييف لقيت لاطاي تاعي .
سلمى : هاابااينا متلقايش مطرق شواء لازم تسمني قبل العرس بش تجي عليك لاروب بلونش .
أميمة رمات روحها على لفوتاي : هففف اسكتي مالا خليني نرتح و نتنفس تعععبت .
صورية : متقوليليش جيتي وحدط فلوقت هذا !!!!
اميمة : لالا وصلني سيف .
عايدة و سلمى كانو يفتحو فلاروب كي سمعو كلامها تلفتو في وقت واحد : سييييف ! 😍
وقفت و رجعت خطوتين كي شافتهم فتحو فمامهم رح يبداو يسقسيو طلقت الريح لرجليها طلعت لغرفتها و قفلت الباب بلمفتاح ...
سلمى : أمييييمة افتحي حكييلناا .
عايدة : أمييمة متخليينااش هك احكيييلنا وش صراا وش درتو وش قال وش قولتي ؟
أميمة : اخطووووني مصراا واالو ني تعبااانة .

خلاتهم قدام الباب و رفدت بيجاما دخلت تدوش تنحي التعب .. كملت الدوش و خرجت تنشف فشعرها فتحت الباب سمعتهم تحت يحكيو تنهدت و هبطت للكوزينة ..
صورية : صحا الدوش بنتي اقعدي تتعشاي .
عايدة : بصحتك لاروب تهههبل .
سلمى : ايه شابة بزاف بصحتك .
أميمة : الله يسلمكم ميرسي .

قعدت معاهم تسمع فيهم يحكيو على التحضيرات و هي في عالم ثاني زوجوها و يقررو عليها و هي خارج الموضوع تسمع من بعيد و كلمة اوكي داكور وحدها على فمها .. كملو تعشاو و طلعت هي لغرفتها رقدت ديراكت من التعب و هوما كملو نيتواياج ..