عاهرة الامام(كاملة ❤️)

75

♥ الــحــلــقــة الــثــامــنــة و الــثــلاثــون تتمة 02 ♥

🌸 اصبحنا و اصبح الملك لله 🌸

راقدة بعد سهرة طويلة اما على غير العادة سهرة لبارح كانت مع لبنات تشايخ و تضحك مش مع تيليفونها .. زدمو عليها لبنات يغنيو و يزغرتو ..

قمر : نوووضي يااعروووسة الليلة ليييتك .
سلمى : يويويويووووووي الليلة تخلي دار باباكم و تروحي لدار راجلك نوضي عبريلنا على احساسك .
قعدت على السرير و عيطت : حااااسة بالضيييقة حاااسة بالتعب حااابة نرقد اخطووووووونييييي كل صبااااح تنوضوني بأصواتكم اصوات المعز 🐐
عايدة ضحكت : يغفرلك ربي ا اميمة اصواتنا يهوووبلو المفيد نوضي دوشي و نروحو للحفافة .
سلمى : و متبقايش تضيعي فالوقت عندك ساعة في يدك سي نو يروح رونديفو .
أميمة وقفت تلبس في رجلها و تحكي : يسما جامي تخلوني نرقد مرتاحة و ننوض فالوقت لي نحب يا نتوما يا ماما يا يسرى !
قمر تبسمت : كي تروحي لدارك تولي ترقدي فالوقت لي تحبي و تنوضي وقتما تحبي .
سلمى : اواه منظنش ترقد فالوقت لي تحب 😏
عايدة : الحشمة مبقاتش تعرف طريقها ليك 😂😂
سلمى : دك ولينا كامل متزوجات لاه نحشم منكم 🐸
رفدت اميمة لوسادة و رماتها عليهم : خامجاات انقرضووووو .

خرجو يضحكو و هي دخلت تدير دوش ..

🌸 في بلاصة مشي بعيدة بزاف على ابطالنا .. تحديدا في حومة دار خالد ...
حبست طاكسي قدام باب دارهم و هبط ميدو بتدما خلص مول الطاكسي .. جبد فاليزتو و مشا للباب يجر فيها وراه .. خذا نفس طويل و دق الباب ... سمع صوت خطوات مع كل خطوة دقات قلبو يتسارعو من الحماس شويا و تفتحت الباب ..

احلام : م .. ميدووو !!!!!!!!

نقزت عليه تعنقو و هو خلا لافاليز و بادلها الحضن يضحك .. خرجت ملكوزينة على صوت عياط بنتها و مشات للباب ..

سعيدة : احلاام شكوون فالبا ..... ولييييديييي .

طاحت المغرف من يدها و الدموع تلمو في عينيها .. بعد على اختو كي سمع صوت امو و دخل عندها يجري متوحش حضنها لحنين .. متوحش صوتها و ريحتها و بنة يديها .. متوحش دارو و بلادو .. عنقها و هي تبكي و اختو دخلت لافاليز و قفلت الباب الدموع في عينيها ...

ميدو :توحشتك يماا .
سعيدة : مام انا توحشتك وليدي مام انا .. ااه 6سنين بعيد عليا 6سنين و قلبي محروق عليك يااولييدي .
بعد عليها و باسلها راسها : خلاص هاني جيت و منوليش .
احلام :لاه مخبرتناش بلي جاي !!
ميدو تبسملها و جبدها تحت ذراعو :معجباتكش لاسوربريز !
احلام ضحكت و مسحت دموعها : احسن سوربريز .
ميدو : ويراه بابا !
سعيدة : خرج يولي مع الظهر مي دك نعيطلو كي يعرف بلي جيت يجي يجري .
ميدو : عيطيلو ياتاج راسي عيطي .
سعيدة ميلت راسها تشوف وراه : مجبتليش الكافرة ذيك !
سكت شويا و ضحك مش حاب يبينلهم ألمو : تفارقنا .
سعيدة : احسن ما عملتو مزيا مجبتهاش ولا كون حاوزكم باباك مع بعض .
ميدو جبدها من الجيهة الثانية داخل : توحشت مكلتك مالقري كليت في بلايص مختلفين و غاليين مي كيما طياب يدك مذقتش قوليلي وش حتطيبيلنا !
سعيدة تبسمت : نطيبلك شخشوخة لي تحبها تاكل صباعك وراها .
احلام شنفت : قولتلك ديريهالنا مقبلتيش و كي جا وليدك حتديريها .
ميدو قرصها من خدها : ديجا بدات الغيرة !

ضحكت و دخلو للكوزينة ...

🔮 جام + رايكم + توقعاتكم 🔮

وش تتوقعو يصرا كي جا ميدو !! 😏