عاهرة الامام(كاملة ❤️)

182

⁦♨️⁩تـــــتـــــــمـــــــة الحــــلــــقـــــة106♨️⁩

اميمة:بابا نشفى شحال من مرة كي كنا صغار يما كيفاش ضال تنعق في يسرى وانا جامي عنقتني....بابا نشوف كيفاش يما تعاون يسرى في قرايتها وانا كي نروح ليها تقلي راني عيانة راني حامل راني مشغولة....بابا يما جامي عملتني كيما بنتها كانت توجور تعاملني معاملة مختلفة على يسرى....بابا قلي كي كنت مرات نضرب يسرى كيفاش تجي تعيط عليا وتضربني ملڨري كنت كبيرة وتجي تقتلني علجالها بالضرب....علابالك بلي وصلت اني نغير من اميمة بابا مراحش نكذب عليك باسكو هذي هيا الحقيقة انا كنت كي نخرج مع سام....كي كنت نحكيلو على حياتي كان توجور يقلي بلي يماك متحبكش وتحب ختك كتر منك وكي طلقت ورجعت وشفت كيفاش  تتعامل معايا ملڨري والله والله في هذاك الوقت صح كنت راح نتوب ونعقال بصح معاملتها ونفورها خلاني نزيد نبعد عليها....

هذي كانت اول مرة في حياتي نحكي لبابا على احساسي ومنكذبش حسيت براحة....

رابح:اميمة مراحش نحكي راح نقلك حاجة وامبعد غير نكمل نحبك تطلعي لشومبرتك تخمي مع روحك...
انا:اوكي وشنو هيا....

بقيت نسمع ونستنى فيه واش يحكي....

رابح: لحكاية نفسها لي حكيتيها لسام روحي احكيها لسيف واسمعي واش يقول....

بلا منتردد ولا نخمم زوج مرات رديت....

انا: اكيد راح يقلي يماك تحبك وكي ختك صغيرة عليك برك وواش راكي تخمي مجرد وساويس الشيطان ويبقى يقنع فيا بلي يما وختي يحبوني....
رابح:روحي خمي في واش رديتي دوكا وزيدي خمي واش حكيتيلي على سام تعرفي مصلحتك وتعرفي حوايج لدوكا راكي غافلة عليهم....

غير قال هكدا شفت فيه سلمت على راسو ويديه وطلعت لشومبرتي ندير واش قالي بابا.....
   ⁦♥️⁩عـــــاهــــــرة الامــــــام⁦⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩الحــــلــــقـــــة107♨️⁩

قعدت في فراشي خممت في هدرتي على سام وسيف وغير عاودتها فهمت واش كان يقصد بابا.... كان يقصد بلي سام كان يزيد على حالتي ويخليني نكره اهلي عكس سيف لي واقف معايا في الحالات ويحاول انو توجور يوريلي الطريق الصحيحة ويحاول انو يقربي من اهلي ماشي يبعدني.... درت يدي على راسي نخمم شوي وبديت نقارن سام بسيف غير قارنت نضت نفضت راسي من الافكار وخبطت راسي بيدي....

انا:واااااع من نيتي نقارن سيف بسام اصلا مكاش مقارنة عيب اني نقارنهم باسكو الفرق باين كبير بزاااااااف....اصلا كي نجبد اسم سيف اسم سام يتمحى من العالم....لا في زين لا في عقلية ودين وثقافة كلش في كلش بعاد على بعضاهم كل البعد....

غير تفكرت سيف وكي قالي توحشتك وكي عنقني حسيت بفرحة كبيرة.... وتمتم تفكرت البوسة لي مدهالي نهار خطبة تع يسرى واااااع راني بزاااااااف فرحانة مجرد اني نفكر فيه نحس روحي فرحانة ومورالي يطلع.... ربي يخليه ليا ولا يرحمني منو....