عاهرة الامام(كاملة ❤️)

91

♥ الــحــلــقــة الـخــامــســة و الأربــعــون تتمة 02 ♥

دخل من الباب وهو يشوف في الوقت خايف لا يفوتو وقت صلاة العصر.... غير يدخل يسمع صوت ضحك عالي....مكنتش المشكل في صوت الضحك كان المشكل انو صوت انثوي وضحكة ماشي تع مرأة عادية كانت تبان كيما ضحكة ع-اهرة....عض على شاربو كي عرف ضحكة تع شكون دخل لصالو يشوف حتى تبانلو هيا هبط عينو لقاها لابسة بيجامة قصيرة بزاف ومزيرة وطالقة شعرها ودايرة مكياج قاوي تقول رايحة لعرس....
سيف:السلام عليكم....
فؤاد:وعليكم السلام خويا....
راح يشوف فيها كيفاش تحكي مع خوه وماخذة راحتها وزيد بالمعري هداك والمكياج والعلك لي في فمها...
سيف:اميمة....
اميمة:خير إن شاء الله واش تحتاج من عندي...
سيف:تبعيني لشومبرا...
اميمة: افففف راني عيانة....
سيف:استغفر الله العظيم....أميمة سمعتي هدرتي راني طالع نحبك تلحقيني....
طلع هو وهو مقلق....وهيا شافت في فؤاد....
اميمة:توجور هكدا هدا ولا كيفاش....
فؤاد:علبالك بلي هو هكدا معقد وزيد....
اميمة:بلا زيد خلاص فهمت....بصح حبيت نفهم علاش انا متزوجتش بواحد كيفك ماهو متفتح ماهو معقد يعني نعيش حياة مرتاحة بصح زهري من المفتح فوق لازم للمعقد فوق الحدود كامل....
تنفست وطلعت موراه غير دخلت لقاتو هداك وين خرج من دوش وباين كان متوضي....
اميمة:علاش قتلي تبعيني غير الخير...
راح رفد سربيتة(منشفة) وبدا يمسح في وجهو....راح قرب ليها وتبسم معاه بحنانة...
سيف: أميمة منحبكش تنساي بلي راكي متزوجة منحكيش تنساي بلي راني راجلك كيفاش تلبسي هدي لبسة قدام خويا وزيد بابا لي مدرتيلوش قدر.... ومن لفوق الضحك....
اميمة:متبداناش من جديد نت عارف بلي هدي انا وقتلك من لول بلي مراحش نتبدل وكان يصرا واش يصرا...ونت واش قلتي اوكي راحتك دوكا علاش ماكش مخليني على راحتي دوكا علاش راك تتحكم فيا....
سيف:لولا راني راجلك....دوزيام انا مانيش نحكم فيك ولا كيما راكي تخمي بصح ديري قدر للجلباب لي راكي ديراتو دير قدر بلي راكي مرأة مزوجة....
أميمة:مدرتوش بقناعة....
سيف:بصح راكي ديراتو...وكلمة مدرتوش بقناعتي هيا لي تخليك تكرهيه كان حوستي عليه برك ولا شفتي حوايج ملاك كنتي راح تحبيه....
اميمة:هههه واش من حوايج ملاح من نيتك....
شدها من كتفها وقعدها فوق سرير وتبسم معاها باسكو من نهار لي تزوج بيها قرر انو يبدلها ويحببها في كل حاجة كارهتها....
سيف:يكفيك فخرا برك كي تكوني تمشي برا وكي يكون كاين زحام يخلولك طريق باش تجوزي كالاميرة....اعرفي بلي السترة راهي حاجة مليحة ميعنيش انو تمنع عليك حياتك بالعكس كان تقتنعي بيه راح تشوفو جوانب جامي شفتيهم....

🔮 جام للحلقات + رايكم + توقعاتكم 🔮