دخلت عند فرح....قعدت قدامها بقات تشوف فيها عارفة بلي نايضة مي دايرة روحها راقدة باسكو عارفة بلي راها غالطة....
يسرى:راح نبقى هنا حتى وكان تبقاي راقدة حتى غدوا الصباح...
حلت عينيها وشافت فيها وهيا دموع في عينيها....
فرح:سمحيلي....
يسرى:علبالك وشنو لي وجعتني بزاااف....تعرفي وشنو الحاجة لي دمرتني...
شافت فيها حركت راسها بلالا....
يسرى:غاضتني انك خلفتي الوعد....غاضتني انك مكنتش قيد كلمتك هدي قتلتني....هدي خلاتني ندمر فوق متتخيلي....
فرح:يسرى....
يسرى:متقوليش نسيتي الوعد....انو قبل منديرو اي حاجة لازم نحكو لبعض منخلو حتى اسرار بينتنا....نتي كنتي تمشي معاها مدة 3 سنين كامل وأنا اخر من يعلم....
عضت على خدها من لداخل تشد في دموعها....
يسرى: اتخيلي كان مسمعتش بلي راح تتلقاي بيه واش يصرا كان مسمعتش كان بقى يغتصب فيك وبلاك حتى انو يدخل صاحبو....وبلاك انو توصلو حتى يصرالك نزيف....ويقدر حتى انو يقتلك عادي ومكاش لي يعرف باسكو مخليتها في السر....قوليلي برك كي كان يغتصب فيك كي روحتي ليه برجليك واش كان يقلك....كان يقولك نفس الكلام المعسول كان يقلك نحبك ونتي مرتي وحلالي....
